വിമാന സര്വീസുകള് ഇരട്ടിയാക്കി, കേരളത്തിലേക്കടക്കം വിന്റര് ഷെഡ്യൂള് പ്രഖ്യാപിച്ച് എയര് ഇന്ത്യ എക്സ്പ്രസ്
Synopsis
കൊച്ചിയിലേക്ക് നിലവില് രണ്ട് ദിവസമാണ് സര്വീസുള്ളത്. ഇത് നാല് ദിവസമാകും.
മനാമ: ബഹ്റൈനില് നിന്ന് ഇ്ന്ത്യയിലേക്കുള്ള വിമാന സര്വീസുകളുടെ വിന്റര് ഷെഡ്യൂള് പ്രഖ്യാപിച്ച് എയര് ഇന്ത്യ എക്സ്പ്രസ്. ഒക്ടോബര് 29 മുതല് നിലവില് വരും.
കോഴിക്കോടേക്ക് എല്ലാ ദിവസവും സര്വീസുകളുണ്ട്. ഞായര്, തിങ്കള്, വ്യാഴം, വെള്ളി ദിവസങ്ങളില് കൊച്ചിയിലേക്കും ഞായര്, ബുധന് ദിവസങ്ങളില് തിരുവനന്തപുരത്തേക്കും വിമാന സര്വീസുകളുണ്ടാകും. കോഴിക്കോടേക്ക് നിലവില് അഞ്ച് ദിവസമാണ് സര്വീസുള്ളത്. ഇത് എല്ലാ ദിവസവുമായി മാറും. കൊച്ചിയിലേക്ക് നിലവില് രണ്ട് ദിവസമാണ് സര്വീസുള്ളത്. ഇത് നാല് ദിവസമാകും. മംഗളൂരു, കണ്ണൂര് ഭാഗത്തേക്ക് ഞായര്, ചൊവ്വ ദിവസങ്ങളില് ഒരു സര്വീസുണ്ടാകും. ദില്ലിയിലേക്കും എല്ലാ ദിവസവും സര്വീസുണ്ടാകും. ദില്ലിയിലേക്ക് നിലവില് ആറ് സര്വീസുകളാണ് ഉണ്ടായിരുന്നത്. ഇതാണ് എല്ലാ ദിവസവും ആകുന്നത്. സര്വീസുകളുടെ സമയവും മറ്റ് വിവരങ്ങളും വരും ദിവസം പ്രഖ്യാപിക്കും.
Read Also - ഏഴ് പുതിയ സര്വീസുകള് കൂടി ആരംഭിക്കാന് ബജറ്റ് വിമാന കമ്പനി; ഡിസംബര് മുതല് തുടക്കം
12000ത്തിലധികം വ്യാജ പാക് പാസ്പോർട്ടുകൾ പിടിച്ചെടുത്ത് സൗദി അധികൃതര്
റിയാദ്: അഫ്ഗാൻ പൗരന്മാരില് നിന്ന് 12000ത്തില് അധികം വ്യാജ പാകിസ്ഥാൻ പാസ്പോർട്ടുകൾ പിടികൂടി. സൗദി അധികൃതരാണ് വ്യാജ പാസ്പോര്ട്ടുകള് കണ്ടെടുത്തത്. ദി എക്സ്പ്രസ് ട്രിബ്യൂൺ എന്ന പാക് പത്രമാണ് ഇക്കാര്യം റിപ്പോർട്ട് ചെയ്തത്.
പാകിസ്ഥാനിൽ പ്രവർത്തിക്കുന്ന വിവിധ പാസ്പോർട്ട് കേന്ദ്രങ്ങൾ വഴി അഫ്ഗാൻ പൗരന്മാർ വ്യാജ പാസ്പോര്ട്ട് സ്വന്തമാക്കുന്നുവെന്ന് സൗദി അധികൃതർ പാകിസ്ഥാനെ അറിയിച്ചു. റിയാദിലെ പാക് എംബസിയെയാണ് ഇക്കാര്യം അറിയിച്ചത്. വ്യാജ പാസ്പോര്ട്ട് സംബന്ധിച്ച് അന്വേഷണം നടത്താന് പാക് ആഭ്യന്തര മന്ത്രാലയം, ഫെഡറൽ ഇൻവെസ്റ്റിഗേഷൻ ഏജൻസി (എഫ്ഐഎ), സർക്കാർ ഏജൻസികൾ എന്നിവയുടെ പ്രതിനിധികൾ ഉൾപ്പെടുന്ന ഉന്നതതല കമ്മിറ്റി രൂപീകരിച്ചു.
വ്യാജ പാസ്പോര്ട്ട് വിതരണം ചെയ്യുന്നവരെ കണ്ടെത്തുകയാണ് കമ്മിറ്റിയുടെ പ്രാഥമിക ചുമതല. ഇവരുടെ പട്ടിക തയ്യാറാക്കി നിയമ നടപടി സ്വീകരിക്കും. വ്യാജ തിരിച്ചറിയൽ കാർഡ് ഉപയോഗിച്ചാണ് അഫ്ഗാൻ പൗരന്മാർക്ക് വ്യാജ പാക് പാസ്പോർട്ടുകൾ നൽകിയതെന്ന് പ്രാദേശിക മാധ്യമങ്ങൾ റിപ്പോർട്ട് ചെയ്തു. ഉമര് ജാവേദ് എന്നയാളെ ലാഹോറില് കസ്റ്റഡിയിലെടുത്തെന്നും പാക് മാധ്യമങ്ങള് റിപ്പോര്ട്ട് ചെയ്തു.
ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam