കുവൈത്തിൽ മഴയ്ക്കായി പ്രത്യേക പ്രാർത്ഥന, 125 പള്ളികളിൽ ഇസ്തിസ്ഖാ നമസ്‌കാരം

കുവൈത്തിൽ മഴയ്ക്കായുള്ള പ്രാർത്ഥനാ ഇസ്തിസ്ഖാ നമസ്‌കാരം നടന്നു. രാജ്യത്തെ വിവിധ ഗവർണറേറ്റുകളിലായി 125 പള്ളികളിലാണ് ഈ നമസ്‌കാരം നടന്നത്.

കുവൈത്ത് സിറ്റി: കുവൈത്തിൽ മഴയ്ക്കായുള്ള പ്രാർത്ഥനാ ഇസ്തിസ്ഖാ നമസ്‌കാരം നടന്നു. രാജ്യത്തെ വിവിധ ഗവർണറേറ്റുകളിലായി 125 പള്ളികളിലാണ് ഈ നമസ്‌കാരം നടന്നത്. നമസ്‌കാര വേളയിൽ വിശ്വാസികൾ മഴയ്ക്കായി സർവ്വശക്തനായ അല്ലാഹുവിനോട് പ്രാർത്ഥിക്കുകയും രാജ്യത്തിന് സുരക്ഷയും ശാന്തിയും, സമൃദ്ധിയും നൽകി അനുഗ്രഹിക്കണമെന്ന് അപേക്ഷിക്കുകയും ചെയ്തു.

മന്ത്രാലയം അണ്ടർസെക്രട്ടറി ഡോ. സുലൈമാൻ അൽ-സുവൈലം ഗ്രാൻഡ് മോസ്‌കിൽ സന്ദർശനം നടത്തി. പള്ളിയിലെ സൗകര്യങ്ങളും സേവനങ്ങളും പൂർണ സജ്ജമാണെന്ന് ഉറപ്പാക്കുന്നതിനും, സന്ദർശകരെ മികച്ച രീതിയിൽ സേവിക്കുന്നതിനായി ഏറ്റവും പ്രധാനപ്പെട്ട സാങ്കേതിക ഭരണപരമായ പ്രശ്‌നങ്ങൾ പരിഹരിക്കുന്നതിനുമായിരുന്നു ഈ സന്ദർശനം. ഗ്രാൻഡ് മോസ്‌ക് അഡ്മിനിസ്ട്രേഷൻ ഡയറക്ടറും മറ്റ് ഉദ്യോഗസ്ഥരും അൽ-സുവൈലത്തെ ഊഷ്മളമായി സ്വാഗതം ചെയ്യുകയും സൗകര്യങ്ങൾ ഒരുക്കുന്നതിനും സേവന സംവിധാനം വികസിപ്പിക്കുന്നതിനും സ്വീകരിച്ച നടപടികൾ വിശദീകരിക്കുകയും ചെയ്തു. കൂടാതെ, നിലവിലെ പ്രവർത്തന പുരോഗതിയെക്കുറിച്ചും വരാനിരിക്കുന്ന മതപരമായ പരിപാടികൾക്കായുള്ള പദ്ധതികളെക്കുറിച്ചും അവർ അവലോകനം നൽകി.