ബലിപെരുന്നാൾ ആഘോഷത്തിനൊരുങ്ങി കുവൈത്ത്; ആശംസകൾ നേർന്ന് അമീര്‍

ബലിപെരുന്നാൾ ആശംസകൾ നേർന്ന് കുവൈത്ത് അമീര്‍. എല്ലാവര്‍ക്കും സ്നേഹവും സുരക്ഷയും സമാധാനവും നിറഞ്ഞ ഈദാകട്ടെയെന്ന് അമീര്‍ ആശംസിച്ചു.

കുവൈത്ത് സിറ്റി: ബലിപെരുന്നാളിനോട് അനുബന്ധിച്ച് കുവൈത്ത് അമീര്‍ ശൈഖ് മിശാല്‍ അല്‍ അഹ്മദ് അല്‍ ജാബിര്‍ അല്‍ സബാഹ് രാജ്യത്തെ പൗരന്മാര്‍ക്കും പ്രവാസികള്‍ക്കും ഹൃദയം നിറഞ്ഞ ആശംസകള്‍ നേര്‍ന്നു. എല്ലാവര്‍ക്കും സ്നേഹവും സുരക്ഷയും സമാധാനവും നിറഞ്ഞ ഈദാകട്ടെയെന്ന് അമീര്‍ ആശംസിച്ചു. കുവൈത്തിനെയും ജനങ്ങളെയും എല്ലാ അപകടങ്ങളില്‍നി ന്നും ദൈവം കാത്തുസൂക്ഷിക്കട്ടെയെന്നും രാജ്യത്തിന് വളര്‍ച്ചയും സമൃദ്ധിയും തുടര്‍ന്നുനല്‍കട്ടെയെന്നും അമീര്‍ പ്രാര്‍ഥിച്ചു. 

ലോകമെമ്പാടുമുള്ള അറബ്-ഇസ്ലാമിക സമൂഹങ്ങള്‍ക്കെല്ലാം സമാധാനവും സുരക്ഷയും നിറഞ്ഞ അനുഗ്രഹീതമായ ഈദായിരിക്കട്ടെയെന്നും അദ്ദേഹം ആശംസിച്ചു. അമീരി ദിവാനും ഈ അവസരത്തില്‍ കിരീടാവകാശി ശൈഖ് സബാഹ് ഖാലിദ് അല്‍ ഹമദ് അല്‍ സബാഹിനും പ്രധാനമന്ത്രി ശൈഖ് അഹ്മദ് അബ്ദുല്ല അല്‍ അഹ്മദ് അല്‍ സബാഹിനും ആശംസകള്‍ നേര്‍ന്നു.

യുഎഇ എമിറേറ്റുകളിലെ പെരുന്നാൾ നമസ്കാര സമയം

അബുദാബി സിറ്റി: രാവിലെ 5:51

അൽ ഐൻ: രാവിലെ 5:45

സായിദ് സിറ്റി: രാവിലെ 5:56

ദുബായ്: രാവിലെ 5:47

ഷാർജ: ഷാർജ സിറ്റി, അൽ ഹംരിയ: രാവിലെ 5:45

സെൻട്രൽ റീജിയൻ (അൽ ദൈദ്, അൽ ബതായ, മ്ലെയ്ഹ, അൽ മദാം): രാവിലെ 5:44

ഈസ്റ്റേൺ റീജിയൻ (ഖോർഫക്കാൻ, കൽബ, ദിബ്ബ അൽ ഹിസ്ൻ): രാവിലെ 5:42

അജ്മാൻ : രാവിലെ 5:45

ഉം അൽ ഖുവൈൻ: രാവിലെ 5:44

റാസൽഖൈമ: രാവിലെ 5:43

ഫുജൈറ: രാവിലെ 5:43