ഒമാനികളെയും പിന്നിലാക്കി, ​പു​തി​യ ക​ണ​ക്ക് പുറത്ത്; മസ്കറ്റ് വിമാനത്താവളം വഴി കൂടുതൽ പറന്നത് ഇന്ത്യക്കാർ

ഇന്ത്യക്കാര്‍ക്ക് തൊട്ടുപിന്നിലായി ഒമാന്‍ സ്വദേശികളാണ്. മൂന്നാം സ്ഥാനത്ത് പാകിസ്ഥാനികളും. 

മസ്കറ്റ്: മസ്കറ്റ് അന്താരാഷ്ട്ര വിമാനത്താവളം വഴി ഏറ്റവും കൂടുതല്‍ യാത്ര ചെയ്തത് ഇന്ത്യക്കാര്‍. കഴിഞ്ഞ ഡിസംബറില്‍ മസ്കറ്റ് വിമാനത്താവളം വഴി യാത്ര ചെയ്തവരിലാണ് ഇന്ത്യക്കാര്‍ ഒന്നാമതെത്തിയത്. ഈ കാലയളവില്‍  90,442 ഇന്ത്യക്കാര്‍ മസ്കറ്റ് വിമാനത്താവളത്തില്‍ നിന്ന് പുറപ്പെടുകയും 87,886 പേര്‍ വിമാനത്താവളത്തിലെത്തുകയും ചെയ്തു. 

ദേ​ശീ​യ സ്ഥി​തി വി​വ​ര​​കേ​ന്ദ്ര​ത്തി​ന്റെ ഏ​റ്റ​വും പു​തി​യ ക​ണ​ക്കി​ലാ​ണ് ഇ​ക്കാ​ര്യം വ്യക്തമാക്കുന്നത്. ഇന്ത്യക്കാര്‍ക്ക് തൊട്ടു പിന്നിലുള്ളത് ഒമാന്‍ സ്വദേശികളാണ്. 51,799 ഒമാനികള്‍ വിമാനത്താവളത്തില്‍ നിന്ന് പുറപ്പെടുകയും  54,577 പേര്‍ വിമാനത്താവളത്തില്‍ എത്തിച്ചേരുകയും ചെയ്തു.

മൂന്നാം സ്ഥാനത്തുള്ളത് പാകിസ്ഥാന്‍ സ്വദേശികളാണ്.  27,789 പേരാണ് എയര്‍പോര്‍ട്ടിൽ നിന്ന് പുറപ്പെട്ടത്. 29,002 പേര്‍ വന്നിറങ്ങി. ന​വം​ബ​ർ വ​രെ മ​സ്ക​റ്റ് എ​യ​ർ​പോ​ർ​ട്ട് വ​ഴി​യു​ള്ള ആ​കെ യാ​ത്ര​ക്കാ​രു​ടെ എ​ണ്ണം 11,737,391 ആ​ണ്. മു​ൻ വ​ർ​ഷ​ത്തെ അ​പേ​ക്ഷി​ച്ച് 2.7 ശ​ത​മാ​ന​ത്തി​ന്റെ വ​ർ​ധ​ന​വാ​ണ് ഉണ്ടായത്. മ​സ്‌​ക​റ്റ് എ​യ​ർ​പോ​ർ​ട്ടി​ലെ വി​മാ​ന​ങ്ങ​ളു​ടെ എ​ണ്ണ​ത്തി​ലും 1.4 ശ​ത​മാ​നം വ​ർ​ധ​ന​വു​ണ്ടായി. 88,000 വി​മാ​ന​ങ്ങ​ളാ​ണ് സ​ർ​വീ​സ് ന​ട​ത്തി​യ​ത്.

ഏഷ്യാനെറ്റ് ന്യൂസ് ലൈവ് കാണാം