പ്രവാസി വോട്ടുബില്‍: ശീതകാലസമ്മേളനത്തില്‍ തന്നെ പാസ്സായേക്കും

പ്രവാസി ബില്‍ നേരത്തെ ലോക്സസഭ പാസാക്കിയിരുന്നു. രാജ്യസഭ കൂടി ബില്‍ അംഗീകരിച്ചാല്‍ വരുന്ന ലോക്സഭാ തിരഞ്ഞെടുപ്പില്‍ കോടിക്കണക്കിന് പ്രവാസികള്‍ക്ക് വോട്ട് ചെയ്യാനുള്ള വഴിയൊരുങ്ങും. 

ദില്ലി: പ്രവാസികൾക്ക് വോട്ടവകാശം ഉറപ്പാക്കാനുള്ള ബില്ല് പാര്‍ലമെന്‍റിന്‍റെ ഈ ശീതകാല സമ്മേളനത്തിൽ തന്നെ രാജ്യസഭയിൽ കൊണ്ടുവരുമെന്ന് കേന്ദ്ര സര്‍ക്കാര്‍ സുപ്രീംകോടതിയെ അറിയിച്ചു. 

പ്രവാസി വോട്ടിനുള്ള ബില്ല് കഴിഞ്ഞ ഓഗസ്റ്റ് 5-ന് ലോക്സഭ പാസാക്കിയിരുന്നു. പകരക്കാരൻ വഴി പ്രവാസികൾക്ക് വോട്ടുചെയ്യാനുള്ള അവസരമാണ് ഇതിലൂടെ കിട്ടുക. ശീതകാല സമ്മേളനത്തിൽ രാജ്യസഭ പ്രവാസി വോട്ട് ബില്ല് പാസാക്കുകയാണെങ്കിൽ വരുന്ന ലോക്സഭ തെരഞ്ഞെടുപ്പിൽ പ്രവാസികൾക്ക് വോട്ടുരേഖപ്പെടുത്താനാകും.