എല്ലാ വിമാന സർവീസുകളും നിർത്തിവെച്ചു, ചില വിമാനങ്ങൾ തിരിച്ചുവിട്ടു; സാങ്കേതിക പ്രശ്നമെന്ന് കുവൈത്ത് എയർപോർട്ട്

സാങ്കേതിക പ്രശ്നങ്ങളെ തുടർ‍ന്ന് മറ്റ് വിമാനത്താവളങ്ങളിലേക്ക് സര്‍വീസുകൾ വഴിതിരിച്ചു വിടുകയാണ്. 

കുവൈത്ത് സിറ്റി: സാങ്കേതിക പ്രശ്‌നങ്ങൾ കാരണം കുവൈത്ത് വിമാനത്താവളം താൽക്കാലികമായി അടച്ചു. എല്ലാ വിമാന സർവീസുകളും നിർത്തിവച്ചു. നിലവിൽ കുവൈത്ത് വിമാനത്താവളത്തിൽ നിന്ന് വിമാനങ്ങൾ പുറപ്പെടുകയോ വിമാനത്താവളത്തിലേക്ക് എത്തുകയോ ചെയ്യില്ല. 

യാത്രക്കാരുടെ സുരക്ഷയും പ്രവർത്തന തുടർച്ചയും ഉറപ്പാക്കാൻ കുവൈത്ത് വിമാനത്താവളത്തിൽ ഇറങ്ങേണ്ട വിമാനങ്ങൾ അയൽ വിമാനത്താവളങ്ങളിലേക്ക് (സൗദി അറേബ്യ) തിരിച്ചുവിടുകയാണ്. വിമാനത്താവളം വീണ്ടും തുറക്കുന്നതിനുള്ള സമയം അധികൃതർ ഇതുവരെ അറിയിച്ചിട്ടല്ല. കൂടാതെ യാത്രക്കാർ പുനഃക്രമീകരണവും ബദൽ ക്രമീകരണങ്ങളും സംബന്ധിച്ച അപ്‌ഡേറ്റുകൾക്കായി എയർലൈനുകളുമായി ബന്ധപ്പെടാൻ നിര്‍ദ്ദേശിച്ചിട്ടുണ്ട്. 

ഏഷ്യാനെറ്റ് ന്യൂസ് ലൈവ് യുട്യൂബിൽ കാണാം