Keralite Expat Died : വാഹനാപകടത്തില് പരിക്കേറ്റ് ചികിത്സയിലിരുന്ന പ്രവാസി മലയാളി മരിച്ചു
Synopsis
ജനുവരി ഏഴിന് റുസ്താഖില് രാവിലെ ആറിനായിരുന്നു അപകടം. ഇദ്ദേഹം ഓടിച്ചിരുന്ന കാര് മറ്റൊരു കാറുമായി കൂട്ടിയിടിക്കുകയായിരുന്നു.
മസ്കത്ത്: വാഹനാപകടത്തില് (road accident) പരിക്കേറ്റ് (injury) ചികിത്സയിലായിരുന്ന കൊല്ലം (Kollam) സ്വദേശി മസ്കത്തില് (Muscat) മരണപ്പെട്ടു.ഓയൂര് കരിങ്ങന്നൂര് വാഴവിള വീട്ടില് ജയതിലകന്( 59) ആണ് മരിച്ചത്.
ജനുവരി ഏഴിന് റുസ്താഖില് രാവിലെ ആറിനായിരുന്നു അപകടം. ഇദ്ദേഹം ഓടിച്ചിരുന്ന കാര് മറ്റൊരു കാറുമായി കൂട്ടിയിടിക്കുകയായിരുന്നു.
ഗുരുതരമായി പരിക്കേറ്റ് 50 ദിവസത്തില് അധികമായി മസ്കത്തിലെ ഖൗല ആശുപത്രിയില് ചികിത്സയില് ആയിരുന്നു. 30 വര്ഷമായി റുസ്താഖില് പ്രവാസ ജീവിതം നയിച്ച് വരികയായിരുന്നു. പിതാവ്:സുബ്രഹമണ്യന്. മാതാവ്: അംബിക. ഭാര്യ: പരേതയായ ഷൈലജ. മക്കള്: ജിബിന് തിലക്, അഞ്ജന തിലക്. നടപടികള് പൂര്ത്തീകരിച്ച് മൃതദേഹം നാട്ടിലേക്ക് കൊണ്ടുപോകുമെന്ന് ബന്ധപ്പെട്ടവര് അറിയിച്ചു.
പ്രവാസി മലയാളി ഹൃദയാഘാതം മൂലം മരിച്ചു
താമസസ്ഥലത്ത് മരിച്ച നിലയില് കണ്ടെത്തിയ പ്രവാസി മലയാളിയുടെ മൃതദേഹം നാട്ടിലെത്തിച്ചു
ദുബൈ: മകന്റെ താമസ വിസ പുതുക്കുന്നതിനായി (Residence visa renewal) വ്യാജ രേഖയുണ്ടാക്കിയ പ്രവാസി കുടുങ്ങി (Forgery). 45 വയസുകാരനായ ഇയാള്ക്ക് ദുബൈ ക്രിമിനല് കോടതി (Dubai criminal Court) മൂന്ന് വര്ഷം ജയില് ശിക്ഷ വിധിച്ചു. വ്യാജമായി ഉണ്ടാക്കിയ വാടക കരാറിന്റെ (lease contract) കോപ്പിയാണ് ഇയാള് വിസ പുതുക്കുന്നതിനായി സമര്പ്പിച്ചത്.
അതേസമയം മകന്റെ വിസ പുതുക്കുന്നതിനായി താന് മറ്റൊരാളെ ഏല്പ്പിക്കുകയായിരുന്നുവെന്ന് പബ്ലിക് പ്രോസിക്യൂഷനും പൊലീസും നടത്തിയ ചോദ്യം ചെയ്യലില് പ്രതി പറഞ്ഞു. മകന്റെ ഒറിജിനല് പാസ്പോര്ട്ടും തന്റെ ഐ.ഡി കാര്ഡിന്റെ കോപ്പിയും മറ്റ് രേഖകളും പണവും ഇയാളെ ഏല്പ്പിച്ചിരുന്നു എന്നാണ് മൊഴി. എന്നാല് അപേക്ഷയോടൊപ്പം നല്കിയ രേഖകളില് ചേര്ത്തിരുന്ന വാടക കരാര് വ്യാജമാണെന്ന് താന് അറിഞ്ഞിരുന്നില്ലെന്നും അത് താന് ഉണ്ടാക്കിയതെല്ലെന്നും അദ്ദേഹം പറഞ്ഞു.
എന്നാല് വിസ പുതുക്കുന്നതിന് വാടക കരാര് ആവശ്യമാണെന്ന വിവരം തനിക്ക് അറിയാമായിരുന്നുവെന്ന് ഇയാള് സമ്മതിച്ചു. ഷാര്ജയിലായിരുന്നു താമസിച്ചിരുന്നതെങ്കിലും വിസ പുതുക്കാനായി ഹാജരാക്കിയ രേഖയില് അജ്മാനിലെ വാടക കരാറാണ് ചേര്ത്തിന്നത്. വിസ പുതുക്കാന് താന് ഏല്പ്പിച്ച വ്യക്തി എന്തിന് വ്യാജ രേഖയുണ്ടാക്കി എന്ന കാര്യം അറിയില്ലെന്നായിരുന്നു പ്രതിയുടെ വാദം.
അതേസമയം അജ്ഞാതനായ ഒരു വ്യക്തിയാണ് കുറ്റം ചെയ്തതെന്ന വാദം അംഗീകരിക്കാന് കഴിയില്ലെന്ന് കോടതി അഭിപ്രായപ്പെട്ടു. വ്യാജ രേഖയുണ്ടാക്കിയത് പ്രതിക്ക് പ്രയോജനം ഉണ്ടാകാന് വേണ്ടിയാണ്. അതിനാവശ്യമായ വിവരങ്ങള് നല്കാതെ അത്തരമൊരു രേഖ ഉണ്ടാക്കാനാവില്ലെന്നും കോടതി നിരീക്ഷിച്ചു. അതുകൊണ്ടുതന്നെ വ്യാജ രേഖയുണ്ടാക്കിയത് പ്രതിയുടെ പൂര്ണ അറിവേടെയായിരുന്നുവെന്നും ഇപ്പോള് അത് നിഷേധിക്കുകയാണെന്നും കോടതി കണ്ടെത്തുകയായിരുന്നു. തുടര്ന്നാണ് ശിക്ഷ വിധിച്ചത്. ശിക്ഷാ കാലാവധി പൂര്ത്തിയായ ശേഷം പ്രതിയെ യുഎഇയില് നിന്ന് നാടുകടത്തും.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam