ഉടമ പുറത്തിറങ്ങിയ നേരത്ത് കാറുമായി കടന്നുകളഞ്ഞ യുവാവ് അറസ്റ്റില്‍

വാഹനം നിര്‍ത്തിയിട്ട ശേഷം എഞ്ചിന്‍ ഓഫാക്കാതെ ഉടമ പുറത്തിറങ്ങിയപ്പോഴായിരുന്നു മോഷണം നടന്നത്. കാറുടമ ചില സാധനങ്ങള്‍ വാങ്ങാനായി കടയിലേക്ക് കടയിയപ്പോള്‍ തൊട്ടടുത്തുണ്ടായിരുന്ന യുവാവ് കാറുമായി കടന്നുകളയുകയായിരുന്നു.

മസ്‍കത്ത്: ഒമാനില്‍ കാര്‍ മോഷ്ടിച്ച യുവാവിനെ പൊലീസ് അറസ്റ്റ് ചെയ്‍തു. സൗത്ത് അല്‍ ബാത്തിന ഗവര്‍ണറേറ്റിലായിരുന്നു സംഭവം. വാഹനം നിര്‍ത്തിയിട്ട ശേഷം എഞ്ചിന്‍ ഓഫാക്കാതെ ഉടമ പുറത്തിറങ്ങിയപ്പോഴായിരുന്നു മോഷണം നടന്നത്. കാറുടമ ചില സാധനങ്ങള്‍ വാങ്ങാനായി കടയിലേക്ക് കടയിയപ്പോള്‍ തൊട്ടടുത്തുണ്ടായിരുന്ന യുവാവ് കാറുമായി കടന്നുകളയുകയായിരുന്നു. കാര്‍ മോഷ്ടിച്ച പ്രതിയെ പിന്നീട് പിടികൂടിയതായി റോയല്‍ ഒമാന്‍ പൊലീസ് അറിയിച്ചു. ഇയാള്‍ക്കെതിരെ നിയമാനുസൃതമായ നടപടികള്‍ സ്വീകരിച്ചുവരുന്നതായും അധികൃതര്‍ അറിയിച്ചിട്ടുണ്ട്.

അബുദാബി: കൊവിഡിനെതിരെയുള്ള പോരാട്ടത്തില്‍ വിജയിച്ച യുഎഇയില്‍ യോഗ്യരായ 98 ശതമാനം ആളുകളും വാക്സിനേഷന്‍ പൂര്‍ത്തിയാക്കിയിട്ടുണ്ട്. പ്രതിദിന രോഗികളുടെ എണ്ണം ഏകദേശം 400ല്‍ ഒതുങ്ങി. കൊവിഡ് മൂലം ഏറ്റവും കുറവ് മരണ നിരക്കുള്ള രാജ്യം കൂടിയാണ് യുഎഇ.

കൊവിഡ് 19 സുരക്ഷാ നിയമങ്ങളും നിയന്ത്രണങ്ങളും രാജ്യത്ത് ലഘൂകരിച്ചിരുന്നു. അതേസമയം കൊവിഡ് വ്യാപനം കുറയുകയും യാത്രക്കാരുടെ എണ്ണം വര്‍ധിക്കുകയും ചെയ്ത സാഹചര്യത്തില്‍ യാത്രയ്ക്ക് മുമ്പും ശേഷവും പാലിക്കേണ്ട പുതിയ മാര്‍ഗനിര്‍ദ്ദേശങ്ങള്‍ പുറത്തുവിട്ടിരിക്കുകയാണ് ആരോഗ്യ പ്രതിരോധ മന്ത്രാലയം.

• പുതിയ വകഭേദം വ്യാപിക്കുന്ന പശ്ചാത്തലത്തില്‍ യാത്ര ചെയ്യുന്ന രാജ്യത്തെ കൊവിഡ് സാഹചര്യം വിലയിരുത്തുക.  അടിയന്തര ഘട്ടത്തില്‍ മാത്രം യാത്ര ചെയ്യുക.
•  പ്രായമായവര്‍, പ്രമേഹ രോഗികള്‍, ഹൃദയ സംബന്ധമായ അസുഖങ്ങളുള്ളവര്‍ എന്നിവര്‍ വൈറസ് പടരുന്ന സ്ഥലങ്ങളിലേക്കുള്ള യാത്ര ഒഴിവാക്കുക.
• നിര്‍ദ്ദേശിച്ച വാക്സിന്‍ ഡോസുകള്‍ പൂര്‍ത്തിയാക്കുക.

• കൈകള്‍ പതിവായി കഴുകുക(സോപ്പും വെള്ളവും അല്ലെങ്കില്‍ 70 ശതമാനം ആല്‍ക്കഹോള്‍ ഉള്ള സാനിറ്റൈസറുകള്‍ ഉപയോഗിക്കുക)
• മറ്റുള്ളവരുമായി ശാരീരിക അകലം പാലിക്കുക.
• തിരക്കേറിയ സ്ഥലങ്ങള്‍ ഒഴിവാക്കുക.
• അസുഖം തോന്നിയാല്‍ ഉടന്‍ ഡോക്ടറെ സമീപിക്കുക. 
• യാത്രകള്‍ക്കും ഒത്തുചേരലുകള്‍ക്കുമായി പ്രാദേശിക കൊവിഡ് മാര്‍ഗനിര്‍ദ്ദേശങ്ങള്‍ പാലിക്കുക.

• നിങ്ങളുടെ സുരക്ഷ ഉറപ്പാക്കാനും വൈറസ് പടരാതിരിക്കാനും പിസിആര്‍ പരിശോധന നടത്തുക.