Qatar Covid Report : ഖത്തറില് 311 പുതിയ കൊവിഡ് കേസുകള്, രണ്ടു മരണം
Synopsis
പുതിയതായി സ്ഥിരീകരിച്ച കൊവിഡ് കേസുകളില് 285 പേര്ക്ക് സമ്പര്ക്കത്തിലൂടെയും 26 പേര് വിദേശത്ത് നിന്ന് മടങ്ങിയെത്തിയവരാണ്. കൊവിഡ് ബാധിച്ച് പുതിയതായി രണ്ട് മരണങ്ങളാണ് റിപ്പോര്ട്ട് ചെയ്തത്.
ദോഹ: ഖത്തറില് (Qatar) 311 പേര്ക്ക് കൂടി കൊവിഡ്(covid) സ്ഥിരീകരിച്ചതായി പൊതുജനാരോഗ്യ മന്ത്രാലയം തിങ്കളാഴ്ച അറിയിച്ചു. ചികിത്സയിലായിരുന്ന 586 പേര് കൂടി രാജ്യത്ത് രോഗമുക്തി നേടി. ആകെ 3,53,139 പേരാണ് ഇതുവരെ രോഗമുക്തരായിട്ടുള്ളത്.
പുതിയതായി സ്ഥിരീകരിച്ച കൊവിഡ് കേസുകളില് 285 പേര്ക്ക് സമ്പര്ക്കത്തിലൂടെയും 26 പേര് വിദേശത്ത് നിന്ന് മടങ്ങിയെത്തിയവരാണ്. കൊവിഡ് ബാധിച്ച് പുതിയതായി രണ്ട് മരണങ്ങളാണ് റിപ്പോര്ട്ട് ചെയ്തത്. 670 പേരാണ് ഖത്തറില് ആകെ കൊവിഡ് ബാധിച്ച് മരിച്ചത്. ആകെ 3,56,982 പേര്ക്കാണ് രാജ്യത്ത് കൊവിഡ് സ്ഥിരീകരിച്ചിട്ടുള്ളത്.
നിലവില് 3,173 പേര് കൊവിഡ് ബാധിച്ച് ചികിത്സയിലുണ്ട്. 21,676 കൊവിഡ് പരിശോധനകള് കൂടി പുതിയതായി നടത്തി. ഇതുവരെ 3,374,531 കൊവിഡ് പരിശോധനകളാണ് ഖത്തറില് നടത്തിയിട്ടുള്ളത്. കഴിഞ്ഞ 24 മണിക്കൂറിനിടെ കൊവിഡ് ബാധിച്ച് ആരെയും തീവ്രപരിചരണ വിഭാഗത്തില് പ്രവേശിപ്പിച്ചിട്ടില്ല. നിലവില് 20 പേരാണ് തീവ്രപരിചരണ വിഭാഗങ്ങളില് കഴിയുന്നത്.
പ്രവാസി മലയാളി യുവാവിനെ താമസ സ്ഥലത്ത് മരിച്ച നിലയില് കണ്ടെത്തി
ദോഹ: ഖത്തറില് (Qatar) കൊവിഡ് നിയന്ത്രണങ്ങള്(Covid restricions) ലംഘിക്കുന്നവര്ക്കെതിരെ ആഭ്യന്തര മന്ത്രാലയം നടപടികള് ശക്തമാക്കുന്നത് തുടരുന്നു. നിയമം ലംഘിച്ച 409 പേര് കൂടി തിങ്കളാഴ്ച പിടിയിലായതായി അധികൃതര് അറിയിച്ചു. ഇവരില് 397 പേരെയും മാസ്ക് ധരിക്കാത്തതിനാണ് (Not wearing masks) അധികൃതര് പിടികൂടിയത്.
മൊബൈലില് ഇഹ്തിറാസ് ആപ്ലിക്കേഷന് ഇല്ലാതിരുന്നതിന് 12 പേരെയാണ് അധികൃതര് പിടികൂടിയത്. പിടിയിലായ എല്ലാവരെയും തുടര് നടപടികള്ക്കായി പ്രോസിക്യൂഷന് കൈമാറി. കൊവിഡ് നിയന്ത്രണങ്ങള് ലംഘിച്ചതിന്റെ പേരില് ഖത്തറില് ഇതുവരെ ആയിരക്കണക്കിന് ആളുകളെയാണ് ആഭ്യന്തര മന്ത്രാലയത്തിലെ ഉദ്യോഗസ്ഥര് പിടികൂടി പ്രോസിക്യൂഷന് കൈമാറിയിട്ടുള്ളത്.
ക്യാബിനറ്റ് തീരുമാനത്തിന് അനുസൃതമായാണ് നടപടി സ്വീകരിച്ചതെന്ന് അധികൃതര് അറിയിച്ചു. എല്ലാ പൊതുസ്ഥലങ്ങളിലും മാസ്ക് ധരിക്കണമെന്നത് രാജ്യത്ത് നിര്ബന്ധമാണ്. മാസ്ക് ധരിക്കാത്തതുമായി ബന്ധപ്പെട്ട നിയമലംഘനങ്ങള്ക്ക് സാംക്രമിക രോഗങ്ങള് തടയുന്നതിനുള്ള 1990ലെ 17-ാം നമ്പര് ഉത്തരവ് പ്രകാരമാണ് നടപടിയെടുക്കുക. ഇതുവരെ ആയിരക്കണക്കിന് പേരെയാണ് ഇത്തരത്തില് അധികൃതര് പിടികൂടി തുടര് നടപടികള്ക്കായി പ്രോസിക്യൂഷന് കൈമാറിയിട്ടുള്ളതെന്ന് ആരോഗ്യ മന്ത്രാലയം പുറത്തിറക്കിയ പ്രസ്താവനയില് അറിയിച്ചു.
മസ്കറ്റ് : കൊവിഡ് നിയന്ത്രണങ്ങളില് (Covid restrictions) കൂടുതല് ഇളവുകള് പ്രഖ്യാപിച്ച് ഒമാന്. ഒമാനിലേക്ക് വരുന്നവര്ക്ക് ഇനി മുതല് പിസിആര് പരിശോധന നടത്തേണ്ട ആവശ്യമില്ല. രാജ്യത്തേക്ക് വരുന്നവര്ക്കുള്ള ആര്ടി പിസിആര് പരിശോധന (PCR test) മാര്ച്ച് ഒന്നു മുതല് നിര്ബന്ധമില്ലെന്ന് കൊവിഡ് അവലോകന സുപ്രീം കമ്മറ്റി അറിയിച്ചു.
കൊവിഡ് വാക്സിന്റെ രണ്ട് ഡോസും സ്വീകരിച്ചവരെയാണ് പിസിആര് പരിശോധനയില് നിന്നൊഴിവാക്കിയത്. പൊതുസ്ഥലങ്ങളില് ഇനി മുതല് മാസ്ക് നിര്ബന്ധമല്ല. എന്നാല് അടച്ചിട്ട സ്ഥലങ്ങളില് നടത്തുന്ന പരിപാടികള്ക്ക് മാസ്ക് നിര്ബന്ധമാണ്. ഹോട്ടലുകള് 100 ശതമാനം ശേഷിയില് പ്രവര്ത്തിക്കാനുള്ള അനുമതിയും നല്കിയിട്ടുണ്ട്. മാര്ച്ച് ആറു മുതല് സ്കൂളുകളിലും കോളേജുകളിലും മുഴുവന് വിദ്യാര്ത്ഥികള്ക്കും നേരിട്ട് ക്ലാസുകളില് പങ്കെടുക്കാം. ഹാളുകളിലും മറ്റും നടക്കുന്ന എക്സിബിഷനുകള്ക്ക് മുന്പ് നിശ്ചയിച്ച പ്രകാരം 70 ശതമാനം ആളുകള്ക്ക് മാത്രമെ പ്രവേശനം അനുവദിക്കൂ.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam, World Pravasi News, Keralites Abroad News, NRI Malayalis News ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ