സൗദി അറേബ്യയിൽ പുതിയ കൊവിഡ് കേസുകളുടെ എണ്ണം വീണ്ടും കുറയുന്നു

നിലവില്‍ ചികിത്സയിലായിരുന്ന രോഗികളിൽ 161 പേർ സുഖം പ്രാപിച്ചു. ഒരു മരണവും പുതിയതായി രേഖപ്പെടുത്തി. ഇതോടെ ഇതുവരെ രാജ്യത്ത് ചെയ്യപ്പെട്ട ആകെ കൊവിഡ് കേസുകളുടെ എണ്ണം 7,49,965 ഉം രോഗമുക്തരുടെ എണ്ണം 7,32,596ഉം ആയി.

റിയാദ്: സൗദി അറേബ്യയിൽ പുതിയ കൊവിഡ് കേസുകളുടെ എണ്ണം വീണ്ടും കുറയുന്നു. കഴിഞ്ഞ ദിവസങ്ങളിൽ പുതിയ രോഗികളുടെ എണ്ണം നേരിയ തോതില്‍ ഉയർന്ന് തുടങ്ങിയിരുന്നെങ്കിലും ഇപ്പോൾ വീണ്ടും എണ്ണം കുറയുകയാണ്. ആരോഗ്യ മന്ത്രാലയം പുറത്തുവിട്ട കണക്കുകള്‍ പ്രകാരം പുതിയതായി 110 പേർക്കാണ് രാജ്യത്ത് കൊവിഡ് സ്ഥിരീകരിച്ചത്. 

നിലവില്‍ ചികിത്സയിലായിരുന്ന രോഗികളിൽ 161 പേർ സുഖം പ്രാപിച്ചു. ഒരു മരണവും പുതിയതായി രേഖപ്പെടുത്തി. ഇതോടെ ഇതുവരെ രാജ്യത്ത് ചെയ്യപ്പെട്ട ആകെ കൊവിഡ് കേസുകളുടെ എണ്ണം 7,49,965 ഉം രോഗമുക്തരുടെ എണ്ണം 7,32,596ഉം ആയി. ആകെ മരണം 9,033 ആയി. നിലവിൽ 8,336 പേർ രോഗം ബാധിച്ച് ചികിത്സയിലുണ്ട്. ഇവരിൽ 161 പേർ ഗുരുതരാവസ്ഥയിലാണ്. ഇവർ രാജ്യത്തെ വിവിധ ആശുപത്രി തീവ്രപരിചരണ വിഭാഗത്തിൽ ചികിത്സയിൽ തുടരുന്നു. 

സൗദി അറേബ്യയിൽ നിലവിലെ കൊവിഡ് മുക്തി നിരക്ക് 97.68 ശതമാനവും മരണനിരക്ക് 1.20 ശതമാനവുമാണ്. രാജ്യത്തെ പ്രധാന നഗരങ്ങളിൽ പുതിയതായി റിപ്പോർട്ട് ചെയ്ത രോഗികളുടെ എണ്ണം: റിയാദ് 24, ജിദ്ദ 17, മദീന 10, മക്ക 9, ദമ്മാം 9, ത്വാഇഫ് 6, അബഹ 5. സൗദി അറേബ്യയിൽ ഇതുവരെ 6,23,88,851 ഡോസ് കൊവിഡ് വാക്സിൻ വിതരണം ചെയ്‌തു.