ഇന്ത്യന് നാവികസേനയുടെ ഐഎന്എസ് ടെഗ് കുവൈത്തില്
Synopsis
ഇരു രാജ്യങ്ങളുടെയും നാവികസേനാ സഹകരണം മെച്ചപ്പെടുത്തുന്നതിന്റെ ഭാഗമായാണ് കപ്പല് കുവൈത്തിലെത്തിയത്.
കുവൈത്ത് സിറ്റി: ഇന്ത്യന് നാവികസേനയുടെ പടക്കപ്പല് ഐഎന്എസ് ടെഗ് കുവൈത്തിലെത്തി. സുരക്ഷാ സഹകരണത്തിന്റെ ഭാഗമായി ഷുവൈഖ് തുറമുഖത്താണ് കപ്പല് എത്തിയത്. കുവൈത്ത് നാവികസേന ഉദ്യോഗസ്ഥര്, തുറമുഖ അതോറിറ്റി, ഇന്ത്യന് എംബസി ഉദ്യോഗസ്ഥര് എന്നിവര് ചേര്ന്ന് കപ്പലിനെ സ്വീകരിച്ചു.
ഇരു രാജ്യങ്ങളുടെയും നാവികസേനാ സഹകരണം മെച്ചപ്പെടുത്തുന്നതിന്റെ ഭാഗമായാണ് കപ്പല് കുവൈത്തിലെത്തിയത്. കടല് വഴിയുള്ള ചാരപ്രവര്ത്തനം തടയുക, ഇന്ത്യന് നാവികസേനയുമായി സഖ്യത്തില് ഏര്പ്പെട്ടിരിക്കുന്ന രാജ്യങ്ങള്ക്ക് സംരക്ഷണം നല്കുക, സഖ്യരാജ്യങ്ങളിലെ സേനകളുമായി സംയുക്ത നാവികാഭ്യാസം എന്നീ ദൗത്യങ്ങളാണ് ഐഎന്എസ് ടെഗിനുള്ളത്. ജൂലൈ 21 വരെ കപ്പല് കുവൈത്ത് തീരത്ത് തുടരും.
കുവൈത്തില് കര്ശന പരിശോധന തുടരുന്നു; 36 നിയമലംഘകര് പിടിയില്
കുവൈത്തില് ബാല്ക്കണിയില് വസ്ത്രം ഉണക്കിയാല് പിഴ 1.2 ലക്ഷം രൂപയാക്കും
കുവൈത്ത് സിറ്റി: ബാല്ക്കണിയില് വസ്ത്രം ഉണക്കാനിടുന്നത് അടക്കമുള്ള നിയമലംഘനങ്ങള്ക്കുള്ള പിഴ വര്ധിപ്പിക്കുന്നതടക്കമുള്ള നിയമപരിഷ്കരണം കുവൈത്ത് മുന്സിപ്പാലിറ്റിയുടെ പരിഗണനയില്. നഗരസൗന്ദര്യത്തിന് കോട്ടം തട്ടുന്ന വിധത്തില് ബാല്ക്കണിയില് വസ്ത്രം ഉണക്കാന് ഇടുന്നവര്ക്ക് 500 ദിനാര് വരെ (1.29 ലക്ഷം ഇന്ത്യന് രൂപ) പിഴ ചുമത്താനാണ് കരട് നിയമത്തിലെ ശുപാര്ശ.
നിലവില് ബാല്ക്കണിയിലും ജനലിലും വസ്ത്രം ഉണക്കാനിടുന്നത് 100 ദിനാര് മുതല് 300 ദിനാര് വരെ പിഴ ചുമത്താവുന്ന കുറ്റമാണ്. ഇത് 500 ദിനാറാക്കി ഉയര്ത്താനാണ് നിര്ദ്ദേശം. അനാവശ്യമായ വസ്തുക്കള് ബാല്ക്കണിയില് കൂട്ടിയിടുന്നതും നിയമലംഘനമാണ്. നടപ്പാതകള്, തെരുവുകള്, പൊതു ഇടങ്ങള്, പാര്ക്കുകള്, കടല്ത്തീരം, സര്ക്കാര് ഉടമസ്ഥതയിലുള്ള സ്ഥലങ്ങള് എന്നിവിടങ്ങളില് ബാര്ബിക്യൂ ചെയ്യുന്നതും നിരോധിച്ചു. നിയമം ലംഘിച്ച് നിരോധിത സ്ഥലങ്ങളില് ബാര്ബിക്യൂ ചെയ്യുന്നവര്ക്ക് 2,000 മുതല് 5,000 ദിനാര് വരെ പിഴ ഈടാക്കുമെന്നും കരട് നിയമത്തില് നിര്ദ്ദേശമുണ്ട്.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam