കോഴിക്കോട് സ്വദേശി സൗദിയിൽ കൊവിഡ് ബാധിച്ച് മരിച്ചു

സൗദിയിൽ റസ്റ്റോറന്‍റ് നടത്തുകയായിരുന്ന നിജേഷ് ചികിത്സയിലിരിക്കെയാണ് മരിച്ചത്. 

റിയാദ്: സൗദി അറേബ്യയില്‍ കൊവിഡ് ബാധിച്ച് ഒരു മലയാളി കൂടി മരിച്ചു. കോഴിക്കോട് കക്കട്ടിൽ കുറ്റിയിൽ കണാരന്‍റെ മകൻ നിജേഷ് (29) ആണ് മരിച്ചത്. സൗദിയിൽ റസ്റ്റോറന്‍റ് നടത്തുകയായിരുന്നു നിജേഷ്, ചികിത്സയിലിരിക്കെയാണ് മരണം സംഭവിച്ചത്. 

കൊവിഡ് ബാധിച്ച് സൗദിയിൽ ഇന്ന് 32 പേരാണ് മരിച്ചത്. പുതുതായി 1975 പേർക്ക് കൂടി രോഗം സ്ഥിരീകരിച്ചതോടെ രാജ്യത്ത് കൊവിഡ് ബാധിച്ചവരുടെ എണ്ണം 93157 ആയി ഉയർന്നു. 806 പേർക്ക് ഇന്ന് രോഗംഭേദപ്പെട്ടതായി ആരോഗ്യ മന്ത്രാലയം അറിയിച്ചു. അതേസമയം ഇന്ന് രോഗമുക്തി ലഭിച്ചത് 806 പേർക്കാണ്. ഇതോടെ രോഗം ഭേദമായവരുടെ എണ്ണം 68965 ആയി വർദ്ധിച്ചു.നിലവിൽ 23581 പേർ ചികിത്സയിലാണ്.