സൗദി അറേബ്യയിൽ 159 പേര്‍ക്ക് കൊവിഡ് സ്ഥിരീകരിച്ചു

രാജ്യത്ത് ഇതുവരെ റിപ്പോർട്ട് ചെയ്ത ആകെ കേസുകളുടെ എണ്ണം 754,623 ആയി. ആകെ രോഗമുക്തരുടെ എണ്ണം 742,239 ആയി ഉയർന്നു. ആകെ മരണസംഖ്യ 9,096 ആയി തുടരുന്നു.

റിയാദ്: സൗദി അറേബ്യയിൽ പുതിയ കൊവിഡ് കേസുകളുടെ എണ്ണം കുത്തനെ ഉയർന്നു. കഴിഞ്ഞ 24 മണിക്കൂറിനിടയിൽ 159 പേർക്കാണ് രോഗബാധ സ്ഥിരീകരിച്ചത്. നിലവിലെ രോഗബാധിതരിൽ 112 പേർ സുഖം പ്രാപിച്ചു. രണ്ട് മരണം റിപ്പോർട്ട് ചെയ്തു. 

രാജ്യത്ത് ഇതുവരെ റിപ്പോർട്ട് ചെയ്ത ആകെ കേസുകളുടെ എണ്ണം 754,623 ആയി. ആകെ രോഗമുക്തരുടെ എണ്ണം 742,239 ആയി ഉയർന്നു. ആകെ മരണസംഖ്യ 9,096 ആയി തുടരുന്നു. രോഗബാധിതരിൽ 3,288 പേരാണ് ചികിത്സയിൽ കഴിയുന്നത്. ഇതിൽ 55 പേരുടെ നില ഗുരുതരമാണ്. ഇവർ രാജ്യത്തെ വിവിധ ആശുപത്രികളിൽ തീവ്രപരിചരണ വിഭാഗത്തിലാണ്. ബാക്കിയുള്ളവരുടെ നില തൃപ്തികരമാണ്. 

24 മണിക്കൂറിനിടെ 10,398 ആർ.ടി-പി.സി.ആർ പരിശോധനകൾ നടത്തി. ജിദ്ദ - 38, മദീന - 23, റിയാദ് - 22, മക്ക - 18, ത്വാഇഫ് - 11, ദമ്മാം - 8, അബഹ - 7, ജീസാൻ - 5, ബുറൈദ - 3, അൽബാഹ - 3, മറ്റ് വിവിധയിടങ്ങളിൽ ഒന്ന് വീതം എന്നിങ്ങനെയാണ് രാജ്യത്തെ വിവിധ ഭാഗങ്ങളിൽ പുതിയ കോവിഡ് കേസുകൾ റിപ്പോർട്ട് ചെയ്തത്. രാജ്യത്ത് ഇതുവരെ 64,402,353 ഡോസ് വാക്സിൻ കുത്തിവെച്ചു. ഇതിൽ 26,449,624 ആദ്യ ഡോസും 24,789,341 രണ്ടാം ഡോസും 13,163,388 ബൂസ്റ്റർ ഡോസുമാണ്.