കുവൈത്ത് ആരോഗ്യമേഖലയിൽ പുതിയ കാൽവെപ്പ്, കാൻസർ കൺട്രോൾ സെന്‍ററിൽ ഗൈനക്കോളജിക്കൽ ഓങ്കോളജി യൂണിറ്റ് സ്ഥാപിച്ചു

കുവൈത്തിലെ കാൻസർ കൺട്രോൾ സെന്‍ററിൽ ഗൈനക്കോളജിക്കൽ ഓങ്കോളജി യൂണിറ്റ് സ്ഥാപിച്ചു. കുവൈത്തിലെ വനിതകൾക്ക് നൽകുന്ന ആരോഗ്യ സംരക്ഷണത്തിന്‍റെ ഗുണനിലവാരത്തെ ഇത് നല്ല രീതിയിൽ സ്വാധീനിക്കുമെന്നും മന്ത്രാലയം കൂട്ടിച്ചേർത്തു.

കുവൈത്ത് സിറ്റി: പ്രത്യേക പരിചരണ സേവനങ്ങൾ വികസിപ്പിക്കുന്നതിനും മെച്ചപ്പെടുത്തുന്നതിനുമുള്ള പദ്ധതികളുടെ ഭാഗമായി, കുവൈത്തിലെ അൽ സബാഹ് സ്പെഷ്യലൈസ്ഡ് മെഡിക്കൽ ഡിസ്ട്രിക്റ്റിലെ കുവൈത്ത് കാൻസർ കൺട്രോൾ സെന്‍ററിൽ ഗൈനക്കോളജിക്കൽ ഓങ്കോളജി യൂണിറ്റ് സ്ഥാപിച്ചതായി ആരോഗ്യ മന്ത്രാലയം പ്രഖ്യാപിച്ചു.

ഈ പുതിയ യൂണിറ്റ് സ്ഥാപിച്ചത് ഗൈനക്കോളജിക്കൽ ഓങ്കോളജി (സ്ത്രീകളിലെ കാൻസർ) മേഖലയിലെ രോഗനിർണയം, ചികിത്സ, പ്രതിരോധ സേവനങ്ങൾ എന്നിവ വർദ്ധിപ്പിക്കുന്നതിനുള്ള ഒരു സുപ്രധാന ചുവടുവെപ്പാണെന്ന് മന്ത്രാലയം വ്യക്തമാക്കി. കുവൈത്തിലെ വനിതകൾക്ക് നൽകുന്ന ആരോഗ്യ സംരക്ഷണത്തിന്‍റെ ഗുണനിലവാരത്തെ ഇത് നല്ല രീതിയിൽ സ്വാധീനിക്കുമെന്നും മന്ത്രാലയം കൂട്ടിച്ചേർത്തു. പ്രത്യേക ചികിത്സാ സൗകര്യങ്ങൾ ഒരിടത്ത് കേന്ദ്രീകരിക്കുന്നതിലൂടെ രോഗികൾക്ക് മെച്ചപ്പെട്ട പരിചരണം ഉറപ്പാക്കാൻ ഈ യൂണിറ്റ് സഹായിക്കും.