സൗദി അറേബ്യയിൽ ഇന്ന് 1072 പേർക്ക് കൊവിഡ്; ഒന്‍പത് മരണം

വിവിധ ആശുപത്രികളിലും മറ്റുമായി ഇപ്പോള്‍ 9,847 പേർ ചികിത്സയിലുണ്ട്. ഇവരിൽ 1,224 പേരുടെ നില ഗുരുതരമാണ്. ചികിത്സയിൽ കഴിയുന്ന ബാക്കിയുള്ളവരുടെ ആരോഗ്യനില തൃപ്തികരമാണ്. 

റിയാദ്: സൗദി അറേബ്യയിൽ ഇന്ന് 1072 പേർക്ക് പുതുതായി കൊവിഡ് ബാധ സ്ഥിരീകരിച്ചു. 858 പേർ രോഗമുക്തി നേടി. രാജ്യത്ത് വിവിധ ഭാഗങ്ങളിലായി ഒന്‍പത് പേർ കൂടി മരിച്ചു. രാജ്യത്ത് ആകെ റിപ്പോർട്ട് ചെയ്ത കൊവിഡ് കേസുകളുടെ എണ്ണം 4,11,263 ആയി. ഇതിൽ 3,94,529 പേർ രോഗമുക്തരായി. ആകെ മരണസംഖ്യ 6,887 ആയി. 

വിവിധ ആശുപത്രികളിലും മറ്റുമായി ഇപ്പോള്‍ 9,847 പേർ ചികിത്സയിലുണ്ട്. ഇവരിൽ 1,224 പേരുടെ നില ഗുരുതരമാണ്. ചികിത്സയിൽ കഴിയുന്ന ബാക്കിയുള്ളവരുടെ ആരോഗ്യനില തൃപ്തികരമാണ്. രാജ്യത്തെ കൊവിഡ് മുക്തി നിരക്ക് 96 ശതമാനമായി. മരണനിരക്ക് 1.7 ശതമാനവുമായി തുടരുന്നു. ഇന്ന് റിപ്പോർട്ട് ചെയ്ത കോവിഡ് കേസുകളിൽ ഏറ്റവും കൂടുതൽ റിയാദ് മേഖലയിലാണ്. 

വിവിധ മേഖലകളിൽ പുതുതായി റിപ്പോർട്ട് ചെയ്ത രോഗികളുടെ എണ്ണം: റിയാദ് 447, മക്ക 236, കിഴക്കൻ പ്രവിശ്യ 164, മദീന 42, അസീർ 41, ജീസാൻ 28, അൽഖസീം 26, തബൂക്ക് 23, ഹായിൽ 20, വടക്കൻ അതിർത്തി മേഖല 14, നജ്റാൻ 11, അൽ ജൗഫ് 10, അൽബാഹ 10.