Saudi Covid Report: സൗദി അറേബ്യയിൽ കൊവിഡ് ബാധിച്ച് മൂന്ന് മരണം; 627 പേർക്ക് കൂടി രോഗം സ്ഥിരീകരിച്ചു

രോഗബാധിതരിൽ 15,480 പേരാണ് ചികിത്സയിൽ കഴിയുന്നത്. ഇതിൽ 744 പേരുടെ നില ഗുരുതരം. ഗുരുതരനിലയിലുള്ളവർ രാജ്യത്തെ വിവിധ ആശുപത്രികളിൽ തീവ്രപരിചരണ വിഭാഗത്തിലാണ്. ബാക്കിയുള്ളവരുടെ നില തൃപ്തികരമാണ്. 

റിയാദ്: സൗദി അറേബ്യയിൽ (Saudi Arabia) കൊവിഡ് ബാധിച്ച് മൂന്ന് മരണം കൂടി (Covid Death) റിപ്പോർട്ട് ചെയ്തു. 24 മണിക്കൂറിനിടെ 627 പേർക്കാണ് പുതുതായി കോവിഡ് സ്ഥിരീകരിച്ചത് (New covid cases). നിലവിലെ രോഗികളിൽ 1,880 പേർ സുഖം പ്രാപിച്ചതായി (Covid Recovery) ആരോഗ്യ മന്ത്രാലയം (Ministry of Health) അറിയിച്ചു. 

രാജ്യത്ത് ഇതുവരെ റിപ്പോർട്ട് ചെയ്ത ആകെ കേസുകളുടെ എണ്ണം 7,41,864 ആയി. ആകെ രോഗമുക്തരുടെ എണ്ണം 7,17,394 ആയി ഉയർന്നു. ആകെ മരണസംഖ്യ 8,990 ആയി.  രോഗബാധിതരിൽ 15,480 പേരാണ് ചികിത്സയിൽ കഴിയുന്നത്. ഇതിൽ 744 പേരുടെ നില ഗുരുതരം. ഗുരുതരനിലയിലുള്ളവർ രാജ്യത്തെ വിവിധ ആശുപത്രികളിൽ തീവ്രപരിചരണ വിഭാഗത്തിലാണ്. ബാക്കിയുള്ളവരുടെ നില തൃപ്തികരമാണ്. രാജ്യത്തെ കൊവിഡ് മുക്തി നിരക്ക് 96.70 ശതമാനവും മരണനിരക്ക് 1.21 ശതമാനവുമായി. 24 മണിക്കൂറിനിടെ 60,917 ആർ.ടി-പി.സി.ആർ പരിശോധനകൾ നടത്തി. 

റിയാദ് - 162, ജിദ്ദ - 58, ദമ്മാം - 55, അബഹ - 28, മദീന - 21, ഹുഫൂഫ് - 21, മക്ക - 18, ഹായിൽ - 18 എന്നിങ്ങനെയാണ് രാജ്യത്തെ വിവിധ ഭാഗങ്ങളിൽ പുതിയ കൊവിഡ് കേസുകൾ റിപ്പോർട്ട് ചെയ്തത്. രാജ്യത്ത് ഇതുവരെ 6,04,38,564 ഡോസ് വാക്സിൻ കുത്തിവെച്ചു. ഇതിൽ 2,58,91,139 ആദ്യ ഡോസും 2,41,02,023 രണ്ടാം ഡോസും 1,04,45,402 ബൂസ്റ്റർ ഡോസുമാണ്.

അബുദാബി: യുഎഇയില്‍ (UAE) പുതിയ കൊവിഡ് (Covid 19) രോഗികളുടെ എണ്ണം കുറയുന്നു. ഇന്ന് 740 പേര്‍ക്ക് കൂടി കൊവിഡ് വൈറസ് ബാധ സ്ഥിരീകരിച്ചതായി (New covid infections) ആരോഗ്യ - പ്രതിരോധ മന്ത്രാലയം (Ministry of Health and Prevention) അറിയിച്ചു. കഴിഞ്ഞ 24 മണിക്കൂറിനിടെ ചികിത്സയിലായിരുന്ന 1,956 പേരാണ് രോഗമുക്തരായത് (Covid recoveries). രാജ്യത്ത് കൊവിഡ് ബാധിച്ച് ഒരു  മരണം കൂടി (covid deaths) റിപ്പോര്‍ട്ട് ചെയ്യപ്പെട്ടു. 

കഴിഞ്ഞ 24 മണിക്കൂറിനിടെ നടത്തിയ 4,61,925 കൊവിഡ് പരിശോധനകളില്‍ നിന്നാണ് പുതിയ രോഗികളെ കണ്ടെത്തിയത്. ഇതുവരെയുള്ള കണക്കുകള്‍ പ്രകാരം ആകെ  8,76,624 പേര്‍ക്ക് യുഎഇയില്‍ കൊവിഡ് വൈറസ് ബാധ സ്ഥിരീകരിച്ചിട്ടുണ്ട്. ഇവരില്‍  8,24,971 പേര്‍ ഇതിനോടകം തന്നെ രോഗമുക്തരായി. 2,298 പേരാണ് രാജ്യത്ത് ആകെ കൊവിഡ് ബാധിച്ച് മരണപ്പെട്ടത്. നിലവില്‍ രാജ്യത്ത് 49,355 കൊവിഡ് രോഗികളാണ് ചികിത്സയിലുള്ളത്.