ക്രിസ്തീയ പുരോഹിതന്‍ കൂടിയായ മലയാളി സൗദിയില്‍ മരിച്ചു

ബഥേല്‍ ബൈബിള്‍ കോളേജിന്റെ വിദൂര വിദ്യാഭ്യാസ വിഭാഗമായ ജി.ഐ.ടി.എസിലെ പഠിതാവായിരുന്നു.

റിയാദ്: ജിദ്ദയില്‍ നാറ്റ്കോ കമ്പനി ഉദ്യോഗസ്ഥനും പെനിയേല്‍ ചര്‍ച്ച് സഭാംഗവുമായ ബ്രദര്‍ ജോസഫ് സി.എ (55) ഹൃദയാഘാതംമൂലം ജിദ്ദയില്‍ നിര്യാതനായി.  ഇരുപത്തിരണ്ട് വര്‍ഷമായി ജിദ്ദയിലുള്ള പത്തനംതിട്ട തടിയൂര്‍ സ്വദേശിയായ ബ്രദര്‍ ജോസഫ് മുംബൈയിലാണ് സ്ഥിരതാമസം.

ബഥേല്‍ ബൈബിള്‍ കോളേജിന്റെ വിദൂര വിദ്യാഭ്യാസ വിഭാഗമായ ജി.ഐ.ടി.എസിലെ പഠിതാവായിരുന്നു. ജിദ്ദയില്‍ സ്‌കൂള്‍ അധ്യാപികയായ ജൂലി ജോസഫ് ആണ് ഭാര്യ. അയര്‍ലണ്ടില്‍ പഠിച്ചുകൊണ്ടിരിക്കുന്ന ആഞ്ചല, ക്രിസ്റ്റി എന്നിവര്‍ മക്കളാണ്. ജിദ്ദ സുലൈമാന്‍ ഫക്കീഹ് ആശുപത്രി മോര്‍ച്ചറിയിലുള്ള മൃതദേഹം മുംബൈയിലേക്ക് കൊണ്ടുപോകുന്നതിനുള്ള നടപടികള്‍ പുരോഗമിക്കുന്നു.

 പ്രവാസി മലയാളി കുഴഞ്ഞുവീണ് മരിച്ചു

റിയാദ്: സൗദിയില്‍ മലയാളി ഹൃദയാഘാതം മൂലം മരിച്ചു. സൗദി മധ്യപ്രവിശ്യയിലെ ബീഷയിലാണ് കൊല്ലം കൊട്ടാരക്കര വെട്ടിക്കവല സ്വദേശി സാംബശിവന്‍ എന്ന അലി (66) മരിച്ചത്. 20 വര്‍ഷമായി ബിഷയില്‍ കെട്ടിട നിര്‍മാണ ജോലി ചെയ്യുന്ന ഇദ്ദേഹം ജോലിസ്ഥലത്ത് ഉച്ചഭക്ഷണം കഴിച്ചു വിശ്രമിക്കവെ പെട്ടെന്ന് കുഴഞ്ഞുവീണ് മരിക്കുകയായിരുന്നു.

ഏതാനും മാസം മുമ്പ് ഇസ്ലാം മതം സ്വീകരിച്ചിരുന്നു. നാല് വര്‍ഷം മുമ്പാണ് അവസാനമായി നാട്ടില്‍ അവധിക്ക് പോയി തിരിച്ചെത്തിയത്. ഭാര്യ നേരത്തെ മരണപ്പെട്ടിരുന്നു. മൂന്ന് കുട്ടികള്‍ ഉണ്ട്. നടപടിക്രമങ്ങള്‍ പൂര്‍ത്തിയാക്കി മൃതദേഹം ബീഷയില്‍ ഖബറടക്കാന്‍ അലിയുടെ കുടുംബം സാമൂഹിക പ്രവര്‍ത്തകനും ജിദ്ദ ഇന്ത്യന്‍ കോണ്‍സുലേറ്റ് വെല്‍ഫയര്‍ അംഗവുമായ അബ്ദുല്‍ അസീസ് പാതിപറമ്പന്‍ കൊണ്ടോട്ടിയെ ചുമതലപ്പെടുത്തിയിട്ടുണ്ട്. സഹായത്തിന് കരാട്ടുചാലി ലത്തീഫ്, മൊറയൂര്‍ കലമ്പന്‍, നാസര്‍ പാണ്ടിക്കാട് എന്നിവരുമുണ്ട്.