തിങ്കളാഴ്ച വീശിയ പൊടിക്കാറ്റില് അന്തരീക്ഷം കടുത്ത ഓറഞ്ച് നിറത്തിലായി. വിമാനത്താവളത്തിന്റെ പ്രവര്ത്തനത്തെയും റോഡ് ഗതാഗതത്തെയും പൊടി സാരമായി ബാധിച്ചു.
കുവൈത്ത് സിറ്റി: കുവൈത്തില് ശക്തമായ പൊടിക്കാറ്റ്. പൊടിക്കാറ്റിനെ തുടര്ന്ന് കുവൈത്ത് അന്താരാഷ്ട്ര വിമാനത്താവളത്തില് സര്വീസുകള് താല്ക്കാലികമായി നിര്ത്തിവെച്ചതായി സിവില് ഏവിയേഷന് അറിയിച്ചു.
തിങ്കളാഴ്ച വീശിയ പൊടിക്കാറ്റില് അന്തരീക്ഷം കടുത്ത ഓറഞ്ച് നിറത്തിലായി. വിമാനത്താവളത്തിന്റെ പ്രവര്ത്തനത്തെയും റോഡ് ഗതാഗതത്തെയും പൊടി സാരമായി ബാധിച്ചു. ഒഴിവാക്കാനാകാത്ത കാര്യങ്ങള്ക്കല്ലാതെ പുറത്തിറങ്ങരുതെന്നും പുറത്തിറങ്ങിയാല് പൊടിയെ പ്രതിരോധിക്കാനുള്ള മുന്കരുതലുകള് സ്വീകരിക്കണമെന്നും പൊതുജനങ്ങള്ക്ക് പൊലീസ് നിര്ദ്ദേശം നല്കി. അടിയന്തര സാഹചര്യങ്ങളില് എമര്ജന്സി നമ്പരായ 112ല് ബന്ധപ്പെടണമെന്നും അധികൃതര് അറിയിച്ചു.
സൗദി അറേബ്യയില് ഇന്നു മുതല് വീണ്ടും പൊടിക്കാറ്റിന് സാധ്യതയെന്ന് മുന്നറിയിപ്പ്
പൊടിക്കാറ്റ്; സൗദിയില് ആയിരത്തിലേറെ ആളുകള് ആശുപത്രിയില്
റിയാദ്: സൗദി അറേബ്യയുടെ തലസ്ഥാന നഗരമായ റിയാദില് വീശിയ പൊടിക്കാറ്റിനെ തുടര്ന്ന് 1,285 പേരെ ആശുപത്രിയില് പ്രവേശിപ്പിച്ചതായി പ്രാദേശിക മാധ്യമത്തെ ഉദ്ധരിച്ച് 'ഗള്ഫ് ന്യൂസ്' റിപ്പോര്ട്ട് ചെയ്തു. ചൊവ്വാഴ്ച വീശിയ പൊടിക്കാറ്റിനെ തുടര്ന്ന് ശ്വാസകോശ രോഗങ്ങളുള്ളവരെയാണ് ആശുപത്രിയില് പ്രവേശിപ്പിച്ചിട്ടുള്ളത്.
ഇറാഖില് ഉത്ഭവിച്ച കാറ്റ് റിയാദിലും സൗദിയുടെ കിഴക്കന് പ്രവിശ്യയിലേക്കും വ്യാപിക്കുകയായിരുന്നു. അടിയന്തര സാഹചര്യങ്ങള് നേരിടാന് തയ്യാറെടുക്കണമെന്നുള്ള മുന്നറിയിപ്പ് ആശുപത്രികള്ക്ക് നല്കിയിരുന്നു.