പ്രവാസി മലയാളി യുവാവ് താമസസ്ഥലത്തെ കുളിമുറിയിൽ മരിച്ച നിലയിൽ

സാമൂഹിക  പ്രവർത്തകനായ ഇദ്ദേഹം രിസാല സ്റ്റഡി സർക്കിൾ ജിസാൻ സെൻട്രൽ കൺവീനറാണ്. അഞ്ച് വർഷമായി ജിസാനിലുള്ള മുർശിദ് രണ്ടര വർഷം മുമ്പാണ് നാട്ടിൽ പോയി  വന്നത്.

റിയാദ്: സൗദി അറേബ്യയിലെ താമസസ്ഥലത്ത് കുളിമുറിയിൽ മലയാളി യുവാവിനെ മരിച്ച നിലയിൽ കണ്ടെത്തി. തെക്കൻ സൗദിയിലെ ജീസാനിലാണ് കേരള തമിഴ്‍നാട്  അതിർത്തിയിലെ ഗൂഡല്ലൂർ ചെമ്പാല സ്വദേശി മുർശിദിനെ (28) മരിച്ച നിലയിൽ കണ്ടത്. ജിസാനിൽ നദ അസീറാത്ത് കമ്പനിയിൽ അകൗണ്ടന്റാണ്. 

സാമൂഹിക  പ്രവർത്തകനായ ഇദ്ദേഹം രിസാല സ്റ്റഡി സർക്കിൾ ജിസാൻ സെൻട്രൽ കൺവീനറാണ്. അഞ്ച് വർഷമായി ജിസാനിലുള്ള മുർശിദ് രണ്ടര വർഷം മുമ്പാണ് നാട്ടിൽ പോയി  വന്നത്. നാട്ടിൽ പോകാനും വിവാഹം നടത്താനും ഒരുങ്ങുകയായിരുന്നുവെന്ന് സുഹൃത്തുക്കൾ പറയുന്നു. കെ.ബി.എം. ബാവയാണ് പിതാവ്. സഹോദരിമാര്‍- മുർശിദ,  മുഹ്സിന. സഹോദരി മുർശിദയുടെ ഭർത്താവ് ഇസ്ഹാഖ് ജിസാനിലുണ്ട്.