കേരളത്തിലേക്കുള്ള സര്വീസ് തീയതി പ്രഖ്യാപിച്ച് ബജറ്റ് എയര്ലൈന്, ടിക്കറ്റ് ബുക്കിങ് തുടങ്ങി
Synopsis
ഒമാന്റെ ബജറ്റ് എയര്ലൈനായ സലാം എയര് ഇന്ത്യയിലേക്ക് സര്വീസുകള് പുനരാരംഭിക്കുന്നതായി പ്രഖ്യാപിച്ചിരുന്നു.
മസ്കറ്റ്: ബജറ്റ് എയര്ലൈനായ സലാം എയറിന്റെ മസ്കറ്റ്-തിരുവനന്തപുരം സര്വീസ് ജനുവരി മൂന്ന് മുതല് ആരംഭിക്കും. ആഴ്ചയില് രണ്ട് സര്വീസുകളായിരിക്കും ഉണ്ടാകുക.
ബുധന്, ഞായര് ദിവസങ്ങളില് മസ്കറ്റില് നിന്ന് രാത്രി 10.15ന് പുറപ്പെടുന്ന വിമാനം പുലര്ച്ചെ 3.25ന് തിരുവനന്തപുരത്തെത്തും. ഏഴ് കിലോ ഹാന്ഡ് ബാഗും 20 കിലോ ചെക്ക് ഇന് ലഗേജും കൊണ്ടുപോകാന് കഴിയും. ഏഴ് റിയാല് അധികം നല്കിയാല് ചെക്ക് ഇന് ലഗേജ് 30 കിലോ ആക്കി ഉയര്ത്താനും കഴിയും. 66.20 റിയാലാണ് ടിക്കറ്റ് നിരക്ക്. തിരുവനന്തപുരത്ത് നിന്ന് മസ്കറ്റിലേക്ക് തിങ്കള്, വ്യാഴം ദിവസങ്ങളിലായിരിക്കും സര്വീസ്. പുലര്ച്ചെ 4.10ന് പുറപ്പെടുന്ന വിമാനം രാവിലെ 6.30ന് മസ്കറ്റിലെത്തും. 115.50 റിയാലാണ് ടിക്കറ്റ് നിരക്ക്. ടിക്കറ്റ് ബുക്കിങ് ആരംഭിച്ചു.
ഒമാന്റെ ബജറ്റ് എയര്ലൈനായ സലാം എയര് ഇന്ത്യയിലേക്ക് സര്വീസുകള് പുനരാരംഭിക്കുന്നതായി പ്രഖ്യാപിച്ചിരുന്നു. അഞ്ച് ഇന്ത്യന് നഗരങ്ങളിലേക്കാണ് സര്വീസുകള് പ്രഖ്യാപിച്ചത്. തിരുവനന്തപുരം, കോഴിക്കോട്, ഹൈദരാബാദ്, ജയ്പൂര്, ലഖ്നൗ എന്നിവിടങ്ങളിലേക്കാണ് സര്വീസുകള് പുനരാരംഭിക്കുന്നത്. ഒമാനിലെ സിവില് ഏവിയേഷന് അതോറിറ്റിയുടെ പിന്തുണയും ഒമാന് എയറുമായുള്ള സഹകരണവുമാണ് ഇന്ത്യന് സെക്ടറിലേക്ക് സര്വീസുകള് പുനരാരംഭിക്കാന് സഹായിച്ചതെന്ന് സലാം എയര് പ്രസ്താവനയില് അറിയിച്ചു. ഒക്ടോബര് ഒന്നു മുതലാണ് സലാം എയര് ഈ സെക്ടറില് സര്വീസുകള് റദ്ദാക്കിയത്.
Read Also - ചരിത്രം ആവർത്തിച്ചു, വരനും വധുവും 'എയറില്'! മൂന്ന് മണിക്കൂർ, 30,000 അടി ഉയരെ, വൈറലായി വിവാഹ വീഡിയോ
201 പ്രവാസികള്ക്ക് പൗരത്വം അനുവദിച്ച് ഒമാന്
മസ്കറ്റ്: 201 പ്രവാസികള്ക്ക് പൗരത്വം അനുവദിച്ച് ഒമാന്. ഒമാന് ഭരണാധികാരി സുല്ത്താന് ഹൈതം ബിന് താരിഖാണ് ഉത്തരവ് പുറപ്പെടുവിച്ചത്. വിവിധ രാജ്യക്കാരായ 201 പ്രവാസികള്ക്കാണ് പൗരത്വം ലഭിച്ചത്. പൗരത്വം ലഭിച്ചവരെ കുറിച്ചുള്ള കൂടുതല് വിവരങ്ങള് അധികൃതര് പുറത്തുവിട്ടിട്ടില്ല.
600 റിയാലാണ് പൗരത്വത്തിന് അപേക്ഷ സമര്പ്പിക്കുന്നതിനുള്ള നിരക്ക്. സ്വദേശികളുടെ ഭാര്യമാര്ക്കോ മുന് ഭാര്യമാര്ക്കോ ഒമാന് പൗരത്വം ലഭിക്കുന്നതിന് 300 റിയാല് നല്കിയാല് മതിയാകും. കുട്ടികള്ക്കും 300 റിയാല് അടയ്ക്കണം. അപേക്ഷിക്കുന്നവര് ഒമാനില് ജോലി ചെയ്യുന്നതായി തെളിയിക്കുന്ന രേഖകള് ഹാജരാക്കണം. അപേക്ഷകനെതിരെ നേരത്തെ യാതൊരു തരത്തിലുമുള്ള നിയമ നടപടികള് ഉണ്ടായിട്ടില്ലെന്നും തെളിയിക്കണം. അപേക്ഷ നല്കുമ്പോള് മെഡിക്കല് റിപ്പോര്ട്ടടക്കം 12 തരം രേഖകളും സമര്പ്പിക്കണം. ഒമാനി പൗരത്വം ലഭിക്കുന്ന വിദേശികളുടെ കുട്ടികള്ക്കും ആറ് മാസത്തിനകം പൗരത്വം ലഭിക്കും.
അപേക്ഷ സമര്പ്പിക്കുന്ന വിദേശികള്ക്ക് അറബിക് ഭാഷാ എഴുത്ത് പരീക്ഷയുണ്ടാകും. പരീക്ഷയില് പരാജയപ്പെട്ടാല് ആറ് മാസത്തിന് ശേഷം വീണ്ടും എഴുതാം. ഇങ്ങനെ നാലു തവണ വരെ പരീക്ഷ എഴുതാനാകും. പൗരത്വം ലഭിക്കുന്ന വിദേശികള്ക്ക് ആറു മാസത്തിലേറെ രാജ്യത്തിന് പുറത്ത് തുടര്ച്ചയായി കഴിയാനാകില്ല. മന്ത്രാലയത്തിന്റെ പ്രത്യേക അനുമതിയും വേണം.
ഏഷ്യാനെറ്റ് ന്യൂസ് ലൈവ് യൂട്യൂബില് കാണാം...
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam, World Pravasi News, Keralites Abroad News, NRI Malayalis News ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ