കൊറോണ വൈറസ്; യുഎഇയില് ചികിത്സയിലുണ്ടായിരുന്ന രോഗി സുഖം പ്രാപിച്ചു
Synopsis
കഴിഞ്ഞ ദിവസം നടത്തിയ പരിശോധനയില് ഇവരുടെ വൈറസ് ശരീരത്തിലെ വൈറസ് സാന്നിദ്ധ്യം നെഗറ്റീവാണ്. രോഗി പൂര്ണമായും സുഖം പ്രാപിച്ചതായും തുടര്ന്ന് സാധാരണ ജീവിതം നയിക്കാനാവുമെന്നും ആരോഗ്യ-പ്രതിരോധ മന്ത്രാലയം പുറത്തിറക്കിയ പ്രസ്താവനയില് പറയുന്നു.
അബുദാബി: കൊറോണ വൈറസ് ബാധയെ തുടര്ന്ന് യുഎഇയില് ചികിത്സയിലായിരുന്ന 73കാരി സുഖം പ്രാപിച്ചതായി ആരോഗ്യ-പ്രതിരോധ മന്ത്രാലയം അറിയിച്ചു. ഇവര് ചൈനയിലെ വുഹാനില് നിന്ന് യുഎഇയില് എത്തിയതാണ്. കഴിഞ്ഞ ദിവസം നടത്തിയ പരിശോധനയില് ഇവരുടെ വൈറസ് ശരീരത്തിലെ വൈറസ് സാന്നിദ്ധ്യം നെഗറ്റീവാണ്. രോഗി പൂര്ണമായും സുഖം പ്രാപിച്ചതായും തുടര്ന്ന് സാധാരണ ജീവിതം നയിക്കാനാവുമെന്നും ആരോഗ്യ-പ്രതിരോധ മന്ത്രാലയം പുറത്തിറക്കിയ പ്രസ്താവനയില് പറയുന്നു.
യുഎഇ ആരോഗ്യ മന്ത്രാലയം ഹെല്ത്ത് സെന്റര് ആന്റ് ക്ലിനിക്ക് വിഭാഗം അസിസ്റ്റന്റ് അണ്ടര് സെക്രട്ടറി ഹുസൈന് അല് റാന്ഡ്, യുഎഇയിലെ ചൈനീസ് കോണ്സുല് ജനറല് ലി സുഹാങ് എന്നിവര് രോഗിയെ സന്ദര്ശിച്ചു. ഒരാള് സുഖം പ്രാപിച്ചത് ഏറെ ആത്മവിശ്വാസം നല്കുന്നുവെന്നും ഇപ്പോള് യുഎഇയില് ചികിത്സയിലുള്ള എല്ലാവരും ഉടന് തന്നെ രോഗത്തെ അതിജീവിക്കുമെന്നാണ് പ്രതീക്ഷയെന്നും അദ്ദേഹം പറഞ്ഞു.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam