വരുന്നത് ലോകത്തിലെ ഏറ്റവും വലിയ സൗരോര്‍ജ നിലയം, നിര്‍മാണം തുടങ്ങാനൊരുങ്ങി ഖത്തർ

ക​ഴി​ഞ്ഞ വ​ർ​ഷം സെ​പ്റ്റം​ബ​റി​ലാണ് ഖ​ത്ത​ർ എ​ന​ർ​ജി സി.​ഇ.​ഒ​യും പ്ര​സി​ഡ​ന്റു​മാ​യ സ​അ്ദ് ശ​രീ​ദ അ​ൽ​ ക​അ്ബി​ ദുഖാന്‍ മെഗാ സൗരോര്‍ജ പദ്ധതി പ്രഖ്യാപിച്ചത്

ദോഹ: ലോകത്തിലെ ഏറ്റവും വലിയ സൗരോര്‍ജ പദ്ധതികളിലൊന്നായ ദുഖാന്‍ സൗരോര്‍ജ നിലയത്തിന്റെ നിര്‍മാണം ഈ വര്‍ഷം തുടങ്ങും. ഈ ​വ​ർ​ഷം അ​വ​സാ​ന​ത്തോ​ടെ 2000 മെ​ഗാ​വാ​ട്ട് ഉ​ൽ​പാ​ദ​ന ശേ​ഷി​യു​ള്ള ഭീ​മ​ൻ സൗ​രോ​ർ​ജ നി​ല​യ​ത്തി​ന്റെ നി​ർ​മാ​ണം ആ​രം​ഭി​ക്കു​മെ​ന്ന് ഖ​ത്ത​ർ ടി.​വി റി​പ്പോ​ർ​ട്ട് ചെ​യ്തു. ക​ഴി​ഞ്ഞ വ​ർ​ഷം സെ​പ്റ്റം​ബ​റി​ലാണ് ഖ​ത്ത​ർ എ​ന​ർ​ജി സി.​ഇ.​ഒ​യും പ്ര​സി​ഡ​ന്റു​മാഗ​യ സ​അ്ദ് ശ​രീ​ദ അ​ൽ​ ക​അ്ബി​ ദുഖാന്‍ മെഗാ സൗരോര്‍ജ പദ്ധതി പ്രഖ്യാപിച്ചത്.

ലോകത്തിലെ ഏറ്റവും വലിയ സൗരോർജ പദ്ധതികളിലൊന്നായി കണക്കാക്കപ്പെടുന്ന പദ്ധതി ഖത്തറിന്റെ സൗരോർജ ഉൽപാദന ശേഷി ഗണ്യമായി ഉയര്‍ത്തും. പദ്ധതി പൂര്‍ത്തിയാകുന്നതോടെ പ്രതിവര്‍ഷ ഉല്‍പാദന ശേഷി ഇരട്ടിയാക്കി ഉൽപാദനം 4000 മെഗാവാട്ടായി വർധിപ്പിക്കും. പ്ര​തി​വ​ർ​ഷം 47 ല​ക്ഷം ട​ണ്ണി​ല​ധി​കം കാ​ർ​ബ​ൺ ഡൈ ​ഓ​ക്‌​സൈ​ഡ് പു​റ​ന്ത​ള്ള​പ്പെ​ടു​ന്ന​ത് കു​റ​ക്കാ​ൻ ഇ​തി​ലൂ​ടെ സാ​ധി​ക്കും. ഖ​ത്ത​റി​ന്റെ ഊ​ർ​ജ പ​രി​വ​ർ​ത്ത​ന​ത്തി​ലും വൈ​ദ്യു​തി ഉ​ൽ​പാ​ദ​നം വൈ​വി​ധ്യ​വ​ത്ക​രി​ക്കാ​നു​ള്ള നീ​ക്ക​ങ്ങ​ളി​ലും ദുഖാന്‍ സൗരോര്‍ജ നിലയം വ​ലി​യ പ​ങ്കു​വ​ഹി​ക്കു​മെ​ന്നാ​ണ് പ്ര​തീ​ക്ഷി​ക്കു​ന്ന​ത്. 

2030ഓടെ ഖത്തറിന്റെ ആകെ വൈദ്യുതി ഉൽപാദന ശേഷിയുടെ 30 ശതമാനവും സൗരോര്‍ജമാക്കുകയാണ് ഖത്തറിന്റെ ലക്ഷ്യം. 230 കോടി റിയാൽ നിക്ഷേപത്തിൽ 875 മെഗാവാട്ട് ശേഷിയുള്ള രണ്ട് കൂറ്റൻ സൗരോർജ നിലയങ്ങൾ മിസൈദിലും റാസ് ലഫാനിലുമായി ഈ ഏപ്രിൽ മാസത്തോടെ പ്രവർത്തനമാരംഭിക്കുമെന്ന് അധികൃതർ നേരത്തെ അറിയിച്ചിരുന്നു. 

ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം