ഒമാനില് നിരവധി എടിഎമ്മുകള്ക്ക് തീയിട്ട യുവാവിനെ അറസ്റ്റ് ചെയ്തു
Synopsis
സലാല വിലായത്തില് നിരവധി എടിഎം മെഷീനുകള്ക്ക് തീവെച്ച ഒരു യുവാവിനെ ദോഫാര് ഗവര്ണറേറ്റ് പൊലീസ് കമാന്റ് അറസ്റ്റ് ചെയ്തതായാണ് റോയല് ഒമാന് പൊലീസ് പുറത്തിറക്കിയ പ്രസ്താവനയില് അറിയിച്ചിരിക്കുന്നത്.
മസ്കത്ത്: ഒമാനില് നിരവധി എടിഎമ്മുകള്ക്ക് തീയിട്ട യുവാവിനെ റോയല് ഒമാന് പൊലീസ് അറസ്റ്റ് ചെയ്തു. ദോഫാറിലായിരുന്നു സംഭവം. രാജ്യത്തെ ഒരു പ്രാദേശിക ബാങ്കിന്റെ ഉടമസ്ഥതതയിലുള്ള മെഷീനുകള്ക്കാണ് ഇയാള് തീവെച്ചത്.
സലാല വിലായത്തില് നിരവധി എടിഎം മെഷീനുകള്ക്ക് തീവെച്ച ഒരു യുവാവിനെ ദോഫാര് ഗവര്ണറേറ്റ് പൊലീസ് കമാന്റ് അറസ്റ്റ് ചെയ്തതായാണ് റോയല് ഒമാന് പൊലീസ് പുറത്തിറക്കിയ പ്രസ്താവനയില് അറിയിച്ചിരിക്കുന്നത്. സംഭവത്തിന്റെ വിശദാംശങ്ങളോ പ്രതിയെക്കുറിച്ചുള്ള വിശദ വിവരങ്ങളോ പുറത്തുവിട്ടിട്ടില്ല. അതേസമയം പിടിയിലായ വ്യക്തിക്കെതിരെ നിയമാനുസൃത നടപടികള് സ്വീകരിച്ചതായി അധികൃതര് അറിയിച്ചു.
Read also: സൗദി അറേബ്യയില് 8000 വർഷം പഴക്കമുള്ള മനുഷ്യവാസ കേന്ദ്രത്തിന്റെ ശേഷിപ്പുകൾ കണ്ടെത്തി
ഒമാനില് യുവാവ് ഡാമില് മുങ്ങി മരിച്ചു
മസ്കറ്റ്: ഒമാനിലെ ഇബ്രി വിലായത്തിലെ വാദി അല് ഹാജര് ഡാമില് മുങ്ങി യുവാവ് മരിച്ചു. 20കാരനായ പൗരനാണ് മരിച്ചത്. ഇയാളെ രക്ഷപ്പെടുത്തി ആശുപത്രിയിലെത്തിച്ചെങ്കിലും യാത്രാമധ്യേ മരണപ്പെട്ടു.
ഡാമില് യുവാവ് മുങ്ങിയതായി വിവരം ലഭിച്ച ഉടനെ അല് ദാഹിറാ ഗവര്ണറേറ്റില് നിന്നുള്ള സിവില് ഡിഫന്സ് ആന്ഡ് ആംബുലന്സ് സംഘം സ്ഥലത്തെത്തി. യുവാവിനെ രക്ഷപ്പെടുത്തി ആംബുലന്സില് ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ലെന്ന് സിവില് ഡിഫന്സ് ആന്ഡ് ആംബുലന്സ് അതോറിറ്റി അറിയിച്ചു.
വെള്ളം നിറഞ്ഞ വാദിയിലൂടെ വാഹനമോടിച്ച നാലുപേര് ഒമാനില് അറസ്റ്റില്
ഒമാനില് വെള്ളക്കെട്ടില് കുടുങ്ങിയ യുവാവിനെ സിവില് ഡിഫന്സ് രക്ഷിച്ചു
മസ്കത്ത്: ഒമാനില് ശക്തമായ വെള്ളപ്പാച്ചിലില് കുടുങ്ങിയ യുവാവിനെ സിവില് ഡിഫന്സ് അധികൃതരെത്തി രക്ഷപ്പെടുത്തി. സഹം വിലായത്തിലായിരുന്നു സംഭവം. യുവാവിന്റെ ആരോഗ്യ നില തൃപ്തികരമാണെന്ന് സിവില് ഡിഫന്സ് പുറത്തിറക്കിയ അറിയിപ്പില് പറയുന്നു.
നോര്ത്ത് അല് ബാത്തിന ഗവര്ണറേറ്റില് ഉള്പ്പെടുന്ന സഹം വിലായത്തിലെ ഒരു വാദിയിലായിരുന്നു രക്ഷാപ്രവര്ത്തനം നടത്തിയതെന്ന് സിവില് ഡിഫന്സ് അറിയിച്ചു. രാജ്യത്ത് മോശം കാലാവസ്ഥ നിലനില്ക്കുന്ന സമയങ്ങളില് അതീവ ജാഗ്രത പുലര്ത്തണമെന്ന അറിയിപ്പ് അപകടങ്ങളുടെ പശ്ചാത്തലത്തില് അധികൃതര് വീണ്ടും നല്കിയിട്ടുണ്ട്. വെള്ളം നിറഞ്ഞ വാദികള് വാഹനങ്ങളിലും കാല്നടയായും മുറിച്ച് കടക്കരുതെന്നാണ് നിര്ദേശം. ജീവന്റെ സുരക്ഷിത്വം എപ്പോഴും ശ്രദ്ധയിലുണ്ടാകണമെന്നും അധികൃതര് ഓര്മിപ്പിച്ചു. വാഹനത്തില് വാദി മുറിച്ചുകടക്കാന് ശ്രമിക്കവെ അപകടത്തില്പെട്ട ഒരു യുവാവിനെ കഴിഞ്ഞ ദിവസം പൊലീസ് അറസ്റ്റ് ചെയ്തിരുന്നു. ഇയാളുടെ വാഹനവും പൊലീസ് പിടിച്ചെടുത്തിട്ടുണ്ട്.
ഒമാനിൽ മൂന്ന് സ്വകാര്യ ആരോഗ്യ സ്ഥാപനങ്ങൾ അടച്ചുപൂട്ടി; നിരവധി സ്ഥാപനങ്ങള്ക്കെതിരെ നടപടി
ഒമാനില് വെള്ളക്കെട്ടിലൂടെ വാഹനം ഓടിച്ച യുവാവ് അറസ്റ്റില്
മസ്കത്ത്: ഒമാനില് വെള്ളക്കെട്ടിലൂടെ വാഹനം ഓടിച്ച് സാഹസിക അഭ്യാസം നടത്താന് ശ്രമിച്ച യുവാവ് അറസ്റ്റില്. കനത്ത മഴയില് നിറഞ്ഞൊഴുകുകയായിരുന്ന വാദിയിലേക്കാണ് ഇയാള് ബോധപൂര്വം വാഹനം ഓടിച്ച് ഇറക്കിയത്. സ്വന്തം ജീവന് അപകടത്തിലാക്കിയതിനാണ് അധികൃതരുടെ നടപടി.
റുസ്തഖില് നടന്ന സംഭവത്തിന്റെ വീഡിയോ ദൃശ്യങ്ങള് സാമൂഹിക മാധ്യമങ്ങളിലൂടെ വ്യാപകമായി പ്രചരിച്ചിരുന്നു. കുത്തിയൊലിക്കുന്ന വെള്ളത്തിലേക്ക് ബോധപൂര്വം വാഹനം ഓടിച്ചിറക്കുന്ന ഇയാള്ക്ക് അല്പദൂരം മൂന്നോട്ട് പോയപ്പോള് തന്നെ വാഹനത്തിന്റെ നിയന്ത്രണം നഷ്ടമാവുന്നത് ദൃശ്യങ്ങളില് കാണാം. പ്രദേശത്തെ നാട്ടുകാര് ഉടന് തന്നെ രംഗത്തിറങ്ങുകയും യുവാവിനെ രക്ഷിക്കുകയും ചെയ്തു. വാഹനം പിന്നീട് റോയല് ഒമാന് പൊലീസ് കസ്റ്റഡിയിലെടുത്തു.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam