എമിറേറ്റിന്‍റെ ചരിത്രത്തിലെ ഏറ്റവും വലിയ ബജറ്റിന് അംഗീകാരം നൽകി ഷാര്‍ജ ഭരണാധികാരി

ഷാര്‍ജയുടെ ചരിത്രത്തിലെ ഏറ്റവും വലിയ ബജറ്റിന് അംഗീകാരം നൽകി ഭരണാധികാരി. 

ഷാര്‍ജ: ഷാര്‍ജയുടെ ചരിത്രത്തിലെ ഏറ്റവും വലിയ ബജറ്റിന് അംഗീകാരം നല്‍കി യുഎഇ സു​പ്രീം കൗ​ൺ​സി​ൽ അം​ഗ​വും ഷാ​ർ​ജ ഭ​ര​ണാ​ധി​കാ​രി​യു​മാ​യ ശൈ​ഖ്​ ഡോ. ​സു​ൽ​ത്താ​ൻ ബി​ൻ മു​ഹ​മ്മ​ദ്​ അ​ൽ ഖാ​സി​മി. 2025 വര്‍ഷം​​ ഏ​ക​ദേ​ശം 4200 കോ​ടി ദി​ർ​ഹം ചെ​ല​വ്​ പ്ര​തീ​ക്ഷി​ക്കു​ന്ന​ ബ​ജ​റ്റാ​ണ്​ പ്ര​ഖ്യാ​പി​ച്ച​ത്. 

സാമ്പത്തിക സുസ്ഥിരത, മികച്ച ജീവിത നിലവാരം, എമിറേറ്റിലെ എല്ലാ താമസക്കാരുടെയും സാമൂഹിക ക്ഷേമം എന്നിവ ലക്ഷ്യമിട്ടുള്ളതാണ് 2025 ബജറ്റെന്ന് ഷാര്‍ജ ഗവണ്‍മെന്‍റ് മീഡിയ ഓഫീസ് അറിയിച്ചു. സാമൂഹിക സുരക്ഷയും, ഊര്‍ജ്ജം, ജലം, ഭക്ഷ്യ വിഭവങ്ങള്‍ എന്നിവയുടെ സുസ്ഥിരത വര്‍ധിപ്പിക്കാനും ബജറ്റ് ലക്ഷ്യമിടുന്നു. ബ​ജ​റ്റി​ന്‍റെ 27 ശ​ത​മാ​നം നീ​ക്കി​വെ​ച്ചി​രി​ക്കു​ന്ന​ത്​ ഉ​ദ്യോ​ഗ​സ്ഥ​രു​ടെ ശ​മ്പ​ള​യി​ന​ത്തി​ലാ​ണ്. മ​റ്റ്​ പ്ര​വ​ർ​ത്ത​ന​ങ്ങ​ളു​ടെ ചെ​ല​വി​ലേ​ക്കാ​യി 23 ശ​ത​മാ​ന​വും മാറ്റിവെച്ചിട്ടുണ്ട്. 20 ശ​ത​മാ​നം വ​രു​ന്ന മൂ​ല​ധ​ന പ​ദ്ധ​തി​ക​ളെ പി​ന്തു​ണ​ക്കു​ന്ന ന​ട​പ​ടി​ക​ൾ​ തു​ട​രു​മെ​ന്നും സ​ർ​ക്കാ​ർ വ്യ​ക്ത​മാ​ക്കി. ക​ടം തി​രി​ച്ച​ട​വും പ​ലി​ശ ബാ​ധ്യ​ത​ക​ൾ​ക്കു​മാ​യി വ​ക​യി​രു​ത്തി​യി​രി​ക്കു​ന്ന​ത്​​ 16 ശ​ത​മാ​നം തു​ക​യാ​ണ്.

ഏഷ്യാനെറ്റ് ന്യൂസ് വാർത്തകൾ തത്സമയം അറിയാം..