ഒമ്പത് വര്ഷമായി നാട്ടില് പോകാതിരുന്ന മലയാളിയുടെ മൃതദേഹം സുഹൃത്തുക്കള് നാട്ടിലെത്തിച്ചു
Synopsis
രണ്ടു വര്ഷം മുന്പ് ഭാര്യയേയും മൂന്ന് കുട്ടികളെയും നാട്ടില് നിന്നും കൊണ്ടുവരികയും കൊവിഡ് പ്രതിസന്ധി രൂക്ഷമാകുന്നതിനു മുന്പ് അവരെ നാട്ടിലേക്ക് തിരിച്ചയക്കുകയും ചെയ്തിരുന്ന റസ്താന് ഒന്പതു വര്ഷം മുന്പാണ് അവസാനമായി നാട്ടില് പോയി വന്നത്.
റിയാദ്: ഒമ്പത് വര്ഷമായി നാട്ടില് പോകാതെ സൗദിയില് കഴിഞ്ഞ പ്രവാസിയുടെ മൃതദേഹം സുഹൃത്തുക്കള് നാട്ടിലെത്തിച്ചു. ഒരു പതിറ്റാണ്ടിലേറെയായി സൗദി വടക്കന് പ്രവിശ്യയിലെ തുറൈഫിലും ഖുറയ്യാത്തിലുമായി ജോലി ചെയ്തു വന്നിരുന്ന കോഴിക്കോട് സ്വദേശി റസ്താന് (40) കോവിഡ് ബാധിച്ച് ആശുപത്രിയില് ചികിത്സയില് കഴിയവേയാണ് ഹൃദയസ്തംഭനം മൂലം മരിച്ചത്.
ചികിത്സക്കിടയില് പെട്ടെന്നുണ്ടായ ഹൃദയ സ്തംഭനമാണ് മരണകാരണം എന്ന് ഹോസ്പിറ്റല് അധികൃതരും അറിയിച്ചു. രണ്ടു വര്ഷം മുന്പ് ഭാര്യയേയും മൂന്ന് കുട്ടികളെയും നാട്ടില് നിന്നും കൊണ്ടുവരികയും കൊവിഡ് പ്രതിസന്ധി രൂക്ഷമാകുന്നതിനു മുന്പ് അവരെ നാട്ടിലേക്ക് തിരിച്ചയക്കുകയും ചെയ്തിരുന്ന റസ്താന് ഒന്പതു വര്ഷം മുന്പാണ് അവസാനമായി നാട്ടില് പോയി വന്നത്.
പ്രവാസി മലയാളി സൗദിയില് മരിച്ചു
തങ്ങളുടെ പ്രിയപ്പെട്ട സ്നേഹിതന്റെ എല്ലാ ബാധ്യതകളും തീര്ത്ത് ഭാര്യയേയും കുട്ടികളെയും അവസാനമായി ഒരു നോക്ക് കാണിക്കണമെന്ന നിര്ബന്ധബുദ്ധിയോടെ മയ്യിത്ത് നാട്ടിലേക്കയക്കുന്നതിന് സ്നേഹിതന്മാരായ ഷമീര്, ഷബീര്, നിഷാദ്, അഹ്മദ്കുട്ടി എന്നിവര് മുന്നിട്ടിറങ്ങുകയും നിയമ നടപടി ക്രമങ്ങള് പൂര്ത്തിയാക്കുന്നതിന് ഐ.സി.എഫ് , ഐ.എം.സി.സി, കെ.എം.സി.സി. പ്രവര്ത്തകരായ സലീം കൊടുങ്ങല്ലൂര്,യൂനുസ് മുന്നിയൂര്, റോയ് കോട്ടയം, അഷ്റഫ്, സെയ്തുട്ടി എന്നിവരും നേതൃത്വം നല്കി. റിയാദില് നിന്നും സിദ്ധീഖ്, മുനീര് എന്നിവരുടെ സഹകാരണവും നടപടിക്രമങ്ങള് വേഗത്തിലാക്കുന്നതിനു സഹായകമായി.
റിയാദ്: മലയാളി റിയാദില് ഹൃദയാഘാതം മൂലം മരിച്ചു. പത്തനംതിട്ട മല്ലപ്പള്ളി വായ്പൂര് സ്വദേശി തൊണ്ടിടയില് ഗിരീഷ് (32) റിയാദ് സുലൈയില് മരിച്ചത്. റിയാദില് പ്രിന്റിങ് പ്രസ്സില് ജീവനക്കാരനായിരുന്ന ഗിരീഷ് ആറു മാസം മുമ്പാണ് റിയാദിലെത്തിയത്. അവിവാഹിതനാണ്.
പരേതനായ രവീന്ദ്രനാണ് പിതാവ്. മാതാവ് വിജയമ്മ, സഹോദരി രശ്മി. റിയാദ് ശുമൈസി ആശുപത്രി മോര്ച്ചറിയില് സൂക്ഷിച്ചിരിക്കുന്ന മൃതദേഹം നടപടിക്രമങ്ങള് പൂര്ത്തിയാക്കി നാട്ടില് കൊണ്ടുപോകാനുള്ള ശ്രമങ്ങള്ക്ക് റിയാദ് കെ.എം.സി.സി വെല്ഫെയര് വിങ് ചെയര്മാന് സിദ്ദിഖ് തൂവൂര്, സാദിഖ് ഹറമൈന്, ഫൈസല് മാലിക് എന്നിവര് രംഗത്തുണ്ട്.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam