യുഎഇയിലെ വെയര്ഹൗസില് വന് തീപിടുത്തം
Synopsis
രാവിലെ 10.42നായിരുന്നു അപകടം സംബന്ധിച്ച വിവരം ലഭിച്ചതെന്ന് ഷാര്ജ സിവില് ഡിഫന്സ് അധികൃതര് അറിയിച്ചു.
ഷാര്ജ: ഷാര്ജയിലെ വെയര്ഹൗസില് വന്തീപിടുത്തം. അല് നഹ്ദ ഏരിയയില് ഞായറാഴ്ച രാവിലെയായിരുന്നു സംഭവം. ലോഹ സാമഗ്രികള് സൂക്ഷിച്ചിരുന്ന വെയര്ഹൗസിലാണ് തീപിടിച്ചത്. ഇവിടെയുണ്ടായിരുന്ന സാധനങ്ങളെല്ലാം കത്തി നശിച്ചു.
രാവിലെ 10.42നായിരുന്നു അപകടം സംബന്ധിച്ച വിവരം ലഭിച്ചതെന്ന് ഷാര്ജ സിവില് ഡിഫന്സ് അധികൃതര് അറിയിച്ചു. ലോഹ ഉപകരണങ്ങള് സൂക്ഷിച്ചിട്ടുള്ള വെയര്ഹൗസില് തീപിടിച്ചെന്ന വിവരമാണ് ലഭിച്ചത്. ഓപ്പറേഷന്സ് റൂമില് നിന്നുള്ള വിവരമനുസരിച്ച് സമീപത്തെ ഫയര് സ്റ്റേഷനുകളില് നിന്ന് അഗ്നിശമന സേനാ അംഗങ്ങള് എത്തി തീ നിയന്ത്രണ വിധേയമാക്കി. അര മണിക്കൂറിനുള്ളില് തന്നെ തീ കെടുത്താന് സാധിച്ചതായി സിവില് ഡിഫന്സ് അറിയിച്ചു.
തീ പിടുത്തത്തില് ആര്ക്കും പരിക്കേറ്റിട്ടില്ലെന്നും ആളപായമൊന്നും റിപ്പോര്ട്ട് ചെയ്യപ്പെട്ടിട്ടില്ലെന്നും സിവില് ഡിഫന്സ് അധികൃതര് അറിയിച്ചു. തീ പിടുത്തമുണ്ടായ സ്ഥലം തണുപ്പിക്കുന്നതിനുള്ള നടപടികള് പുരോഗമിക്കുകയാണ്. തുടര്ന്ന് തീപിടുത്തത്തിന്റെ കാരണങ്ങള് കണ്ടെത്താനായി സ്ഥലം പൊലീസ് ഉള്പ്പെടെയുള്ള ഏജന്സികള്ക്ക് കൈമാറും.
Read also: സൗദി അറേബ്യയില് മലയാളി കുടുംബങ്ങൾ സഞ്ചരിച്ച കാർ മറിഞ്ഞ് യുവതി മരിച്ചു; നാലുപേർക്ക് പരിക്ക്
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam, World Pravasi News, Keralites Abroad News, NRI Malayalis News ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ