കുവൈത്തിൽ ട്രാൻസ്ഫോർമറിനുള്ളിൽ ഒളിപ്പിച്ച് അനധികൃത മദ്യനിർമ്മാണം; ഒരു ഇന്ത്യക്കാരൻ ഉൾപ്പെടെ നാല് പ്രവാസികൾ പിടിയിൽ

Published : Nov 17, 2026, 05:47 PM IST
four expats arrested in kuwait

Synopsis

കുവൈത്തിൽ ട്രാൻസ്ഫോർമറിനുള്ളിൽ ഒളിപ്പിച്ച് അനധികൃത മദ്യനിർമ്മാണം. ഒരു ഇന്ത്യക്കാരൻ ഉൾപ്പെടെ നാല് പ്രവാസികൾ പിടിയിൽ. പ്രവർത്തനരഹിതമായ ഇലക്ട്രിക്കൽ ട്രാൻസ്ഫോർമറിനുള്ളിലാണ് ഇവർ രഹസ്യമായി മദ്യനിർമ്മാണശാല നടത്തിയിരുന്നത്. പ്രതികളിൽ നിന്നും നിരവധി വ്യാജമദ്യ കുപ്പികളും സാമഗ്രികളും പൊലീസ് പിടിച്ചെടുത്തിട്ടുണ്ട്.

കുവൈത്ത് സിറ്റി: കുവൈത്തിലെ മിന അബ്‍ദുള്ള വ്യവസായ മേഖലയിൽ അനധികൃതമായി മദ്യം നിർമ്മിക്കുകയും സൂക്ഷിക്കുകയും ചെയ്ത കേസിൽ ഒരു ഇന്ത്യക്കാരനും മൂന്ന് നേപ്പാൾ സ്വദേശികളും ഉൾപ്പെടെ നാല് ഏഷ്യൻ പ്രവാസികളെ സുരക്ഷാ വിഭാഗം അറസ്റ്റ് ചെയ്തു. അഹമ്മദി ഗവർണറേറ്റ് സെക്യൂരിറ്റി ഡയറക്ടറേറ്റിന്റെ നേതൃത്വത്തിൽ നടത്തിയ പരിശോധനയിലാണ് ഇവർ പിടിയിലായത്.

മദ്യലഹരിയിലായിരുന്ന പ്രതികളെ സംശയാസ്പദമായ സാഹചര്യത്തിൽ പിടികൂടി ചോദ്യം ചെയ്തതോടെയാണ് വ്യവസായ മേഖലയിലെ രഹസ്യ മദ്യനിർമ്മാണ കേന്ദ്രത്തിലേക്ക് അന്വേഷണം എത്തിയത്. പ്രവർത്തനരഹിതമായ ഒരു ഇലക്ട്രിക്കൽ ട്രാൻസ്ഫോർമറിനുള്ളിൽ അതിവിദഗ്ധമായി ഒളിപ്പിച്ച നിലയിലായിരുന്നു മദ്യനിർമ്മാണശാലയും സംഭരണകേന്ദ്രവും പ്രവർത്തിച്ചിരുന്നത്. ഇവടെ നിന്ന് 1.5 ലിറ്റർ വീതം കൊള്ളുന്ന 194 കുപ്പി വ്യാജമദ്യം, മദ്യം നിറച്ച ഒരു ബാരൽ ഉൾപ്പെടെ വിവിധ വലിപ്പത്തിലുള്ള 5 ബാരലുകൾ, കുപ്പികളിൽ മദ്യം നിറയ്ക്കാൻ ഉപയോഗിക്കുന്ന 3 സിറിഞ്ചുകൾ, മദ്യക്കുപ്പികൾ നിറച്ച 28 ബാഗുകൾ എന്നിവ പിടിച്ചെടുത്തു. അറസ്റ്റിലായ നാല് പ്രതികളെയും പിടിച്ചെടുത്ത തൊണ്ടിമുതലുകളും തുടർനിയമനടപടികൾക്കായി ബന്ധപ്പെട്ട വകുപ്പുകൾക്ക് കൈമാറി. പൊതുസുരക്ഷ ഉറപ്പാക്കുന്നതിനും നിയമവിരുദ്ധ പ്രവർത്തനങ്ങൾ തടയുന്നതിനുമായി രാജ്യത്തുടനീളം ശക്തമായ പരിശോധനകൾ തുടരുമെന്ന് ആഭ്യന്തര മന്ത്രാലയം വ്യക്തമാക്കി.

PREV

ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam  ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam

 

Read more Articles on
click me!

Recommended Stories

ബഹ്‌റൈനിൽ സുരക്ഷാ മുന്നറിയിപ്പിന് പിന്നാലെ സ്ഫോടന ശബ്ദങ്ങൾ; യുഎസ് റഡാറിന് നേരെ ഡ്രോൺ ആക്രമണം നടത്തിയെന്ന് ഇറാൻ
സൗദി അറേബ്യയിൽ വൻ മയക്കുമരുന്ന് വേട്ട; പരിശോധനയിൽ പിടികൂടിയത് നാല് ലക്ഷത്തിലേറെ ലഹരി ഗുളികകൾ