കോഴിക്കോട് നിന്ന് സര്വീസ് പുനരാരംഭിക്കാനൊരുങ്ങി സൗദി എയര്ലൈന്സ്
Synopsis
2015ല് സര്വീസ് അവസാനിപ്പിച്ച ശേഷം ഇപ്പോഴാണ് വീണ്ടും ഈ സെക്ടറിലേക്ക് സൗദിയ സര്വീസ് നടത്താനൊരുങ്ങുന്നത്.
റിയാദ്: കോഴിക്കോട് വിമാനത്താവളത്തില് നിന്ന് സര്വീസ് പുനരാരംഭിക്കാനൊരുങ്ങി സൗദി എയര്ലൈന്സ്. ഒമ്പത് വര്ഷത്തെ കാത്തിരിപ്പിന് ശേഷമാണ് സൗദി എയര്ലൈന്സ് കോഴിക്കോട് നിന്നും സൗദി അറേബ്യയിലേക്ക് വീണ്ടും സര്വീസ് നടത്താന് ഒരുങ്ങുന്നത്.
ഡിസംബര് ആദ്യ വാരത്തില് റിയാദില് നിന്നുള്ള സര്വീസ് തുടങ്ങും. സൗദിയയുടെ ഉന്നത ഉദ്യോഗസ്ഥ സംഘവുമായി എയർപോർട്ട് അഡൈ്വസറി കമ്മിറ്റി ചെയർമാനായ ഇടി മുഹമ്മദ് ബഷീർ എംപി നടത്തിയ ചർച്ചയിലാണ് തീരുമാനമുണ്ടായത്. ഡിസംബർ ആദ്യവാരത്തിൽ റിയാദിലേക്കുള്ള സർവീസ് ആരംഭിക്കും. സൗദി എയർലൈൻസിന്റെ ഇന്ത്യയുടെ നേൽനോട്ടമുള്ള റീജനൽ ഓപ്പറേഷൻ മാനേജർ ആദിൽ മാജിദ് അൽഇനാദാണ് ഇക്കാര്യം അറിയിച്ചത്.
Read Also - കൂടുതല് ഇന്ത്യക്കാര്ക്ക് ഓണ് അറൈവല് വിസ; പുതിയ തീരുമാനം അറിയിച്ച് യുഎഇ
20 ബിസിനസ് ക്ലാസ് സീറ്റുകളും, 160 ഇക്കണോമി സീറ്റുകളുമുള്ള വിമാനമായിരിക്കും ഈ സര്വീസിന് ഉപയോഗിക്കുക. 2015ലാണ് വലിയ വിമാനങ്ങള്ക്ക് നിയന്ത്രണം ഏര്പ്പെടുത്തിയതോടെ സൗദിയ സര്വീസ് നിര്ത്തിയത്. ബെംഗളൂരു, ചെന്നൈ,മുംബൈ,ദില്ലി, ഹൈദരാബാദ്, ലക്നൗ, തിരുവന്തപുരം, കൊച്ചി എന്നീ സെക്ടറുകളിലേക്ക് നിലവിൽ സൗദിയ സർവീസ് നടത്തുന്നുണ്ട്.
ഏഷ്യാനെറ്റ് ന്യൂസ് ലൈവ് യുട്യൂബിൽ കാണാം
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam