സൗദി അറേബ്യയിൽ വാഹനാപകടം; 10​ പേർക്ക് പരിക്ക്

അപകടത്തെ തുടർന്ന്​ വാഹനത്തിനുള്ളിൽ കുടുങ്ങിപ്പോയ രണ്ട്​ പേർക്ക്​ ഗുരുതരമായി പരിക്കേറ്റു. പൊലീ​സും റെഡക്രസൻറുമെത്തി രക്ഷാപ്രവർത്തനം നടത്തി.

റിയാദ്​: സൗദി അറേബ്യയിൽ വാഹനങ്ങൾ കൂട്ടിയിടിച്ചുണ്ടായ അപകടത്തിൽ 10​ പേർക്ക്​ പരിക്ക്​. പടിഞ്ഞാറൻ പ്രവിശ്യയിലെ തായിഫിന്​ വടക്ക്​ മർക്കസ്​ അത്തീഫ്​ എന്ന സ്ഥലത്ത്​​ മിനി വാനും മറ്റൊരു വാഹനവും കൂട്ടിയിടിച്ചാണ്​ അപകടമുണ്ടായത്​​.

അപകടത്തെ തുടർന്ന്​ വാഹനത്തിനുള്ളിൽ കുടുങ്ങിപ്പോയ രണ്ട്​ പേർക്ക്​ ഗുരുതരമായി പരിക്കേറ്റു. പൊലീ​സും റെഡക്രസൻറുമെത്തി രക്ഷാപ്രവർത്തനം നടത്തി. വാഹനം വെട്ടിപൊളിച്ചാണ്​ അകത്ത്​ കുടുങ്ങിപ്പോയവരെ പുറത്തെടുത്തത്​. പരിക്കേറ്റവരെ തായിഫ്​ പ്രിൻസ്​ സുൽത്താൻ അസ്​കരി ആശുപത്രിയിൽ പ്രവേശിപ്പിച്ചു. ഇവർ അപകടനില തരണം ചെയ്​തു.