പ്രവാസി മലയാളി യുവാവ് തൂങ്ങി മരിച്ച നിലയില്
Synopsis
കഴിഞ്ഞ വ്യാഴാഴ്ച താമസ്ഥലത്ത് ഇദ്ദേഹത്തെ തൂങ്ങി മരിച്ച നിലയില് കണ്ടെത്തുകയായിരുന്നു.
റിയാദ്: മലയാളി യുവാവിനെ സൗദി അറേബ്യയില് തൂങ്ങിമരിച്ച നിലയില് കണ്ടെത്തി. സൗദിയുടെ തെക്കന് പ്രവിശ്യയിലെ ഖമീസ് മുഷൈത്തില് കൊല്ലം ചെമ്മനത്തൂര് സ്വദേശി ചാരുവിള പുത്തന്വീട്ടില് പ്രദീപ് കുമാര് (34) ആണ് മരിച്ചത്. കഴിഞ്ഞ വ്യാഴാഴ്ച താമസ്ഥലത്ത് ഇദ്ദേഹത്തെ തൂങ്ങി മരിച്ച നിലയില് കണ്ടെത്തുകയായിരുന്നു.
സാംസ എന്ന കമ്പനിയില് ജീവനക്കാരനായിരുന്നു. മൂന്ന് മാസം മുമ്പാണ് അവധി കഴിഞ്ഞു നാട്ടില് നിന്നും എത്തിയത്. പരേതനായ രവീന്ദ്രന് തമ്പിയാണ് പിതാവ്. മാതാവ്: പ്രസന്ന. സഹോദരന് ദുബായില് ജോലി ചെയ്യുന്നു. മൃതദേഹം ഖമീസ് മുശൈത് സിവില് ആശുപത്രി മോര്ച്ചറിയില് സൂക്ഷിച്ചിരിക്കുന്നു. മരണാന്തര നടപടി നടപടിക്രമങ്ങള് അസീര് പ്രവാസി സംഘം കേന്ദ്ര കമ്മറ്റി എക്സിക്യൂട്ടിവ് അംഗം ഷൗക്കത്തലി ആലത്തൂരിന്റെ നേതൃത്വത്തില് നടന്നുവരുന്നു.
സൗദിയില് മലയാളി ഹൃദയാഘാതം മൂലം മരിച്ചു
പ്രവാസി മലയാളിയെ പച്ചക്കറി ലോറിയില് മരിച്ച നിലയില് കണ്ടെത്തി
റിയാദ്: സൗദിയില് മലയാളി യുവാവിനെ പച്ചക്കറി ലോറിയില് മരിച്ച നിലയില് കണ്ടെത്തി. കോഴിക്കോട് പേരാമ്പ്ര സ്വദേശി റഫീഖ് കാഞ്ഞിരക്കുറ്റിയെ (49)യാണ് ജിദ്ദക്കും അല്ലൈത്തിനും ഇടയില് മുജൈരിമ പെട്രോള് സ്റ്റേഷനില് നിര്ത്തിയിട്ട പച്ചക്കറി ലോറിയില് മരിച്ച നിലയില് കണ്ടത്തിയത്.
ഏറെക്കാലമായി ഖുന്ഫുദയില് പച്ചക്കറി വ്യാപാര തൊഴിലാളിയായ റഫീഖ് ബുധനാഴ്ച ജിദ്ദയില്നിന്ന് പച്ചക്കറിയുമായി ഖുന്ഫുദയിലേക്കു വരുന്നതിനിടെ നെഞ്ച് വേദനയെ തുടര്ന്ന് മുജൈരിമ റെസ്റ്റിംഗ് സ്റ്റേഷനില് ലോറി നിര്ത്തിയതാണെന്ന് കരുതുന്നു. ജിദ്ദിയില്നിന്ന് വരുന്ന ചരക്ക് വാഹനങ്ങള് സാധാരണ വിശ്രമത്തിനായി നിര്ത്തിയിടുന്ന സ്ഥലമായതിനാല് ആരുടെയും ശ്രദ്ധയില് പെട്ടില്ല. റഫീഖ് എത്തേണ്ട സമയത്തും കാണാത്തതിനാല് കൂടെയുള്ള ജോലിക്കാരും ബന്ധുക്കളും നടത്തിയ അന്വേഷണത്തിലാണ് നിര്ത്തിയിട്ട ലോറിയില് മരിച്ച നിലയില് കണ്ടെത്തിയത്.
ജിസിസി രാജ്യങ്ങളിലെ താമസക്കാര്ക്ക് വിസയില്ലാതെ സൗദി അറേബ്യയില് പ്രവേശിക്കാന് അനുമതി നല്കിയേക്കും
അല്ലൈത്ത് ജനറല് ആശുപത്രി മോര്ച്ചറിയില് സൂക്ഷിച്ചിരിക്കുന്ന മൃതദേഹം മറവു ചെയ്യുന്നതിനായി നിയമ നടപടികള് പൂര്ത്തിയാക്കി വരുന്നു. ഇടക്കാലത്ത് പ്രവാസം നിര്ത്തി നാട്ടില് പോയിരുന്ന റഫീക്ക് വീണ്ടും പുതിയ വിസയില് വന്നു ജോലി തുടരുകയായിരുന്നു. സാജിദ യാണ് ഭാര്യ. മക്കള്: മുഹമ്മദ് അഫ്താബ്, മുഹമ്മദ് അഫ്ലാ, ആമിനാ ഹന്സ. സഹോദരി പുത്രന് മിസ്ഫര്, അസ്ഹര് വലിയാട്ട്, ഫൈസല് ബാബു, മുസ്തഫ, മുഹമ്മദ് കുട്ടി പാണ്ടിക്കാട് എന്നിവരുടെ നേതൃത്വത്തില് നിയമ നടപടികള് പൂര്ത്തിയായി വരുന്നു. മൃതേദഹം അല്ലൈത്തില് ഖബറടക്കുമെന്ന് ബന്ധുക്കള് അറിയിച്ചു.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam, World Pravasi News, Keralites Abroad News, NRI Malayalis News ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ