യാത്രക്കാരുടെ ശ്രദ്ധക്ക്, സുപ്രധാന മാർഗനിർദ്ദേശങ്ങൾ പുറത്തിറക്കി, ഈ വസ്തുക്കളോ പണമോ കൈവശമുണ്ടെങ്കിൽ അറിയിക്കണമെന്ന് ഒമാൻ കസ്റ്റംസ്

ഒമാനിലേക്ക് വരുന്ന യാത്രക്കാര്‍ക്ക് സുപ്രധാന മാർഗനിർദ്ദേശങ്ങൾ പുറത്തിറക്കി കസ്റ്റംസ് അധികൃതർ. അതിർത്തി കടന്ന് പണമായോ മറ്റ് കൈമാറ്റം ചെയ്യാവുന്ന രേഖകളായോ കൊണ്ടുപോകുന്ന തുകയ്ക്ക് ഒമാൻ കസ്റ്റംസ് വിശദമായ മാർഗ്ഗനിർദ്ദേശങ്ങളാണ് പുറത്തിറക്കിയത്.

മസ്കറ്റ്: ഒ​മാ​നി​ലേ​ക്ക് വ​രു​ന്ന​വ​ർ​ക്കും ഒ​മാ​നി​ൽ​ നി​ന്ന് മ​റ്റു രാ​ജ്യ​ങ്ങ​ളി​ലേ​ക്ക് യാ​ത്ര ചെ​യ്യു​ന്ന​വ​ർ​ക്കും മാ​ർ​ഗ​നി​ർ​ദേ​ശ​ങ്ങ​ളു​മാ​യി ഒ​മാ​ൻ ക​സ്റ്റം​സ് വ​കു​പ്പ്. കര, സമുദ്ര, വ്യോമയാന അതിര്‍ത്തികള്‍ വഴി വരുന്നവര്‍ക്കുള്ള പുതിയ മാർഗനിർദ്ദേശങ്ങൾ പുറത്തിറക്കി. അതിർത്തി കടന്ന് പണമായോ മറ്റ് കൈമാറ്റം ചെയ്യാവുന്ന രേഖകളായോ കൊണ്ടുപോകുന്ന തുകയ്ക്ക് ഒമാൻ കസ്റ്റംസ് വിശദമായ മാർഗ്ഗനിർദ്ദേശങ്ങളാണ് പുറത്തിറക്കിയത്.

രാജ്യത്തിനകത്തേക്ക് പ്രവേശിക്കുകയോ, പുറത്തുപോകുകയോ, ഒമാനിലൂടെ ട്രാൻസിറ്റ് ചെയ്യുകയോ ചെയ്യുന്ന എല്ലാ വ്യക്തികളും 6,000 ഒമാനി റിയാലോ (RO 6,000) അതിന് തുല്യമായ മറ്റ് കറൻസികളോ കൈവശം വെച്ചാൽ അത് നിർബന്ധമായും കസ്റ്റംസിൽ വെളിപ്പെടുത്തണം. 6,000 ഒമാനി റിയാല്‍ വരുന്ന പണം, ചെക്കുകള്‍, സെക്യൂരിറ്റികള്‍, ഓഹരികള്‍, പേയ്‌മെന്റ് ഓര്‍ഡറുകള്‍, അമൂല്യ ലോഹങ്ങള്‍, സ്വര്‍ണം, വജ്രം, അമൂല്യ കല്ലുകള്‍, 6,000 റിയാലിന് തുല്യമായ മറ്റ് കറന്‍സികള്‍ തുടങ്ങിയവ കൈവശം വെച്ച് രാജ്യത്തിലേക്കോ പുറത്തേക്കോ പോകുന്ന യാത്രക്കാരാണ് ഈ വിവരം കസ്റ്റംസ് ഉദ്യോഗസ്ഥരോട് വെളിപ്പെടുത്തേണ്ടത്. കസ്റ്റംസ് വെബ്‌സൈറ്റ് മുഖേന ഡിക്ലറേഷന്‍ നടത്താം.

ഒ​മാ​നി​ലേ​ക്കോ ഒ​മാ​നി​ൽ നി​ന്നോ യാ​ത്ര ചെ​യ്യു​ന്ന​വ​രോ ത​പാ​ൽ, ഷി​പ്പി​ങ് സേ​വ​ന​ങ്ങ​ളി​ലൂ​ടെ പ​ണം അ​യ​ക്കു​ന്ന​വ​രോ സാ​മ്പ​ത്തി​ക​രേ​ഖ​ക​ൾ അ​യ​ക്കു​ക​യോ സ്വീ​ക​രി​ക്കു​ക​യോ ചെ​യ്യു​ന്ന​വ​ർ നി​ശ്ച​യി​ച്ച പ​രി​ധി ക​ട​ന്നി​ട്ടു​ണ്ടെ​ങ്കി​ൽ ആ ​പ​ണ​ത്തെ​ക്കു​റി​ച്ചും രേ​ഖ​ക​ളെ​ക്കു​റി​ച്ചും ക​സ്റ്റം​സി​ൽ അ​റി​യി​ക്ക​ണം. നി​ർ​ദേ​ശം പാ​ലി​ക്കാ​ത്ത​വ​ർ​ക്ക് ക​ന​ത്ത പി​ഴ ന​ൽ​കേ​ണ്ടി​വ​രു​മെ​ന്നും ക​സ്റ്റം​സ് മു​ന്ന​റി​യി​പ്പ് ന​ൽ​കി. ക​ള്ള​പ്പ​ണം വെ​ളു​പ്പി​ക്ക​ൽ, ഭീ​ക​ര പ്ര​വ​ർ​ത്ത​ന​ങ്ങ​ൾ​ക്ക് ധ​ന​സ​ഹാ​യം തു​ട​ങ്ങി​യ സാ​ഹ​ച​ര്യ​ങ്ങ​ൾ ത​ട​യു​ന്ന​തി​നാ​യാ​ണ് ഒ​മാ​ൻ ക​സ്റ്റം​സ് പു​തി​യ മാ​ർ​ഗ​നി​ർ​ദേ​ശ​ങ്ങ​ൾ പു​റ​പ്പെ​ടു​വി​ച്ച​ത്.

വിവരങ്ങൾ വെളിപ്പെടുത്താതിരിക്കുകയോ തെറ്റായ വിവരങ്ങൾ നൽകുകയോ ചെയ്യുന്നത് കള്ളപ്പണം വെളുപ്പിക്കൽ തടയൽ നിയമത്തിലെ ആർട്ടിക്കിൾ (98) പ്രകാരം ക്രിമിനൽ കുറ്റമാണ്. വ്യക്തികൾക്ക് മൂന്ന് വർഷം വരെ തടവും കൂടാതെ/അല്ലെങ്കിൽ 10,000 റിയാൽ (RO 10,000) വരെ പിഴയും ലഭിക്കാം. നിയമ സ്ഥാപനങ്ങൾക്ക് പിഴ 10,000 റിയാലിനും വെളിപ്പെടുത്താത്ത മൊത്തം തുകയ്ക്കും ഇടയിലായിരിക്കും. തെറ്റിദ്ധരിപ്പിക്കുന്നതോ കൃത്യമല്ലാത്തതോ ആയ വിവരങ്ങൾ നൽകുകയോ പ്രധാന വസ്തുതകൾ മറച്ചുവെക്കുകയോ ചെയ്യുമ്പോൾ.

അതുപോലെ തന്നെ പ​രി​ച​യ​മി​ല്ലാ​ത്ത​വ​രി​ൽ ​നി​ന്ന് ബാ​ഗോ ല​ഗേ​ജോ സ്വീ​ക​രി​ക്ക​രു​തെ​ന്ന​താ​ണ് നി​ദേ​ശ​ം. ബ​ഗേ​ജി​ന്‍റെ ഉ​ള്ളി​ലു​ള്ള​തെ​ന്താ​ണെ​ന്ന് പ​രി​ശോ​ധി​ക്ക​തെ വി​ശ്വാ​സ​ത്തി​ന്‍റെ മാ​ത്രം അ​ടി​സ്ഥാ​ന​ത്തി​ല്‍ ല​ഗേ​ജ് കൈ​മാ​റ​രു​ത്. നി​രോ​ധി​ത വ​സ്തു​ക്ക​ളു​മാ​യി പി​ടി​ക്ക​പ്പെ​ട്ടാ​ൽ ആ​രു​ടെ കൈ​വ​ശ​മാ​ണോ ആ വ​സ്തു​ക്ക​ളു​ള്ള​ത് അത് അ​യാ​ൾ​ക്കെ​തി​രെ​യു​ള്ള തെ​ളി​വാ​യി മാ​റും. സ്വ​കാ​ര്യ ആ​വ​ശ്യ​ത്തി​നു​ള്ള വീ​ഡി​യോ കാ​മ​റ, കൊ​ണ്ടു​ന​ട​ക്കാ​വു​ന്ന സം​ഗീ​തോ​പ​ക​ര​ണ​ങ്ങ​ള്‍, മൊ​ബൈ​ല്‍ ഫോ​ണു​ക​ള്‍, ടി.​വി​യും റി​സീ​വ​റും, ബേ​ബി സ്‌​ട്രോ​ള​റു​ക​ള്‍, ഭി​ന്ന​ശേ​ഷി​ക്കാ​രു​ടെ ക​സേ​ര​ക​ൾ, ക​മ്പ്യൂ​ട്ട​ര്‍, മൊ​ബൈ​ല്‍ പ്രി​ന്റ​റു​ക​ള്‍, തു​ണി​ക​ളും വ്യ​ക്തി​ഗ​ത വ​സ്തു​ക്ക​ളും, സ്വ​ന്തം ആ​വ​ശ്യ​ത്തി​നു​ള്ള ആ​ഭ​ര​ണ​ങ്ങ​ള്‍, സ്വ​ന്തം സ്‌​പോ​ര്‍ട്‌​സ് ഉ​പ​ക​ര​ണ​ങ്ങ​ള്‍, സ്വ​ന്തം ഉ​പ​യോ​ഗ​ത്തി​നു​ള്ള മ​രു​ന്നു​ക​ള്‍ എ​ന്നി​വ ക​സ്റ്റം​സ് തീ​രു​വ​യി​ല്‍ നി​ന്ന് ഒ​ഴി​വാ​ക്കി​യി​ട്ടു​ണ്ടെ​ന്ന് മാർഗനിർദ്ദേശങ്ങളിൽ വി​ശ​ദീ​ക​രി​ക്കു​ന്നുണ്ട്. അ​നു​വ​ദ​നീ​യ​മാ​യ സി​ഗ​ര​റ്റു​ക​ള്‍ കൈ​വ​ശം വെ​ക്കു​ന്ന യാ​ത്ര​ക്കാ​ര​ന്‍ പ്രാ​യ​പൂ​ർ​ത്തി​യാ​യ ആ​ളാ​യി​രി​ക്ക​ണം.

മരുന്നുകള്‍, ഡ്രഗ്, മെഡിക്കല്‍ മെഷീനുകള്‍, ജീവനുള്ള മൃഗങ്ങള്‍, സസ്യങ്ങള്‍, വളങ്ങള്‍, കീടനാശിനികള്‍, പ്രസിദ്ധീകരണങ്ങള്‍, മാധ്യമ വസ്തുക്കള്‍, എംഎജി ട്രാന്‍സ്മിറ്ററുകള്‍, ഡ്രോണുകള്‍ പോലുള്ള വയര്‍ലെസ് ഉപകരണങ്ങള്‍, സൗന്ദര്യവര്‍ധക വ്യക്തിഗത സംരക്ഷണത്തിനുള്ള വസ്തുക്കള്‍ എന്നിവ കൊണ്ടുവരുന്നതിന് ബന്ധപ്പെട്ട അധികാരികളില്‍ നിന്നുള്ള അംഗീകാരം നേടണം. നിരോധിച്ചതോ നിയന്ത്രിച്ചതോ ആയ വസ്തുക്കള്‍ മറ്റ് യാത്രക്കാരില്‍ കണ്ടാല്‍ അക്കാര്യം അധികാരികളെ അറിയിക്കണമെന്നും അധികൃതര്‍ ആവശ്യപ്പെട്ടു.

എ​ല്ലാ ത​ര​ത്തി​ലു​മു​ള്ള ആ​യു​ധ​ങ്ങ​ള്‍, മ​യ​ക്കു​മ​രു​ന്നു​ക​ള്‍, സൈ​ക്കോ​ട്രോ​പി​ക് വ​സ്തു​ക്ക​ള്‍, സ്‌​ഫോ​ട​ക വ​സ്തു​ക്ക​ള്‍, ശ​രി​യാ​യ പ്ര​കൃ​തം മ​റ​യ്ക്കു​ന്ന വ​സ്തു​ക്ക​ള്‍ (ശൂ​ല​മോ വാ​ളോ​യു​ള്ള ഊ​ന്നു​വ​ടി​ക​ള്‍പോ​ലെ), റൈ​ഫി​ളു​ക​ള്‍, പി​സ്റ്റ​ളു​ക​ള്‍, ആ​യു​ധ​ങ്ങ​ളും ഉ​പ​ക​ര​ണ​ങ്ങ​ളു​മു​ള്ള കു​ട്ടി​ക​ളു​ടെ ക​ളി​പ്പാ​ട്ട​ങ്ങ​ള്‍, സൈ​നി​ക യൂ​നി​ഫോ​മി​ന് സ​മാ​ന​മാ​യ വ​സ്ത്രം, റൈ​ഫി​ള്‍ സ്‌​കോ​പ്, നൈ​റ്റ് സ്‌​കോ​പ്, ആ​ന​ക്കൊ​മ്പ്, വൈ​ദ്യു​തി തോ​ക്ക് എ​ന്നി​വ ഏ​കീ​കൃ​ത ക​സ്റ്റം​സ് നി​യ​മം അ​നു​സ​രി​ച്ച് നി​രോ​ധി​ച്ച വ​സ്തു​ക്ക​ളാ​ണ്.