90 ശതമാനം വരെ വിലക്കുറവുമായി യുഎഇയില് മൂന്ന് ദിവസത്തെ സൂപ്പര് സെയില് വരുന്നു
Synopsis
നവംബര് 25 മുതല് 27 വരെയായിരിക്കും സൂപ്പര് സെയില് നടക്കുക. ഫാഷന്, ബ്യൂട്ടി, ഹോ ആന്റ് ഫര്ണിച്ചര്, കിച്ചണ്വെയര്, കുട്ടികളുടെ സാധനങ്ങള്, ഇലക്ട്രോണിക് ഉത്പന്നങ്ങള് തുടങ്ങിയവയ്ക്ക് 90 ശതമാനം വരെ വിലക്കുറവ് ഈ സെയിലിലൂടെ ലഭിക്കും.
ദുബൈ: വിവിധ ഉത്പന്നങ്ങള്ക്ക് 90 ശതമാനം വരെ വിലക്കുറവും നിരവധി ഓഫറുകളുമായി ദുബൈയില് വീണ്ടും മൂന്ന് ദിവസത്തെ സൂപ്പര് സെയില് വരുന്നു. ദുബൈ ഫെസ്റ്റിവല്സ് ആന്റ് റീട്ടെയില് എസ്റ്റാബ്ലിഷ്മെന്റ് (ഡി.എഫ്.ആര്.ഇ) ആണ് ഈ വാരാന്ത്യത്തില് ഉപഭോക്താക്കള്ക്കായി മികച്ച ഓഫറുകള് ഒരുക്കുന്നത്.
നവംബര് 25 മുതല് 27 വരെയായിരിക്കും സൂപ്പര് സെയില് നടക്കുക. ഫാഷന്, ബ്യൂട്ടി, ഹോ ആന്റ് ഫര്ണിച്ചര്, കിച്ചണ്വെയര്, കുട്ടികളുടെ സാധനങ്ങള്, ഇലക്ട്രോണിക് ഉത്പന്നങ്ങള് തുടങ്ങിയവയ്ക്ക് 90 ശതമാനം വരെ വിലക്കുറവ് ഈ സെയിലിലൂടെ ലഭിക്കും. ദുബൈയിലെ മാള് ഓഫ് എമിറേറ്റ്സ്, ദേറ സിറ്റി സെന്റര്, മിര്ദിഫ് സിറ്റി സെന്റര്, ദുബൈ ഹില്സ് മാള്, ദുബൈ മറീന മാള്, ദുബൈ മാള്, മെര്കാറ്റോ, ഠൗണ് സെന്റര് ജുമൈറ, ദ പോയിന്റ്, ഇബ്ന് ബത്തൂത്ത മാള്, സര്ക്കിള് മാള്, നഖീല് മാള്, ഗേറ്റ് അവന്യൂ ഡിഐഫ്സി, ദുബൈ ഫെസ്റ്റിവല് സിറ്റി മാള്, ഫെസ്റ്റിവല് പ്ലാസ, അല് സീഫ്, ബ്ലൂ വാട്ടേഴ്സ്, സിറ്റി വാക്ക്, ലാ മെര്, ദ ഔട്ട്ലെറ്റ് വില്ലേജ്, ദ ബീച്ച് എന്നിവിടങ്ങളില് ഈ സൂപ്പര് സെയിലിന്റെ ഡിസ്കൗണ്ട് ലഭിക്കും. വിവിധ മാളുകള് സ്വന്തം നിലയ്ക്ക് പ്രത്യേക ആനുകൂല്യങ്ങളും മറ്റ് സമ്മാനങ്ങളും ക്യാഷ് ബാക്ക് ഓഫറുകളും ഇക്കാലയളവില് ഉപഭോക്താക്കള്ക്കായി സജ്ജീകരിച്ചിട്ടുണ്ട്. നിരവധി പ്രമുഖ ബ്രാന്ഡുകളുടെ ഉത്പന്നങ്ങള് ഈ കാലയളവില് മികച്ച ഓഫറുകളോടെ ഉപഭോക്താക്കള്ക്ക് സ്വന്തമാക്കാനാവുമെന്നാണ് അറിയിച്ചിരിക്കുന്നത്.
Read also: സ്ത്രീവേഷം ധരിച്ച് അനാശാസ്യ പ്രവര്ത്തനം; മസാജ് സെന്ററില് നിന്ന് 11 പ്രവാസികളെ അറസ്റ്റ് ചെയ്തു
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam