ഖത്തർ റെയിലിന്‍റെ ‘ബാ​ക്ക് ടു ​സ്കൂ​ൾ’ രണ്ടാം പതിപ്പ് സെപ്റ്റംബർ രണ്ട് വരെ

ദോഹ ​മെട്രോയുടെ സ്പോർട് സിറ്റി സ്റ്റേഷനിലാണ് പരിപാടി നടക്കുന്നത്. ഓഗസ്റ്റ്‌ 19 ന് ആരംഭിച്ച ‘ബാ​ക്ക് ടു ​സ്കൂ​ൾ’ പരിപാടി സെപ്റ്റംബർ രണ്ടുവരെ തുടരും.

ദോഹ: ‘ബാ​ക്ക് ടു ​സ്കൂ​ൾ’ പ​രി​പാ​ടി​യുടെ ര​ണ്ടാം പ​തി​പ്പുമായി ഖ​ത്ത​ർ റെ​യി​ൽ. ഖത്തറിലെ സ്‌കൂൾ സപ്ലൈസ് റീട്ടെയിലർമാരുടെ പങ്കാളിത്തത്തോടെയാണ് ഖ​ത്ത​ർ റെ​യി​ൽ ‘ബാ​ക്ക് ടു ​സ്കൂ​ൾ’ പ​രി​പാ​ടി​ സം​ഘ​ടി​പ്പി​ക്കു​ന്നത്. ദോഹ ​മെട്രോയുടെ ഗോൾഡ് ലൈനിലെ സ്പോർട് സിറ്റി സ്റ്റേഷനിലാണ് പരിപാടി നടക്കുന്നത്. ഓഗസ്റ്റ്‌ 19 ന് ആരംഭിച്ച ‘ബാ​ക്ക് ടു ​സ്കൂ​ൾ’ പരിപാടി സെപ്റ്റംബർ രണ്ടുവരെ തുടരും.

മെ​ട്രോ സ്റ്റേ​ഷ​നു​ക​ളെ സ​ജീ​വ​മാ​യ ഇ​ട​ങ്ങ​ളാ​ക്കി നി​ല​നി​ർ​ത്താ​നും പൊ​തു​ജ​ന​ങ്ങ​ളു​മാ​യി കൂ​ടു​ത​ൽ ഇ​ട​പ​ഴ​കാ​നും പൊ​തു-​സ്വ​കാ​ര്യ മേ​ഖ​ല​യി​ലെ പ​ങ്കാ​ളി​ക​ളു​മാ​യി സ​ഹ​ക​ര​ണം മെ​ച്ച​പ്പെ​ടു​ത്താ​നും ല​ക്ഷ്യ​മി​ട്ട് ഖ​ത്ത​ർ റെ​യി​ൽ സം​ഘ​ടി​പ്പി​ക്കു​ന്ന ‘മെ​ട്രോ ഇ​വ​ന്റ്സ്’ പ​ര​മ്പ​ര​യു​ടെ ഭാ​ഗം കൂടിയാണ് ഈ ​പ​രി​പാ​ടി. ‘ബാ​ക്ക് ടു ​സ്കൂ​ൾ’ പ​രി​പാ​ടി​യോ​ട​നു​ബ​ന്ധി​ച്ച് കു​ട്ടി​ക​ൾ​ക്കും കു​ടും​ബ​ങ്ങ​ൾ​ക്കുമായി ഗെ​യി​മി​ങ് സോ​ൺ, പെ​യി​ന്റി​ങ്, ക​ള​റി​ങ്, ക​ലാ​പ​രി​പാ​ടി​ക​ൾ തു​ട​ങ്ങി​യ വിവിധ പ്ര​വ​ർ​ത്ത​ന​ങ്ങ​ൾ ഒ​രു​ക്കി​യി​ട്ടു​ണ്ട്.

കൂ​ടാ​തെ, ഉ​പ​ഭോ​ക്താ​ക്ക​ൾ​ക്ക് വി​ല​യേ​റി​യ സ​മ്മാ​ന​ങ്ങ​ൾ നേ​ടാ​ൻ അ​വ​സ​ര​മൊരുക്കി വി​വി​ധ മ​ത്സ​ര​ങ്ങ​ളും ന​ട​ത്തും. പൊ​തു​ജ​ന​ങ്ങ​ൾ​ക്കും ഉ​പ​ഭോ​ക്താ​ക്ക​ൾ​ക്കും പ്ര​ത്യേ​ക ഓ​ഫ​റു​ക​ളും പരിപാടിയിൽ ലഭ്യമാകും. പ്ര​വൃ​ത്തി ദി​വ​സ​ങ്ങ​ളി​ൽ വൈ​കു​ന്നേ​രം നാ​ലു​മു​ത​ൽ രാ​ത്രി എ​ട്ടു​വ​രെ​യും വാ​രാ​ന്ത്യ​ങ്ങ​ളി​ൽ വൈ​കു​ന്നേ​രം നാ​ലു​മു​ത​ൽ രാ​ത്രി ഒ​മ്പ​തു വ​രെ​യു​മാ​ണ് 'ബാക്ക് ടു സ്കൂൾ' പരിപാടി നടക്കുക. പ​രി​പാ​ടി​യുടെ ഭാഗമായി ഖ​ത്ത​ർ റെ​യി​ൽ 365 ദിവസം ഉപയോഗിക്കാവുന്ന പു​തി​യ മെ​ട്രോ​ പാ​സ് പ്ര​ഖ്യാ​പി​ച്ചിരുന്നു. 990 റി​യാ​ൽ വി​ല​യു​ള്ള ഈ ​വാ​ർ​ഷി​ക പാ​സി​ലൂ​ടെ ഖ​ത്ത​ർ റെ​യി​ൽ ഉ​പ​ഭോ​ക്താ​ക്ക​ൾ​ക്ക് ദോ​ഹ മെ​ട്രോ​യി​ലും ലു​സൈ​ൽ ട്രാമിലും പരിധിയില്ലാതെ യാ​ത്ര​ ചെ​യ്യാം.