സന്ദര്‍ശക വിസയില്‍ മകന്റെ അടുത്തെത്തിയ മലയാളി വീട്ടമ്മ മരിച്ചു

അൽഖുവയ്യയിലുള്ള മകൻ ഷഫീഖിന്റെ അടുത്ത് സന്ദർശക വിസയിലെത്തിയ അവർ അസുഖ ബാധിതയായി അൽ ഖുവയ്യ ജനറൽ ആശുപത്രിയിൽ രണ്ടാഴ്ചയായി ചികിത്സയിൽ ആയിരുന്നു. 

റിയാദ്​: സന്ദർശന വിസയിലെത്തിയ മലയാളി വയോധിക സൗദിയിൽ നിര്യാതയായി. തിരുവനന്തപുരം വട്ടിയൂർക്കാവ് നെട്ടയം സ്വദേശിനി പപ്പാട് ഭാരത് നഗർ റഹ്‌മാൻ വീട്ടിൽ സൈനബ (71) റിയാദിൽനിന്ന്​ 200 കിലോമീറ്ററകലെ അൽഖുവയ്യയിലാണ് ഹൃദയാഘാതം മൂലം മരിച്ചത്.

അൽഖുവയ്യയിലുള്ള മകൻ ഷഫീഖിന്റെ അടുത്ത് സന്ദർശക വിസയിലെത്തിയ അവർ അസുഖ ബാധിതയായി അൽ ഖുവയ്യ ജനറൽ ആശുപത്രിയിൽ രണ്ടാഴ്ചയായി ചികിത്സയിൽ ആയിരുന്നു. പിതാവ് - പീർമുഹമ്മദ്‌, മാതാവ് -  നൂഹ് പാത്തുമ്മ. മൃതദേഹം അൽ ഖുവയ്യയിൽ ഖബറടക്കും. മരണാനന്തര നടപടിക്രമങ്ങൾ പൂർത്തീകരിക്കാൻ മകൻ ഷഫീക്കിനെ സഹായിക്കാൻ അൽ ഖുവയ്യ കെ.എം.സി.സി ഭാരവാഹികളും റിയാദ് കെ.എം.സി.സി മലപ്പുറം ജില്ലാ വെൽഫെയർ വിങ്​ ചെയർമാൻ റഫീഖ്  പുല്ലൂർ, ജുനൈദ് താനൂർ എന്നിവരും രംഗത്തുണ്ട്.

പ്രവാസി മലയാളി ഹൃദയാഘാതം മൂലം മരിച്ചു
മനാമ: പ്രവാസി മലയാളി ബഹ്റൈനില്‍ ഹൃദയാഘാതം മൂലം മരിച്ചു. തൃശൂര്‍, മാള, കൊച്ചുകടവ് കടപ്പറമ്പില്‍ ബാവയുടെ മകന്‍ ഷമീര്‍ ബാവ (45) ആണ് മരിച്ചത്. മനാമയിലെ കുവൈത്ത് എംബസിയില്‍ ജീവനക്കാരനായിരുന്ന ഷമീര്‍ ബാവയെ നെഞ്ചുവേദനയെ തുടര്‍ന്ന് ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.

ഭാര്യ - സുമയ്യ. മൂന്ന് മക്കളുണ്ട്. സഹോദരന്‍ ഷബീര്‍ (ബഹ്റൈന്‍), ഷമീന (മസ്‍കത്ത്). മൃതദേഹം നാട്ടിലേക്ക് കൊണ്ടുപോകാനുള്ള നടപടികള്‍ പുരോഗമിക്കുകയാണ്.