ഖത്തറില് 32 ടണ് പഴകിയ ഭക്ഷ്യവസ്തുക്കള് പിടിച്ചെടുത്തു
Synopsis
ഈ ഔട്ട്ലറ്റുകളിലൊന്ന് ലൈസന്സ് ഇല്ലാതെയാണ് പ്രവര്ത്തിക്കുന്നതെന്ന് കണ്ടെത്തി. മുന്സിപ്പാലിറ്റിയുടെ ആരോഗ്യ, പൊതുശുചീകരണ വിഭാഗങ്ങള് സംയുക്തമായാണ് പരിശോധന നടത്തിയത്.
ദോഹ: ഖത്തറിലെ അല് വക്റ മുന്സിപ്പാലിറ്റി പരിധിയില് നടത്തിയ പരിശോധനയില് 32 ടണ് പഴകിയ ഭക്ഷ്യവസ്തുക്കള് പിടികൂടി. ബിര്കാത് അല് അവാമീര് മേഖലയില് ഒമ്പത് ഭക്ഷ്യ ഔട്ട്ലറ്റുകളിലായാണ് പരിശോധന നടത്തിയത്.
ഈ ഔട്ട്ലറ്റുകളിലൊന്ന് ലൈസന്സ് ഇല്ലാതെയാണ് പ്രവര്ത്തിക്കുന്നതെന്ന് കണ്ടെത്തി. മുന്സിപ്പാലിറ്റിയുടെ ആരോഗ്യ, പൊതുശുചീകരണ വിഭാഗങ്ങള് സംയുക്തമായാണ് പരിശോധന നടത്തിയത്. പിടിച്ചെടുത്ത പഴകിയ ഭക്ഷ്യവസ്തുക്കള് നശിപ്പിച്ചതായി അധികൃതര് അറിയിച്ചു.
ഒമാന് നിര്മ്മിത ബസുകളുടെ ആദ്യ ബാച്ച് ഖത്തറില്
ഖത്തറിലേക്ക് ലഹരിമരുന്ന് കടത്താന് ശ്രമം; പിടികൂടി കസ്റ്റംസ്
ദോഹ: ഖത്തറിലേക്ക് ലഹരിമരുന്ന് കടത്താനുള്ള ശ്രമം കസ്റ്റംസ് അധികൃതര് പരാജയപ്പെടുത്തി. എയര് കാര്ഗോ ആന്ഡ് പ്രൈവറ്റ് എയര്പോര്ട്ട്സ് കസ്റ്റംസിലെ പോസ്റ്റല് കണ്സൈന്മെന്റ്സ് കസ്റ്റംസ് വിഭാഗം ഉദ്യോഗസ്ഥരാണ് രാജ്യത്തേക്ക് കടത്താന് ശ്രമിച്ച ഷാബു പിടികൂടിയത്.
ബാഗുകളുടെ ഷിപ്പ്മെന്റില് ഒളിപ്പിച്ചാണ് ലഹരിമരുന്ന് കടത്താന് ശ്രമിച്ചത്. 508 ഗ്രാം ഷാബുവാണ് പിടിച്ചെടുത്തത്. പിടിച്ചെടുത്ത ലഹരിമരുന്നിന്റെ ചിത്രങ്ങള് കസ്റ്റംസ് സോഷ്യല് മീഡിയയില് പങ്കുവെച്ചിട്ടുണ്ട്.
കൊവിഡ് മുന്കരുതല് നിര്ദ്ദേശങ്ങള് ലംഘിച്ചു; ഖത്തറില് 364 പേര്ക്കെതിരെ കൂടി നടപടി
ദോഹ: ഖത്തറില് കൊവിഡ് നിയന്ത്രണങ്ങള് ലംഘിക്കുന്നവര്ക്കെതിരെ ആഭ്യന്തര മന്ത്രാലയം നടപടികള് ശക്തമാക്കുന്നത് തുടരുന്നു. നിയമം ലംഘിച്ച 364 പേര് കൂടി ബുധനാഴ്ച (ജൂലൈ 20) പിടിയിലായതായി അധികൃതര് അറിയിച്ചു. ഇവരില് 361 പേരെയും മാസ്ക് ധരിക്കാത്തതിനാണ് അധികൃതര് പിടികൂടിയത്.
മൊബൈലില് ഇഹ്തിറാസ് ആപ്ലിക്കേഷന് ഇല്ലാതിരുന്നതിന് മൂന്ന് പേരെയും അധികൃതര് പിടികൂടി. പിടിയിലായ എല്ലാവരെയും തുടര് നടപടികള്ക്കായി പ്രോസിക്യൂഷന് കൈമാറി. കൊവിഡ് നിയന്ത്രണങ്ങള് ലംഘിച്ചതിന്റെ പേരില് ഖത്തറില് ഇതുവരെ ആയിരക്കണക്കിന് ആളുകളെയാണ് ആഭ്യന്തര മന്ത്രാലയത്തിലെ ഉദ്യോഗസ്ഥര് പിടികൂടി പ്രോസിക്യൂഷന് കൈമാറിയിട്ടുള്ളത്.
ഇന്ത്യന് രൂപ എക്കാലത്തെയും താഴ്ന്ന നിരക്കില്; നേട്ടം ഉപയോഗപ്പെടുത്താന് പ്രവാസികളുടെ തിരക്ക്
ഏറ്റവും പുതിയ ക്യാബിനറ്റ് തീരുമാനം അനുസരിച്ച് അടച്ചിട്ട പൊതുസ്ഥലങ്ങളില് മാസ്ക് ധരിക്കണം. ആരോഗ്യ കേന്ദ്രങ്ങള്, ജോലിസ്ഥലം, പൊതുഗതാഗതം, പള്ളികള്, ജിമ്മുകള്, മാളുകള്, കടകള്, തിയേറ്ററുകള് എന്നിവ ഉള്പ്പെടെയുള്ള അടച്ചിട്ട പൊതുസ്ഥലങ്ങളില് മാസ്ക് നിര്ബന്ധമാണ്. ഈ തീരുമാനം ജൂലൈ 7 മുതല് നിലവില് വന്നു.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam, World Pravasi News, Keralites Abroad News, NRI Malayalis News ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ