ദുബൈ- അൽ ഐൻ റോഡിൽ പുതിയ എക്സിറ്റ്, നവീകരണ പ്രവർത്തനങ്ങളുമായി ആർടിഎ

അൽ ഐൻ സിറ്റിയിലേക്കും ദുബൈയിലേക്കുമുള്ള ​ഗതാ​ഗതം കൂടുതൽ മെച്ചപ്പെടുന്നതിന്റെ ഭാ​ഗമായാണ് ഈ നടപടി. 

ദുബൈ : ​ഗതാ​ഗതം മെച്ചപ്പെടുത്തുന്നതിന്റെ ഭാ​ഗമായി ദുബൈ- അൽ ഐൻ റോഡിൽ നവീകരണ പ്രവർത്തനങ്ങൾ നടത്തി റോഡ് ​ഗതാ​ഗത അതോറിറ്റി. ഇതിന്റെ ഭാ​ഗമായി പുതിയ എക്സിറ്റ് രൂപകൽപ്പന ചെയ്തിട്ടുണ്ട്. കൂടാതെ രണ്ട് ലെയ്നുകളും ഒരു റൗണ്ട് എബൗട്ടും അവതരിപ്പിച്ചിട്ടുണ്ട്. അൽ ഫഖ ഏരിയക്ക് മുൻപുള്ള യു ടേൺ ടണലിലേക്കുള്ള എക്സിറ്റ് 58ലാണ് പുതുതായി ഒരു എക്സിറ്റ് കൂടി കൊണ്ടുവന്നത്. അൽ ഐൻ സിറ്റിയിലേക്കും ദുബൈയിലേക്കുമുള്ള ​ഗതാ​ഗതം കൂടുതൽ മെച്ചപ്പെടുന്നതിന്റെ ഭാ​ഗമായാണ് ഈ നടപടി. 

റോഡ് ​ഗതാ​ഗതം സു​ഗമമാക്കുന്നതിന്റെയും റോഡ് സുരക്ഷ വർധിപ്പിക്കുന്നതിന്റെയും ഭാ​ഗമായാണ് നവീകരണ പ്രവർത്തനങ്ങൾ നടത്തുന്നതെന്ന് റോഡ് ​ഗതാ​ഗത അതോറിറ്റി അധികൃതർ അറിയിച്ചു. ദുബൈ ന​ഗരത്തിന്റെ വികസന ഭാ​ഗമായി കൂടുതൽ ​ഗതാ​ഗത പരിഷ്കരണങ്ങൾ നടത്താൻ ആർടിഎ പ്രതിജ്ഞാബദ്ധമാണെന്നും ട്രാഫിക് ആൻഡ് റോഡ്സ് ഏജൻസിയിലെ റോഡ്സ് ഡയറക്ടർ ഹമദ് അൽ ഷെഹി പറഞ്ഞു.