വീണ്ടും പരിശോധന ശക്തമാക്കി അധികൃതര്; നിരവധി പ്രവാസികള് അറസ്റ്റില്
Synopsis
കഴിഞ്ഞ ദിവസം സബാഹ് അല് സലിം, ജലീബ് അല് ശുയൂഖ് എന്നിവിടങ്ങളില് ആഭ്യന്തര മന്ത്രാലയത്തിന് കീഴിലുള്ള ജനറല് അഡ്മിനിസ്ട്രേഷന് ഓഫ് റെസിഡന്സ് അഫയേഴ്സ് ഇന്വെസ്റ്റിഗേഷന് ഉദ്യോഗസ്ഥരെത്തി പരിശോധന നടത്തി.
കുവൈത്ത് സിറ്റി: കുവൈത്തില് നിയമലംഘകരായ പ്രവാസികളെ കണ്ടെത്താനായി അധികൃതര് വീണ്ടും പരിശോധന ശക്തമാക്കി. കഴിഞ്ഞ ദിവസം സബാഹ് അല് സലിം, ജലീബ് അല് ശുയൂഖ് എന്നിവിടങ്ങളില് ആഭ്യന്തര മന്ത്രാലയത്തിന് കീഴിലുള്ള ജനറല് അഡ്മിനിസ്ട്രേഷന് ഓഫ് റെസിഡന്സ് അഫയേഴ്സ് ഇന്വെസ്റ്റിഗേഷന് ഉദ്യോഗസ്ഥരെത്തി പരിശോധന നടത്തി. താമസ നിയമങ്ങള് ലംഘിച്ചതായി കണ്ടെത്തിയ 19 പ്രവാസികളെ ഇവിടെ നിന്ന് അറസ്റ്റ് ചെയ്തതായി കുവൈത്ത് ആഭ്യന്തര മന്ത്രാലയം അറിയിച്ചു. നിയമലംഘകരെ തുടര് നടപടികള് സ്വീകരിക്കുന്നതിനായി ബന്ധപ്പെട്ട വിഭാഗങ്ങള്ക്ക് കൈമാറിയിട്ടുണ്ട്.
കുവൈത്തില് വേശ്യാവൃത്തിയില് ഏര്പ്പെട്ടതിന് എട്ട് പ്രവാസികളെ അറസ്റ്റ് ചെയ്തതായും ആഭ്യന്തര മന്ത്രാലയം അറിയിച്ചിരുന്നു. സാല്മിയയില് നിന്നാണ് ഇവരെ പിടികൂടിയത്. മനുഷ്യക്കടത്തുമായി ബന്ധപ്പെട്ട നിയമലംഘനങ്ങള് കണ്ടെത്തുന്നതിന് നടത്തിയ പരിശോധനയ്ക്കിടെയാണ് പെണ്വാണിഭ സംഘം അറസ്റ്റിലായത്. തുടര് നിയമ നടപടികള് സ്വീകരിക്കുന്നതിനായി ഇവരെ പിന്നീട് ബന്ധപ്പെട്ട വിഭാഗങ്ങള്ക്ക് കൈമാറിയെന്ന് ആഭ്യന്തര മന്ത്രാലയം സാമൂഹിക മാധ്യമങ്ങളിലൂടെ പുറത്തുവിട്ട അറിയിപ്പില് പറയുന്നു.
Read also: അപ്പാര്ട്ട്മെന്റിന്റെ വാടകയെച്ചൊല്ലിയുള്ള തര്ക്കത്തിനിടെ 61 വയസുകാരനെ കൊന്ന പ്രവാസിക്ക് വധശിക്ഷ
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam, World Pravasi News, Keralites Abroad News, NRI Malayalis News ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ