നെഞ്ചുവേദനയെ തുടര്ന്ന് ആശുപത്രിയില് പ്രവേശിപ്പിച്ച പ്രവാസി മലയാളി മരിച്ചു
Synopsis
കടുത്ത നെഞ്ചുവേദനയെ തുടര്ന്ന് ബോധരഹിതനായ ഇദ്ദേഹത്തെ ആശുപത്രിയില് എത്തിച്ചെങ്കിലും മണിക്കൂറുകള്ക്കകം മരണം സംഭവിക്കുകയായിരുന്നു.
റിയാദ്: നെഞ്ചുവേദനയെ തുടര്ന്ന് ആശുപത്രിയില് പ്രവേശിപ്പിച്ച മലയാളി സൗദിയില് മരിച്ചു. പാലക്കാട് മണ്ണാര്ക്കാട് കാഞ്ഞിരം സ്വദേശി തത്തമംഗലം മോഹന്ദാസ് (49) നജ്റാന് കിങ് ഖാലിദ് ആശുപത്രിയില് നിര്യാതനായത്.
കടുത്ത നെഞ്ചുവേദനയെ തുടര്ന്ന് ബോധരഹിതനായ ഇദ്ദേഹത്തെ ആശുപത്രിയില് എത്തിച്ചെങ്കിലും മണിക്കൂറുകള്ക്കകം മരണം സംഭവിക്കുകയായിരുന്നു. മാധവന്-മാധവി ദമ്പതികളുടെ മകനാണ്. ഭാര്യയും രണ്ട് കുട്ടികളുമുണ്ട്. കിങ് ഖാലിദ് ആശുപത്രി മോര്ച്ചറിയില് സൂക്ഷിച്ചിരിക്കുന്ന മൃതദേഹം നടപടിക്രമങ്ങള് പൂര്ത്തിയാക്കി നാട്ടില് എത്തിക്കുന്നതിന് പ്രതിഭാ സാംസ്കാരിക വേദി കണ്വീനര് അനില് രാമചന്ദ്രന് അടൂര് രംഗത്തുണ്ട്.
ജോലിക്കിടെ പ്രവാസി മലയാളി കുഴഞ്ഞു വീണു മരിച്ചു
പ്രവാസികള്ക്ക് വീണ്ടും തിരിച്ചടി; ഇരുനൂറിലേറെ തസ്തികകളില് സ്വദേശിവത്കരണം
മസ്കറ്റ്: കൂടുതല് തൊഴില് മേഖലകളിലേക്ക് സ്വദേശിവത്കരണം വ്യാപിപ്പിക്കാനൊരുങ്ങി ഒമാന് തൊഴില് മന്ത്രാലയം. ഇരുനൂറില് അധികം തസ്തികകളില് വിദേശികള്ക്ക് വിലക്കേര്പ്പെടുത്തി തൊഴില് മന്ത്രി ഡോ. മഹദ് ബിന് സൈദ് ബഔവിന് ഉത്തരവ് പുറപ്പെടുവിച്ചു. ഈ മേഖലകളില് വിദേശികള്ക്ക് പുതിയ വിസ അനുവദിക്കില്ല. 207 തസ്തികകളാണ് സ്വദേശികള്ക്ക് മാത്രമായി നിജപ്പെടുത്തി ഉത്തരവ് പുറപ്പെടുവിച്ചത്.
അഡ്മിനിസ്ട്രേറ്റീവ് ഡയറക്ടര്, പബ്ലിക് റിലേഷന്സ് ഡയറക്ടര്/മാനേജര്, എച്ച്ആര് ഡയറക്ടര്/മാനേജര്, ഡയറക്ടര് ഓഫ് റിലേഷന്സ് ആന്റ് എക്സറ്റേണല് കമ്യൂണിക്കേഷന്സ്, ഡയറക്ടര്/മാനേജര് ഓഫ് സിഇഒ ഓഫീസ്, എംപ്ലോയ്മന്റ് ഡയറക്ടര്/മാനേജര്, ഫോളോഅപ്പ് ഡയറക്ടര്/മാനേജര്, സെക്യൂരിറ്റി സൂപ്പര്വൈസര്, ഡയറക്ടര്/മാനേജര് ഓഫ് അഡ്മിഷന് ആന്റ് റജിസ്ട്രേഷന്, സ്റ്റുഡന്സ് അഫേഴ്സ് ഡയറക്ടര്/മാനേജര്, കരിയര് ഗൈഡന്സ് ഡയറക്ടര്/മാനേജര്, ഇന്ധന സ്റ്റേഷന് മാനേജര്, ജനറല് മാനേജര്, എച്ച് ആര് സ്പെഷ്യലിസ്റ്റ്, ലൈബ്രേറിയന്, എക്സിക്യൂട്ടീവ് കോഓര്ഡിനേറ്റര്, വര്ക്ക് കോണ്ട്രാക്ട് റഗുലേറ്റര്, സ്റ്റോര് സൂപ്പര്വൈസര്, വാട്ടര് മീറ്റര് റീഡര്, ട്രാവലേഴ്സ് സര്വീസെസ് ഓഫീസര്, ട്രാവല് ടിക്കറ്റ് ഓഫീസര്, ബസ് ഡ്രൈവര്/ടാക്സി കാര് ഡ്രൈവര് എന്നിവയടക്കമുള്ള തസ്തികകളിലാണ് സ്വദേശിവത്കരണം പ്രഖ്യാപിച്ചത്.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam