Expat Died : ജോലിക്കിടയില് കുഴഞ്ഞുവീണ് പ്രവാസി മലയാളി മരിച്ചു
Synopsis
ഉടന് തന്നെ സമീപത്തെ ക്ലിനിക്കുകളില് നിന്നുള്ള ഡോക്ടര്മാരും ജീവനക്കാരുമെത്തി പ്രാഥമിക ശുശ്രുഷ നല്കി ആശുപത്രിയിലേക്ക് മാറ്റുകയായിരുന്നു. ആശുപത്രിയിലെത്തിയപ്പോഴേക്കും മരണം സംഭവിച്ചിരുന്നു.
റിയാദ്: സൗദി അറേബ്യയില് (Saudi Arabia) ജോലിക്കിടയില് കുഴഞ്ഞുവീണ് മലയാളി മരിച്ചു. റിയാദിലെ (Riyadh) ബത്ഹയില് പലവ്യഞ്ജന കട (ബഖല)യില് ജീവനക്കാരനായ കോഴിക്കോട് ബാലുശ്ശേരി പനായി സ്വദേശി മലയില് സിറാജുദ്ദീന് (44) ആണ് വെള്ളിയാഴ്ച വൈകുന്നേരം ആറ് മണിയോടെ ഹൃദയാഘാതം (heart attack) മൂലം മരിച്ചത്. ബത്ഹ ശിഫാ അല്ജസീറ പോളിക്ലിനിക്കിന് സമീപം പ്രവര്ത്തിക്കുന്ന മലബാര് ഫുഡ്സ് ബഖാലയില് ജോലി ചെയ്യുന്ന സിറാജ് ജോലിക്കിടയില് നെഞ്ച് വേദന അനുഭവപ്പെട്ട് കുഴഞ്ഞു വീഴുകയായിരുന്നു.
ഉടന് തന്നെ സമീപത്തെ ക്ലിനിക്കുകളില് നിന്നുള്ള ഡോക്ടര്മാരും ജീവനക്കാരുമെത്തി പ്രാഥമിക ശുശ്രുഷ നല്കി ആശുപത്രിയിലേക്ക് മാറ്റുകയായിരുന്നു. ആശുപത്രിയിലെത്തിയപ്പോഴേക്കും മരണം സംഭവിച്ചിരുന്നു. സമീറയാണ് ഭാര്യ. മക്കള്: സല്മാന് ഫാരിസ്, സഹല പര്വീണ്, നഹല പര്വീണ്, ഫജര് മിസ്അബ്. മൃതദേഹം ശുമൈസി ആശുപത്രി മോര്ച്ചറിയില് സൂക്ഷിച്ചിരിക്കുകയാണ്. നാട്ടിലേക്ക് കൊണ്ടുപോകാനുള്ള നടപടിക്രമങ്ങള് പൂര്ത്തിയാക്കാന് റിയാദ് കെ.എം.സി.സി പ്രവര്ത്തകരായ അബ്ദുറഹ്മാന് ഫറോക്ക്, സിദ്ദീഖ് തുവ്വൂര്, മഹ്ബൂബ് കണ്ണൂര് എന്നിവര് രംഗത്തുണ്ട്.
മികച്ച സൗഹൃദ വലയമുള്ള സിറാജിന്റെ പെട്ടെന്നുള്ള മരണം സുഹൃത്തുക്കളെയും നാട്ടുകാരെയും ദു:ഖത്തിലാഴ്ത്തി. വര്ഷങ്ങളായി പ്രവാസ ജീവിതം നയിക്കുന്ന സിറാജ് സാമൂഹിക പ്രവര്ത്തകനും റിയാദ് കെ.എം.സി.സി അംഗവുമാണ്.
ജോലിക്കിടെ വീണ് പരിക്കേറ്റ പ്രവാസി ഇന്ത്യക്കാരന് മരിച്ചു
റിയാദ്: സൗദി അറേബ്യയിലെ (Saudi Arabia) പള്ളികളിലും സര്ക്കാര് ഓഫീസുകളിലും (Mosques and Government Offices) ഷോര്ട്സ് ധരിച്ച് (Wearing shorts) പ്രവേശിച്ചാല് ഇനി മുതല് പിഴ ലഭിക്കും. 250 റിയാല് മുതല് 500 റിയാല് വരെയായിരിക്കും പിഴ. ഇതുമായി ബന്ധപ്പെട്ട നിയമാവലിയിലെ ഭേദഗതി സൗദി ആഭ്യന്തര മന്ത്രി (Minister for Interior) കഴിഞ്ഞ ദിവസം അംഗീകരിച്ചു.
പള്ളികളിലും സര്ക്കാര് ഓഫീസുകളിലും ഒഴികെ പൊതു സ്ഥലങ്ങളില് ഷോര്ട്സ് ധരിക്കുന്നത് ശിക്ഷാര്ഹമായ കുറ്റമല്ല. രാജ്യത്തെ പൊതു അഭിരുചിയുമായി ബന്ധപ്പെട്ട നിയമാവലിയില് നേരത്തെ 19 നിയമലംഘനങ്ങളും അവയ്ക്കുള്ള ശിക്ഷകളുമാണ് ഇതുവരെ ഉള്പ്പെടുത്തിയിരുന്നത്. ഇതിനോടൊപ്പമാണ് ഇപ്പോള് സര്ക്കാര് ഓഫീസുകളിലും പള്ളികളിലും ഷോര്ട്സ് ധരിക്കുന്നതിനുള്ള പിഴ കൂടി ഉള്പ്പെടുത്തിയിരിക്കുന്നത്.
സൗദി ആഭ്യന്തര മന്ത്രി അബ്ദുല് അസീസ് ബിന് സൗദ് രാജകുമാരന്റെ അംഗീകാരത്തോടെ 2019ലാണ് രാജ്യത്ത് ഇത്തരമൊരു നിയമാവലി പ്രാബല്യത്തില് വന്നത്. ഇതില് ഉള്പ്പെടുന്ന നിയമലംഘനങ്ങള്ക്ക് 50 റിയാല് മുതല് 6000 റിയാല് വരെയാണ് പിഴ. ജനവാസ മേഖലകളില് വലിയ ശബ്ദത്തില് പാട്ട് വെയ്ക്കല്, വളര്ത്തുമൃഗങ്ങളുടെ മാലിന്യങ്ങള് നീക്കം ചെയ്യാതിരിക്കല്, സഭ്യതയ്ക്ക് നിരക്കാത്ത വസ്ത്രം ധരിക്കല്, സഭ്യതയില്ലാത്ത പെരുമാറ്റം തുടങ്ങിയ തരത്തിലുള്ള നിയമലംഘനങ്ങളാണ് ഈ നിയമാവലിയില് ഉള്പ്പെടുത്തിയിരിക്കുന്നത്.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam, World Pravasi News, Keralites Abroad News, NRI Malayalis News ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ