പ്രവാസി മലയാളി താമസസ്ഥലത്ത് ഹൃദയാഘാതം മൂലം മരിച്ചു
Synopsis
മത്രയില് തയ്യല് ജോലി ചെയ്തുവരികയായിരുന്ന അദ്ദേഹത്തെ താമസ സ്ഥലത്ത് മരിച്ച നിലയില് കണ്ടെത്തുകയായിരുന്നു.
മസ്കത്ത്: കൊല്ലം സ്വദേശിയായ പ്രവാസി ഒമാനില് ഹൃദയാഘാതം മൂലം മരിച്ചു. പുറ്റിങ്ങല് കോട്ടപ്പുറത്തെ മോഹന വിലാസം വീട്ടില് മോഹനകുമാര് (55) ആണ് മരിച്ചത്. മത്രയില് തയ്യല് ജോലി ചെയ്തുവരികയായിരുന്ന അദ്ദേഹത്തെ താമസ സ്ഥലത്ത് മരിച്ച നിലയില് കണ്ടെത്തുകയായിരുന്നു.
മോഹനകുമാര് അവിവാഹിതനാണ്. പിതാവ് - ഗോപാലകൃഷ്ണന്. മാതാവ് - ലീലാവതിയമ്മ. മൃതദേഹം റുവി ബദര് അല് സമ ആശുപത്രി മോര്ച്ചറിയില് സൂക്ഷിച്ചിരിക്കുകയാണ്. നാട്ടിലേക്ക് കൊണ്ടുപോകാനുള്ള നടപടികള് പുരോഗമിക്കുന്നതായി കൈരളി മത്രയിലെ സാമൂഹിക പ്രവര്ത്തകന് ഷാജി സെബാസ്റ്റ്യന് അറിയിച്ചു.
Read also: സൗദി അറേബ്യയില് വാഹനാപകടത്തിൽ മരിച്ച മലയാളി യുവതിയുടെ മൃതദേഹം ഖബറടക്കി
കുഴഞ്ഞുവീണതിനെ തുടര്ന്ന് ചികിത്സയിലായിരുന്ന പ്രവാസി മലയാളി മരിച്ചു
മനാമ: പ്രവാസി മലയാളി ബഹ്റൈനില് മരിച്ചു. കണ്ണൂര് മാമ്പ കുഴിമ്പാലോട് ചോടവീട്ടില് ഗോപാലന്റെയും കൗസല്യയുടെയും മകന് കെ.സി ഷീജിത്ത് (51) ആണ് മരിച്ചത്. ബി.ഡി.എഫ് ജീവനക്കാരനായിരുന്ന അദ്ദേഹം കുഴഞ്ഞുവീണതിനെ തുടര്ന്ന് സല്മാനിയ മെഡിക്കല് കോംപ്ലക്സില് ചികിത്സയിലായിരുന്നു. ഭാര്യ - ജിഷ. മകന് - ശ്രാവണ്, കണ്ണൂര് തലവില് ഹയര് സെക്കണ്ടറി സ്കൂള് വിദ്യാര്ത്ഥിയാണ്. മൃതദേഹം നാട്ടിലെത്തിച്ച് സംസ്കരിക്കും.
Read also: മൂന്ന് മാസം മുമ്പ് കുഴഞ്ഞുവീണ് മരിച്ച പ്രവാസി മലയാളിയെ തിരിച്ചറിഞ്ഞു
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam