കുവൈത്തില് അഞ്ച് ദിവസത്തെ പെരുന്നാള് അവധി പ്രഖ്യാപിച്ചു
Synopsis
അവധിക്ക് ശേഷം ഏപ്രില് 26 ബുധനാഴ്ച സര്ക്കാര് ഓഫീസുകളുടെയും മന്ത്രാലയങ്ങളുടെയും പ്രവര്ത്തനം പുനഃരാരംഭിക്കും.
കുവൈത്ത് സിറ്റി: കുവൈത്തില് അഞ്ച് ദിവസത്തെ ചെറിയ പെരുന്നാള് അവധി പ്രഖ്യാപിച്ചു. ഏപ്രില് 21 വെള്ളിയാഴ്ച മുതല് ഏപ്രില് 25 ചൊവ്വാഴ്ച വരെയായിരിക്കും അവധി. ഇന്ന് ചേര്ന്ന ക്യാബിനറ്റ് യോഗമാണ് ഇത് സംബന്ധിച്ച തീരുമാനമെടുത്തതെന്ന് ഔദ്യോഗിക വാര്ത്താ ഏജന്സി റിപ്പോര്ട്ട് ചെയ്തു. രാജ്യത്തെ എല്ലാ മന്ത്രാലയങ്ങള്ക്കും സര്ക്കാര് സ്ഥാപനങ്ങള്ക്കും ഓഫീസുകള്ക്കും ഈ അവധി ദിനങ്ങള് ബാധകമായിരിക്കും.
അവധിക്ക് ശേഷം ഏപ്രില് 26 ബുധനാഴ്ച സര്ക്കാര് ഓഫീസുകളുടെയും മന്ത്രാലയങ്ങളുടെയും പ്രവര്ത്തനം പുനഃരാരംഭിക്കും. അതേസമയം പ്രത്യേക സ്വഭാവത്തില് പ്രവര്ത്തിക്കുന്ന സര്ക്കാര് ഏജന്സികളുടെ അവധി സംബന്ധിച്ച് പൊതുതാത്പര്യം മുന്നിര്ത്തി ബന്ധപ്പെട്ട അധികൃതര് തന്നെ തീരുമാനമെടുക്കുമെന്നും കുവൈത്ത് വാര്ത്താ ഏജന്സിയുടെ അറിയിപ്പില് പറയുന്നു. ഒമാന് ഉള്പ്പെടെയുള്ള ഗള്ഫ് രാജ്യങ്ങളില് ഇക്കുറി മാര്ച്ച് 23നാണ് റമദാന് വ്രതം ആരംഭിച്ചത്. അറബി മാസങ്ങളില് റമദാന് ശേഷമുള്ള മാസമായ ശവ്വാലിലെ ഒന്നാം തീയ്യതിയാണ് വിശ്വാസികള് ചെറിയ പെരുന്നാള് ആഘോഷിക്കുന്നത്.
യുഎഇയില് ഈ മാസത്തെ ശമ്പളം 17ന് വിതരണം ചെയ്യും; നിര്ദേശം നല്കി വൈസ് പ്രസിഡന്റ്
ദുബൈ: യുഎഇയിലെ ഫെഡറല് സര്ക്കാര് ജീവനക്കാര്ക്ക് ഈ മാസത്തെ ശമ്പളം ഏപ്രില് 17 തിങ്കളാള്ച വിതരണം ചെയ്യും. യുഎഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിന് റാഷിദ് അല് മക്തൂമാണ് ശമ്പളം നേരത്തെ നല്കാന് സര്ക്കാര് വകുപ്പുകള്ക്ക് നിര്ദേശം നല്കിയത്. വരാനിരിക്കുന്ന ചെറിയ പെരുന്നാള് ആഘോഷങ്ങള്ക്കു വേണ്ടി ജീവനക്കാര്ക്ക് തയ്യാറെടുക്കുന്നതിനും നീണ്ട അവധിക്കാലം ആഘോഷിക്കുന്നതിനും വേണ്ടിയാണ് സര്ക്കാര് തലത്തില് ഇത്തരമൊരു തീരുമാനമെടുത്തത്.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam