വന് തീപിടിത്തം; മലയാളികളുടേത് ഉള്പ്പെടെ നിരവധി കടകള് കത്തി നശിച്ചു, മണിക്കൂറുകളോളം നിന്ന് കത്തി സീബ് സൂഖ്
Synopsis
നിരവധി ഗോഡൗണുകളും വെയര്ഹൗസുകളും കത്തി നശിച്ചു. പതിനാറിലേറെ കടകളാണ് കത്തിയത്.
മസ്കറ്റ്: ഒമാനിലെ മസ്കറ്റ് ഗവര്ണറേറ്റിലെ സീബ് സൂഖില് വന് തീപിടിത്തം. മലയാളികളുടേത് ഉള്പ്പെടെ നിരവധി കടകള് കത്തി നശിച്ചു. സംഭവത്തില് ആര്ക്കും പരിക്കേറ്റതായി റിപ്പോര്ട്ടുകളില്ല.
ചൊവ്വാഴ്ച പുലര്ച്ചെ രണ്ടു മണിയോടെയാണ് തീപിടിത്തമുണ്ടായത്. നിരവധി ഗോഡൗണുകളും വെയര്ഹൗസുകളും കത്തി നശിച്ചു. പതിനാറിലേറെ കടകളാണ് കത്തിയത്. സിവില് ഡിഫന്സ് ആന്ഡ് ആംബുലന്സ് അതോറിറ്റിയിലെ അംഗങ്ങള് സ്ഥലത്തെത്തി തീ നിയന്ത്രണവിധേയമാക്കി. തീപിടിത്തത്തിന്റെ കാരണം വ്യക്തമായിട്ടില്ല. ആറ് മണിക്കൂര് തുടര്ച്ചയായി തീ കത്തിയതോടെയാണ് സൂഖിന്റെ ഭൂരിഭാഗവും നശിച്ചത്.
Read Also - ഫാമിലി വിസ നിബന്ധനകളില് സുപ്രധാന മാറ്റങ്ങള്; പ്രവാസികള്ക്ക് കുടുംബ വിസക്ക് അപേക്ഷകള് സമര്പ്പിക്കാം
തിരുവനന്തപുരത്തേക്ക് സര്വീസുകൾ വ്യാപിപ്പിക്കാനൊരുങ്ങി ഒമാന് എയര്
മസ്കറ്റ്: തിരുവനന്തപുരത്തേക്ക് സര്വീസുകള് വ്യാപിപ്പിക്കാനൊരുങ്ങി ഒമാന്റെ ദേശീയ വിമാന കമ്പനി ഒമാന് എയര്. ജനുവരി 31 മുതല് സര്വീസുകള് തുടങ്ങുമെന്നാണ് വെബ്സൈറ്റില് കാണിക്കുന്നത്. ഞായര്, ബുധന്, വ്യാഴം, ശനി എന്നീ ദിവസങ്ങളിലായിരിക്കും സര്വീസുകള് നടത്തുക.
ശരാശരി 100 റിയാലിനടുത്താണ് ടിക്കറ്റ് നിരക്ക്. ഒമാന്റെ ബജറ്റ് വിമാന കമ്പനിയായ സലാം എയര് തിരുവനന്തപുരം സെക്ടറില് സര്വീസ് തുടങ്ങിയതോടെ ഒമാന് എയര് ഈ റൂട്ടില് നിന്ന് പിന്വാങ്ങിയിരുന്നു. തിരുവനന്തപുരത്തിന് പുറമെ ലഖ്നോവിലേക്കും ഒമാന് എയര് സര്വീസുകള് വര്ധിപ്പിക്കാന് തീരുമാനിച്ചു.
അതേസമയം സിയാല്കോട്ടിലേക്ക് പുതിയ സര്വീസ് ആരംഭിക്കുമെന്നും അധികൃതര് അറിയിച്ചു. ഇസ്ലാമാബാദ്, ലാഹോര്, കൊളംബോ, ചിറ്റാഗോഗ് സര്വീസുകള് റദ്ദാക്കുകയും ചെയ്യും. വേനല്ക്കാലത്ത് ട്രാബ്സോണിലേക്കും ശൈത്യകാലത്ത് സൂറിക്, മാലി സെക്ടറുകളിലേക്കും സര്വീസുകള് നടത്തും. തിരുവനന്തപുരത്തേക്ക് മസ്കത്തില് നിന്നും ഒമാന് എയറിന് പുറമെ എയര് ഇന്ത്യ എക്സ്പ്രസും സലാം എയറും നിലവില് സര്വീസ് നടത്തിവരുന്നുണ്ട്.
ഏഷ്യാനെറ്റ് ന്യൂസ് ലൈവ് യുട്യൂബില് കാണാം...
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam