Indians in Jizan Jail : സൗദിയില് ജിസാന് സെന്ട്രല് ജയിലില് 11 മലയാളികളടക്കം 27 ഇന്ത്യക്കാര്
Synopsis
മലയാളികള്ക്ക് പുറമെ അഞ്ച് ഉത്തര്പ്രദേശുകാരും, മൂന്ന് പശ്ചിമ ബംഗാള് സ്വദേശികളും, രണ്ട് തമിഴ്നാട്ടുകാരും ഓരോരുത്തര് രാജസ്ഥാന്, തെലങ്കാന, ത്രിപുര, പഞ്ചാബ്, ബീഹാര്, ജാര്ഖണ്ഡ് സ്വദേശികളുമാണ് ജയിലില് കഴിയുന്നത്.
റിയാദ്: സൗദി അറേബ്യയിലെ(Saudi Arabia) തെക്ക് പടിഞ്ഞാറന് അതിര്ത്തി നഗരമായ ജീസാനിലെ(Jizan) സെന്ട്രല് ജയിലില് 11 മലയാളികളടക്കം 27 ഇന്ത്യാക്കാരുണ്ടെന്ന് ജിദ്ദ ഇന്ത്യന് കോണ്സുലേറ്റ് (Indian Consulate)സംഘം കണ്ടെത്തി. വൈസ് കോണ്സല് എസ്.എന്. താക്കൂറിന്റെ നേതൃത്വത്തില് നടത്തിയ സന്ദര്ശനത്തിലാണ് ഇത് മനസിലാക്കിയത്. വിവിധ കുറ്റകൃത്യങ്ങളില് പിടിക്കപ്പെട്ടവരാണ് ഇവര്.
മലയാളികള്ക്ക് പുറമെ അഞ്ച് ഉത്തര്പ്രദേശുകാരും, മൂന്ന് പശ്ചിമ ബംഗാള് സ്വദേശികളും, രണ്ട് തമിഴ്നാട്ടുകാരും ഓരോരുത്തര് രാജസ്ഥാന്, തെലങ്കാന, ത്രിപുര, പഞ്ചാബ്, ബീഹാര്, ജാര്ഖണ്ഡ് സ്വദേശികളുമാണ് ജയിലില് കഴിയുന്നത്. നിരോധിത ലഹരി ഇലയായ 'ഖാത്' കടത്തിയ കേസിലാണ് കൂടുതല് പേരും. മദ്യ നിര്മാണം, വില്പന, ഉപയോഗം എന്നീ കുറ്റങ്ങള്ക്കും കൊലപാതകം, ഹഷീഷ് കടത്ത്, ഹവാല, സ്ത്രീ പീഡനം, വ്യാജ താമസരേഖ നിര്മാണം, നിരോധിത വീഡിയോ ഷെയര് ചെയ്യല് തുടങ്ങിയ കേസുകളിലും ശിക്ഷ അനുഭവിക്കുന്നവര് കൂട്ടത്തിലുണ്ട്. താമസ വിസ നിയമലംഘകരായ 29 ഇന്ത്യാക്കാര് ജീസാന് നാടുകടത്തല് കേന്ദ്രത്തിലുമുണ്ട്.
റിയാദ്: സൗദി അറേബ്യയില് ട്രാഫിക് നിരീക്ഷണ ക്യാമറ (traffic monitoring device) നശിപ്പിച്ച സംഭവത്തില് മൂന്ന് പേരെ പൊലീസ് അറസ്റ്റ് (three arrested) ചെയ്തു. തെക്കുപടിഞ്ഞാറന് നഗരമായ അസീറിലായിരുന്നു (Azir) സംഭവമെന്ന് ഞായറാഴ്ച ഔദ്യോഗിക വാര്ത്താ ഏജന്സി (Saudi Press Agency) റിപ്പോര്ട്ട് ചെയ്തു.
തോക്ക് ഉപയോഗിച്ച് സംഘം ക്യാമറയ്ക്ക് നേരെ നിറയൊഴിക്കുകയായിരുന്നുവെന്നാണ് അന്വേഷണത്തില് കണ്ടെത്തിയത്. ഇതിന്റെ വീഡിയോ പകര്ത്തി സാമൂഹിക മാധ്യമങ്ങളില് അപ്ലോഡ് ചെയ്യുകയും ചെയ്തു. പൊലീസ് നടത്തിയ അന്വേഷണത്തില്, സംഘത്തിലൊരാള് ആയുധക്കടത്തില് പങ്കാളിയാണെന്നും കണ്ടെത്തിയിരുന്നു. അറസ്റ്റിലായ മൂന്ന് പേരെയും തുടര് നടപടികള്ക്കായി പബ്ലിക് പ്രോസിക്യൂഷന് കൈമാറിയിട്ടുണ്ട്. നേരത്തെയും സൗദി അറേബ്യയുടെ വിവിധ ഭാഗങ്ങളില് ഗതാഗത നിരീക്ഷണ ക്യാമറകള് തകര്ത്തതിന് നിരവധിപ്പേര് അറസ്റ്റിലായിരുന്നു.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam