Gulf News : സൗദിയിൽ ബിൽ കുടിശിക ആയിരം റിയാൽ കവിഞ്ഞാൽ വൈദ്യുതി വിച്ഛേദിക്കും

സൗദി അറേബ്യയിൽ വൈദ്യുത ബിൽ കുടിശിക ആയിരം റിയാൽ കവിഞ്ഞാൽ കണക്ഷന്‍ വിച്ഛേദിക്കും.

റിയാദ്: സൗദി അറേബ്യയിൽ ബിൽ കുടിശിക (Electricity bill due) ആയിരം റിയാൽ കവിഞ്ഞാൽ വൈദ്യുതി ബന്ധം വിച്ഛേദിക്കുമെന്ന് സൗദി ഇലക്ട്രിസിറ്റി കമ്പനി (Saudi Electricity Company) അറിയിച്ചു. മൂന്നു മാസത്തിലേറെ കാലത്തെ ബില്ലുകൾ ഒടുക്കാതെ ശേഷിച്ചാലും കറണ്ട് കട്ട് ചെയ്യും (Disconnecting electricity). കണക്ഷൻ വിച്ഛേദിക്കുന്ന തീയതി സൗദി ഇലക്ട്രിസിറ്റി കമ്പനി സിസ്റ്റത്തിൽ രജിസ്റ്റർ ചെയ്ത മൊബൈൽ ഫോൺ നമ്പറിലേക്ക് അയക്കുന്ന എസ്.എം.എസ് വഴി ഉപയോക്താക്കളെ മുൻകൂട്ടി അറിയിക്കുമെന്നും കമ്പനി വ്യക്തമാക്കി. 

റിയാദ്: സൗദി അറേബ്യയിൽ (Saudi Arabia) ഒരു പള്ളിയിലേക്ക് ലോറി നിയന്ത്രണം വിട്ട് ഇടിച്ചുകയറി (Truck crashed into a mosque), നമസ്‍കരിച്ചുകൊണ്ടിരുന്ന അഞ്ചുപേർക്ക് പരിക്കേറ്റു (Five injured). ജിദ്ദ നഗരത്തിനോട് ചേർന്നുള്ള മുൻതസഹയിലെ അമാർ പള്ളിയിലാണ് അപകടം. 

പള്ളിയില്‍ നമസ്‍കാരത്തിലായിരുന്ന ആളുകൾക്കാണ് പരിക്കേറ്റത്. പരിക്കേറ്റവരെ ആശുപത്രിയിൽ പ്രവേശിപ്പിച്ചു. പള്ളിയുടെ ചുവർ ഭാഗികമായി തകർന്നു. സിവിൽ ഡിഫൻസിന്റെ നേതൃത്വത്തിൽ രക്ഷാപ്രവർത്തനം നടത്തി.  പരിക്കേറ്റ് ചികിത്സയില്‍ കഴിയുന്നവരുടെ ആരോഗ്യസ്ഥിതി സൗദി മതകാര്യ വകുപ്പ് മന്ത്രി ഡോ. അബ്‍ദുല്‍ ലത്തീഫ് ബിന്‍ അബ്‍ദുല്‍ അസീസ് ആലുശൈഖ് അന്വേഷിച്ചു. കെട്ടിടത്തിന്റെ സുരക്ഷ ഉറപ്പുവരുത്താനും പള്ളി വീണ്ടും തുറക്കുന്നതിനെക്കുറിച്ച് പഠനം നടത്താനും അദ്ദേഹം നിര്‍ദേശം നല്‍കി.