കുവൈത്തിൽ മൂന്ന് വാഹനങ്ങൾ കൂട്ടിയിടിച്ച് അപകടം, ഒരാൾ മരിച്ചു

ചൊവ്വാഴ്ച പുലർച്ചെയുണ്ടായ അപകടത്തിൽ മൂന്ന് വാഹനങ്ങൾ കൂട്ടിയിടിക്കുകയായിരുന്നു.

കുവൈത്ത് സിറ്റി: കുവൈത്തിലെ കിംഗ് അബ്ദുൽഅസീസ് റോഡിലുണ്ടായ വാഹനാപകടത്തിൽ ഒരു മരണം. ചൊവ്വാഴ്ച പുലർച്ചെയുണ്ടായ ഈ അപകടത്തിൽ മൂന്ന് വാഹനങ്ങൾ കൂട്ടിയിടിച്ചു. ഒരാൾ മരിച്ചു. ഫഹാഹീൽ ഫയർ സ്റ്റേഷനിൽ നിന്നുള്ള അഗ്നിശമന സേനാംഗങ്ങൾ എത്തി രക്ഷാപ്രവർത്തനങ്ങൾ നടത്തി. അപകടസ്ഥലം സുരക്ഷിതമാക്കിയെന്നും തുടർ അന്വേഷണങ്ങൾക്കായി അധികാരികൾക്ക് കൈമാറിയെന്നും അധികൃതർ അറിയിച്ചു. അപകടത്തിന്‍റെ കാരണം വ്യക്തമായിട്ടില്ല.