കൊല്ലം സ്വദേശി ബഹ്റൈനിൽ നിര്യാതനായി

കൊല്ലം കടവൂർ സ്വദേശി ജിജി ജോസഫ് (50) ആണ് മരിച്ചത്

മനാമ: ബഹ്റൈനിൽ പ്രവാസി മലയാളി നിര്യാതനായി. കൊല്ലം മതിലിൽ കടവൂർ ജിജി ഭവനിൽ ജിജി ജോസഫ് ആണ് മരിച്ചത്. 50 വയസ്സായിരുന്നു. സൽമാനിയ ആശുപത്രിയിൽ ചികിത്സയിൽ കഴിയവേയാണ് അന്ത്യം. കൊല്ലം ഡിസിസി അം​ഗമാണ്. ബഹ്റൈനിൽ ബിസിനസ് നടത്തിവരികയായിരുന്നു. പിതാവ്: ജോസഫ്. മാതാവ്: ഫിലോമിന ജോസഫ്. ജിജിക്ക് ഭാര്യയും രണ്ട് മക്കളുമുണ്ട്. മൃതദേഹം നാട്ടിലെത്തിക്കാനുള്ള നടപടികൾ നടന്നുവരികയാണെന്ന് ബന്ധപ്പെട്ടവർ അറിയിച്ചു.