കനത്ത മഴ തുടരും; യുഎഇയിൽ ഓറഞ്ച്, യെല്ലോ അലർട്ടുകൾ പ്രഖ്യാപിച്ചു
Synopsis
മഴ തുടരുന്ന പശ്ചാത്തലത്തിൽ അബുദാബി പൊലീസ് ഡ്രൈവർമാർക്ക് ജാഗ്രതാ നിർദ്ദേശം നൽകിയിട്ടുണ്ട്.
അബുദാബി: യുഎഇയിൽ മഴ തുടരുന്നതിനാൽ ദേശീയ കാലാവസ്ഥ നിരീക്ഷണ കേന്ദ്രം ഓറഞ്ച്, യെല്ലോ അലർട്ടുകൾ പ്രഖ്യാപിച്ചു. താമസക്കാർ ജാഗ്രത പുലർത്തണമെന്ന് അധികൃതർ മുന്നറിയിപ്പ് നൽകിയിട്ടുണ്ട്.
ഇന്ന് രാവിലെ അബുദാബി, ദുബൈ, ഷാർജ, അജ്മാൻ, റാസൽഖൈമ, ഉമ്മുൽഖുവൈൻ എന്നിവിടങ്ങളിൽ മഴ ലഭിച്ചിരുന്നു. അന്തരീക്ഷ താപനില അബുദാബിയിലും ദുബൈയിലും 25 ഡിഗ്രി സെൽഷ്യസ്, 32 ഡിഗ്രി സെൽഷ്യസ് എന്ന നിലയിലായിരിക്കും. ഇന്ന് അബുദാബിയിലും ദുബൈയിലും കനത്ത മഴയ്ക്കും സാധ്യതയുണ്ട്.
മഴ തുടരുന്ന പശ്ചാത്തലത്തിൽ അബുദാബി പൊലീസ് ഡ്രൈവർമാർക്ക് ജാഗ്രതാ നിർദ്ദേശം നൽകിയിട്ടുണ്ട്. മഴയുള്ള സമയത്ത് വാഹനമോടിക്കുമ്പോൾ ശ്രദ്ധിക്കണമെന്നും ഇലക്ട്രോണിക് ഇൻഫർമേഷൻ ബോർഡിൽ മാറി വരുന്ന വേഗപരിധികൾ പാലിക്കണമെന്നും അധികൃതർ നിർദ്ദേശം നൽകി. വ്യാഴാഴ്ച വരെ മഴയ്ക്ക് സാധ്യതയുണ്ടെന്നാണ് അറിയിപ്പ്. തീരപ്രദേശങ്ങളിലും വടക്ക് കിഴക്കൻ പ്രദേശങ്ങളിലും ചൊവ്വാഴ്ച കൂടുതൽ മഴയ്ക്ക് സാധ്യതയുണ്ട്. ഈ ദിവസങ്ങളില് രാവിലെ അന്തരീക്ഷ ഈർപ്പം കൂടുതലാകാനും മണിക്കൂറിൽ 15-25 കിലോമീറ്റർ വരെ വേഗത്തിൽ കാറ്റ് വീശാനും സാധ്യതയുണ്ട്. ചില സമയങ്ങളിൽ മണിക്കൂറിൽ 45 കിലോമീറ്റർ വരെ വേഗത്തിൽ കാറ്റ് വീശിയേക്കാം.
Read Also - ചെലവ് ചുരുക്കി വിദേശയാത്ര; 'പോക്കറ്റ് കാലിയാകാതെ' ഫാമിലി ട്രിപ്പ്, ഗ്രൂപ്പ് വിസ സൗകര്യവുമായി ഈ ഗള്ഫ് നാട്
അബുദാബി വിമാനത്താവളത്തിലെ പുതിയ ടെര്മിനലില് നിന്ന് സര്വീസ് തുടങ്ങി
അബുദാബി: അബുദാബി അന്താരാഷ്ട്ര വിമാനത്താവളത്തിലെ പുതിയ ടെര്മിനലായ ടെര്മിനല് എയുടെ പ്രവര്ത്തനത്തിന് തുടക്കമായി. ഇത്തിഹാദ് എയര്വേയ്സാണ് ടെര്മിനല് എയില് നിന്ന് ആദ്യ സര്വീസ് തുടങ്ങുന്നത്. അബുദാബിയില് നിന്ന് ന്യൂഡല്ഹിയിലേക്ക് ഇത്തിഹാദ് എയര്വേയ്സിന്റെ എയര്ബസ് എ350-1000 വിമാനം പറന്നുയര്ന്നു. 359 പേരാണ് വിമാനത്തിലുണ്ടായിരുന്നത്.
ടെര്മിനലിലെ ആദ്യ യാത്രക്കാരെ സ്വീകരിക്കുന്നതിനായി ഇത്തിഹാദ് സിഇഒ അന്റോനോല്ദോ നെവസ്, മാനേജിങ് ഡയറക്ടറും താല്ക്കാലിക സിഇഒയുമായ ഇലീന സോര്ലിനി, ചീഫ് ഓപ്പറേഷന്സ് ഓഫീസര് ഫ്രാങ്ക് മക് ക്രോറീ എന്നിവര് എത്തിയിരുന്നു. വിസ് എയര് അബുദാബി, ഇന്ഡിഗോ, എയര് ഇന്ത്യ, വിസ്താര, പിഐഎ, സ്മാര്ട്ട് വിങ്സ്, സിറിയന് എയര്, ഏറോഫ്ലോട്ട്, പെഗാസസ് എയര്ലൈന്സ് എന്നിങ്ങനെ 15 എയര്ലൈനുകളാണ് ടെര്മിനല് എയില് നിന്ന് ആദ്യഘട്ടത്തില് സര്വീസ് നടത്തുക.
നവംബര് 14 മുതല് 10 വിമാനകമ്പനികള് കൂടി ടെര്മിനല് എയില് നിന്ന് സര്വീസ് നടത്തും. നവംബര് 15 മുതല് എല്ലാ വിമാനങ്ങളും ടെര്മിനല് എയിലെത്തും. നവംബര് 9 മുതല് ഇത്തിഹാദിന്റെ 16 വിമാനങ്ങളാണ് ടെര്മിനല് എയില് നിന്ന് സര്വീസ് നടത്തുക. ടെര്മിനല് 1,2, എ എന്നീ ടെര്മിനലുകളില് നിന്ന് സര്വീസ് തുടരുന്നതിനാല് ഒമ്പത് മുതല് ഇത്തിഹാദ് എയര്ലൈനില് യാത്ര ചെയ്യുന്നവര് ഏത് ടെര്മിനല് വഴിയാണ് യാത്ര എന്നറിയാന് പരിശോധിക്കണമെന്ന് എയര്ലൈന് അറിയിച്ചിട്ടുണ്ട്.
ഏഷ്യാനെറ്റ് ന്യൂസ് ലൈവ് യൂട്യൂബില് കാണാം...
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam, World Pravasi News, Keralites Abroad News, NRI Malayalis News ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ