പരിശോധന ശക്തം; സൗദിയില് ഒരാഴ്ചക്കിടെ അറസ്റ്റിലായത് 13,702 നിയമലംഘകര്
Synopsis
അറസ്റ്റിലായവരില് 8,362 പേര് രാജ്യത്തെ താമസ നിയമങ്ങള് ലംഘിച്ചവരാണ്. അതിര്ത്തി നിയമങ്ങള് ലംഘിച്ചതിനാണ് 3,513 പേരെ പിടികൂടിയത്. 1,827 പേര് തൊഴില് നിയമ ലംഘനങ്ങള്ക്കും അറസ്റ്റിലായി.
റിയാദ്: സൗദി അറേബ്യയില് തൊഴില്, താമസ നിയമലംഘനങ്ങള് കണ്ടെത്താനുള്ള പരിശോധനകള് ശക്തമായി തുടരുന്നു. രാജ്യത്തിന്റെ വിവിധ മേഖലകളില് നിന്ന് ഒരാഴ്ചയ്ക്കിടെ 13,702 നിയമലംഘകരെ പിടികൂടി. സുരക്ഷാ സേനയുടെ വിവിധ യൂണിറ്റുകളുടെയും ജവാസത്തിന്റെയും സഹകരണത്തോടെ മെയ് 26 മുതല് ജൂണ് ഒന്നുവരെ നടത്തിയ ഫീല്ഡ് പരിശോധനയിലാണ് ആഭ്യന്തര മന്ത്രാലയ അധികൃതര് ഇത്രയും പേരെ അറസ്റ്റ് ചെയ്തത്.
അറസ്റ്റിലായവരില് 8,362 പേര് രാജ്യത്തെ താമസ നിയമങ്ങള് ലംഘിച്ചവരാണ്. അതിര്ത്തി നിയമങ്ങള് ലംഘിച്ചതിനാണ് 3,513 പേരെ പിടികൂടിയത്. 1,827 പേര് തൊഴില് നിയമ ലംഘനങ്ങള്ക്കും അറസ്റ്റിലായി. അനധികൃതമായി സൗദി അറേബ്യയിലേക്ക് പ്രവേശിക്കാന് ശ്രമിക്കുന്നതിനിടെ പിടിയിലായവരാണ് 253 പേര്. ഇവരില് 50 ശതമാനം പേര് യെമന് സ്വദേശികളാണ്. 41 ശതമാനം പേര് എത്യോപ്യക്കാരും 9 ശതമാനത്തോളം മറ്റ് വിവിധ രാജ്യക്കാരുമാണ് പിടിയിലായവരിലുള്ളത്.
ഹജ്ജ് സര്വീസുകള്ക്കായി സൗദിയയുടെ 14 വിമാനങ്ങള്
സൗദി അറേബ്യയില് നിന്ന് നിയമം ലംഘിച്ച് മറ്റ് അയല് രാജ്യങ്ങളിലേക്ക് കടക്കാന് ശ്രമിച്ച 18 പേരെയും അറസ്റ്റ് ചെയ്തു. നിയമലംഘകര്ക്ക് താമസിക്കാനും യാത്ര ചെയ്യാനുമുള്ള സംവിധാനങ്ങള് ഒരുക്കിക്കൊടുത്ത 16 പേരെയും അറസ്റ്റ് ചെയ്തിട്ടുണ്ട്. രാജ്യത്ത് നിയമലംഘകരെ പിടികൂടാനുള്ള പരിശോധന കര്ശനമാക്കിയതിന് ശേഷം പിടിയിലായി നിലവില് ശിക്ഷയ്ക്ക് വിധേയമായവരുടെ ആകെ എണ്ണം 76,836 ആയി. 73,539 പുരുഷന്മാരും 3,297 സ്ത്രീകളുമാണ്.
അതിര്ത്തി സുരക്ഷാ ചട്ടങ്ങള് ലംഘിച്ച് ആര്ക്കെങ്കിലും രാജ്യത്തേക്ക് പ്രവേശിക്കാന് സൗകര്യം ചെയ്തുകൊടുക്കുകയോ അല്ലെങ്കില് അദ്ദേഹത്തിന് ഗതാഗതമോ പാര്പ്പിടമോ എന്തെങ്കിലും സഹായമോ സേവനമോ നല്കുകയോ ചെയ്താല് പരമാവധി 15 വര്ഷം വരെ തടവ് ലഭിക്കുമെന്ന് ആഭ്യന്തര മന്ത്രാലയം മുന്നറിയിപ്പ് നല്കി. കൂടാതെ, ഒരു ദശലക്ഷം റിയാല് വരെ പിഴ, വാഹനങ്ങള് അഭയം നല്കിയ സ്ഥലം എന്നിവ കണ്ടുകെട്ടല് എന്നീ നടപടികള് ഇവര്ക്കെതിരെ സ്വീകരിക്കുമെന്നും അവരുടെ പേരുകള് പ്രാദേശിക മാധ്യമങ്ങളില് വെളിപ്പെടുത്തുമെന്നും മുന്നറിയിപ്പുണ്ട്.
റിയാദ്: ഈ വര്ഷം ഹജ്ജിനെത്തുന്നവര് സ്വീകരിച്ചിരിക്കേണ്ട കൊവിഡ് വാക്സിനുകള് സംബന്ധിച്ച് പ്രത്യേക അറിയിപ്പ് പുറത്തിറക്കി. സൗദി ആരോഗ്യ മന്ത്രാലയം പുറത്തിറക്കിയ പട്ടികയില് പത്ത് വാക്സിനുകളാണുള്ളത്. ഇവയില് ഏതെങ്കിലും ഒരെണ്ണം സ്വീകരിച്ചവര്ക്ക് മാത്രമേ ഹജ്ജ് നിര്വഹിക്കാന് അനുമതി ലഭിക്കുകയുള്ളൂ.
ഫൈസര്/ബയോ എന്ടെക്, മൊഡേണ, ഓക്സ്ഫോഡ്/ആസ്ട്രസെനിക, ജോണ്സന് ആന്റ് ജോണ്സന്, കോവോവാക്സ്, നുവാക്സോവിഡ്, സിനോഫാം, സിനോവാക്, കൊവാക്സിന്, സ്പുട്നിക് എന്നിവയാണ് അംഗീകൃത വാക്സിനുകള്. ജോണ്സന് ആന്റ് ജോണ്സന് വാക്സിന്റെ ഒരു ഡോസും മറ്റ് വാക്സിനുകളുടെ രണ്ട് ഡോസുകളുമാണ് സ്വീകരിക്കേണ്ടത്. 65 വയസിന് താഴെയുള്ളവര്ക്ക് മാത്രമാണ് ഇത്തവണ ഹജ്ജിന് അനുമതിയുള്ളത്. രാജ്യത്തേക്ക് പുറപ്പെടുന്നതിന് 72 മണിക്കൂറിനിടെ എടുത്ത കൊവിഡ് പി.സി.ആര് പരിശോധനയുടെ നെഗറ്റീഫ് ഫലവും ഹാജരാക്കണമെന്ന് ആരോഗ്യ മന്ത്രാലയം അറിയിച്ചിട്ടുണ്ട്.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam