മയക്കുമരുന്നിനെതിരെ പോരാടാൻ അന്തർദേശീയ സഹകരണം ആവശ്യമെന്ന് കുവൈത്ത്

മയക്കുമരുന്ന് തടയാനുള്ള അന്താരാഷ്ട്ര ശ്രമങ്ങൾക്ക് കുവൈത്ത് മികച്ച പിന്തുണ നൽകുന്നുണ്ടെന്ന് ഓസ്ട്രിയയിലെ കുവൈത്ത് അംബാസഡര്‍. 

കുവൈത്ത് സിറ്റി: മയക്കുമരുന്നിനെതിരെ പോരാടുന്നതിനും അവയുടെ വ്യാപനം പരിമിതപ്പെടുത്തുന്നതിനുമുള്ള അന്താരാഷ്ട്ര ശ്രമങ്ങൾക്ക് കുവൈത്ത് മികച്ച പിന്തുണ നൽകുന്നുണ്ടെന്ന് ഓസ്ട്രിയയിലെ കുവൈത്ത് അംബാസഡറും വിയന്നയിലെ അന്താരാഷ്ട്ര സംഘടനകളിലെ സ്ഥിരം പ്രതിനിധിയുമായ തലാൽ അൽ ഫസ്സാം.  ഈ രംഗത്ത് അന്താരാഷ്ട്ര സഹകരണം വർധിപ്പിക്കുന്നതിനും വൈദഗ്ധ്യം കൈമാറുന്നതിനും ലക്ഷ്യമിട്ടുള്ള ദേശീയ നയത്തെ അടിസ്ഥാനമാക്കിയാണ് ഈ പിന്തുണ. 

യുണൈറ്റഡ് നേഷൻസ് കമ്മീഷൻ ഓൺ നാർക്കോട്ടിക് ഡ്രഗ്‌സിന്റെ 68-ാമത് സെഷനിൽ പങ്കെടുക്കാൻ കുവൈത്ത് അതീവ താല്പര്യം കാണിക്കുന്നുണ്ടെന്നും അൽ ഫസ്സാം പറഞ്ഞു. ഈ പ്രതിഭാസത്തിൻ്റെ വർദ്ധിച്ചുവരുന്ന വെല്ലുവിളികളെ നേരിടാൻ പ്രാദേശികവും അന്തർദേശീയവുമായ സഹകരണം വർദ്ധിപ്പിക്കേണ്ടതിൻ്റെ പ്രാധാന്യവും അദ്ദേഹം എടുത്തുപറഞ്ഞു.

ഏഷ്യാനെറ്റ് ന്യൂസ് ലൈവ് യുട്യൂബിൽ കാണാം