ഉപഭോക്താക്കൾക്ക് യാതൊരു വിധത്തിലുള്ള അധിക ബാധ്യതയും ഇല്ലാതെയാണ് ഈ പദ്ധതി നടപ്പിലാക്കുന്നത് എന്നതും ഇതിനെ വ്യത്യസ്തമാക്കുന്നു. സ്വപ്നങ്ങളും പ്രതീക്ഷകളുമായി കടൽ കടന്നെത്തിയ പ്രവാസി സമൂഹത്തിനും അവരുടെ കുടുംബങ്ങൾക്കും ആശ്വാസമേകുക എന്നതാണ് ഈ പദ്ധതിയിലൂടെ സഫാരി ലക്ഷ്യമിടുന്നത്.
ഷാര്ജ: ലോയൽറ്റി കാർഡ് അംഗങ്ങളായ ഉപഭോക്താക്കൾക്കായി വമ്പൻ ലൈഫ് ഇൻഷുറൻസ് പദ്ധതി പ്രഖ്യാപിച്ച് സഫാരി ഗ്രൂപ്പ്. ഒരു ലക്ഷം ഉപഭോക്താക്കൾക്ക് അഞ്ച് ബില്യൺ ദിര്ഹത്തിന്റെ കവറേജ് ലഭ്യമാവുന്ന പദ്ധതിയാണ് നടപ്പിലാക്കുന്നത്. ജിസിസിയിൽ തന്നെ ആദ്യമായാണ് ഒരു റീട്ടെയില് ഗ്രൂപ്പ് ഇത്തരത്തിലൊരു പദ്ധതി നടപ്പിലാക്കുന്നത്.
കൊവിഡ് ബാധിച്ചുള്ള മരണത്തിന് ഉൾപ്പെടെ കവറേജ് ലഭിക്കുമെന്നതാണ് സഫാരി നടപ്പിലാക്കുന്ന പദ്ധതിയുടെ പ്രധാന സവിശേഷത. ഉപഭോക്താക്കൾക്ക് യാതൊരു വിധത്തിലുള്ള അധിക ബാധ്യതയും ഇല്ലാതെയാണ് ഈ പദ്ധതി നടപ്പിലാക്കുന്നത് എന്നതും ഇതിനെ വ്യത്യസ്തമാക്കുന്നു. സ്വപ്നങ്ങളും പ്രതീക്ഷകളുമായി കടൽ കടന്നെത്തിയ പ്രവാസി സമൂഹത്തിനും അവരുടെ കുടുംബങ്ങൾക്കും ആശ്വാസമേകുക എന്നതാണ് ഈ പദ്ധതിയിലൂടെ സഫാരി ലക്ഷ്യമിടുന്നത്.
തനിക്കെന്തെങ്കിലും സംഭവിച്ചാൽ കുടുംബത്തിന്റെയും തന്നെ ആശ്രയിക്കുന്നവരുടെയും അവസ്ഥ എന്തായിരിക്കുമെന്ന ചിന്തയിൽ നീറുന്നവരാണ് ഭൂരിഭാഗം പേരും. കൊവിഡ് ഉൾപ്പെടെയുള്ള പ്രതിസന്ധികൾ അത്തരം ചിന്തകളെ ബലപ്പെടുത്തുകയാണ് ചെയ്യുന്നത്. സന്നദ്ധ സംഘടനകളുടെയും സുഹൃത്തുക്കളുടെയുമൊക്കെ പരിശ്രമങ്ങളിലാണ് പലപ്പോഴും ഇത്തരത്തിലുള്ള പ്രതിസന്ധികളെ താൽക്കാലികമായെങ്കിലും മറികടക്കാൻ പ്രവാസി സമൂഹത്തിന് കഴിയുന്നത്. ഈയൊരു സാഹചര്യത്തിലാണ് ഇത്തരത്തിൽ ഒരു പദ്ധതി നടപ്പിലാക്കാൻ സഫാരി തീരുമാനിച്ചത്.}
നിലവിൽ ഉപഭോക്താവിന് ലഭിച്ചു കൊണ്ടിരിക്കുന്ന ഓഫറുകളിലും പ്രൊമോഷനുകളിലും ഒരു കുറവും വരുത്താതെ ഉപഭോക്താവിൽ നിന്ന് അധികമായി ഒരു പൈസയും സ്വീകരിക്കാതെ ഈ പദ്ധതി നടപ്പിൽ വരുത്താൻ സാധിച്ചതില് അഭിമാനമുണ്ടെന്ന് സഫാരി അധികൃതര് അറിയിച്ചു. ഗോൾഡ്, സിൽവർ എന്നിങ്ങനെ 2 പ്ലാനുകളാണ് ഉണ്ടാവുക. ഗോൾഡ് പ്ലാനിൽ അംഗങ്ങളാവുന്നവർക്ക് 1,00,000 ദിര്ഹത്തിന്റെ കവറേജൂം സിൽവർ പ്ലാനിൽ അംഗങ്ങളാവുന്നവർക്ക് 50,000 ദിര്ഹത്തിന്റെ കവറേജുമാണ് ലഭിക്കുക. ഏത് പ്ലാനിൽ രജിസ്റ്റർ ചെയ്തവർക്കും മൃതദേഹം നാട്ടിലേയ്ക്കുന്നതിനായി 10,000 ദിർഹം വരെയും ലഭിക്കും.
ഗോൾഡ് പ്ലാൻ
സിൽവർ പ്ലാൻ
പൊതുവായ വിവരങ്ങൾ
ചടങ്ങിൽ വെച്ച് സഫാരി ക്ലബ് കാർഡിന്റെ ഔദ്യോഗിക ലോഞ്ചിങ് നടത്തി. സഫാരി ഗ്രൂപ്പ് ചെയർമാൻ അബൂബക്കർ മടപ്പാട്ട്, മാനേജിങ് ഡയറക്ടർ സൈനുൽ ആബിദീൻ കെഎംസിസി യു.എ.ഇ പ്രസിഡന്റ് പുത്തൂർ റഹ്മാൻ ദുബായ് പ്രസിഡന്റ് ഇബ്രാഹിം
എളേറ്റിൽ എന്നിവർ ചേർന്ന് നിർവഹിച്ചു. മൈ സഫാരി ലൈഫ് ഇൻഷുറൻസിന്റെ ഔദ്യോഗിക ലോഞ്ചിങ് സഫാരി ഗ്രൂപ്പ് ചെയർമാൻ അബൂബക്കർ മടപ്പാട്ട്, മാനേജിങ് ഡയറക്ടർ സൈനുൽ ആബിദീൻ ഷാർജ ഇന്ത്യൻ അസോസിയേഷന് വേണ്ടി പ്രസിഡന്റ് ഇ.പി ജോൺസൻ അഷ്റഫ് താമരശ്ശേരി എന്നിവർ ചേർന്ന് നിർവഹിച്ചു
സഫാരി ഹ്യുമാനിറ്റേറിയന് അവാര്ഡ് 2020
കച്ചവട താത്പര്യങ്ങൾക്കപ്പുറത്തേക്ക് കലാ കായിക സാംസ്കാരിക രംഗത്തും സേവന രംഗത്തും സഫാരി അടയാളപ്പെടുത്തലുകൾ നടത്തിയിട്ടുണ്ട്. അതിന്റെ ഭാഗമാണ് സഫാരി ഹ്യുമാനിറ്റേറിയന് അവാര്ഡ് 2020.
കോവിഡ് എന്ന മഹാമാരിക്ക് മുന്നിൽ ലോകം പതറിയപ്പോൾ മുന്നിൽ നിന്ന് പൊരുതിയവർ. കടലിനക്കരെ മരണം സംഭവിച്ചു
എന്ന ഒറ്റക്കാരണത്താൽ മൃത ദേഹം പോലും കാണാൻ കഴിയാതിരുന്ന നിസ്സഹായതക്ക് മുന്നിലേക്ക് ആർദ്രതയുടെയും മനുഷ്യ സ്നേഹത്തിന്റെയും ആൾരൂപങ്ങളായി കടന്നു വന്നവർ. ഇവരെ സഫാരി അടയാളപ്പെടുത്തേണ്ടതുണ്ട് എന്ന തീരുമാനത്തിൽ നിന്ന് കൂടിയാണ് ഈ അവാർഡ്.
അവാർഡിന് അർഹരായവർ
യു.എ.ഇ കെഎംസിസിക്ക് വേണ്ടി പ്രസിഡന്റ് പുത്തൂർ റഹ്മാൻ ദുബായ് പ്രസിഡന്റ് ഇബ്രാഹിം എളേറ്റിൽ എന്നിവർ ചേർന്ന് അവാർഡ് സ്വീകരിച്ചു. ഷാർജ ഇന്ത്യൻ അസോസിയേഷന് വേണ്ടി പ്രസിഡന്റ് ഇ.പി ജോൺസൻ ജനറൽ സെക്രെട്ടറി അബ്ദുല്ല മല്ലശേരി എന്നിവരും അവാർഡ് സ്വീകരിച്ചു. ഇതിന് പുറമെ അഷ്റഫ് താമരശ്ശേരി, ഈസ അനീസ്, നസീർ വാടാനപ്പള്ളി എന്നിവരും അവാര്ഡ് ഏറ്റുവാങ്ങി.
സഫാരി ഗ്രൂപ്പ് ചെയർമാൻ അബൂബക്കർ മടപ്പാട്ട് അവാർഡിന് അര്ഹരായവരെ പൊന്നാട അണിയിച്ചു. മാനേജിങ് ഡയറക്ടർ സൈനുൽ ആബിദീൻ മൊമെന്റോ കൈമാറി.
വാര്ത്താ സമ്മേളനത്തില് സഫാരി ഗ്രൂപ്പ് ചെയർമാൻ അബൂബക്കർ മടപ്പാട്ട്, മാനേജിങ് ഡയറക്ടർ സൈനുൽ ആബിദീൻ, എക്സിക്യൂട്ടീവ്
ഡയറക്ടർ ഷമീം ബക്കർ റീജിയണൽ ഡയറക്ടർ ബി.എം കാസിം എന്നിവർ പങ്കെടുത്തു.